2 Korintobi 10:5 - BAIBLO ALOO NGMAMI KLƆUKLƆU Ɔ

⁵ nɛ wa teɔ si woɔ ní yayamihi nɛ he nɔ woli deɔ kɛ siɔ bɔ nɛ Mawu ngɛ anɔkuale mi ɔ. Wa tsakeɔ adesa juɛmi, konɛ e susumi nɛ pee kaa bɔ nɛ Kristo ngɛ hlae ɔ.

Somi He Ɔ

⁵ wa kuɔ susumihi kɛ nɔ́ tsuaa nɔ́ nɛ woɔ e he nɔ siɔ Mawu ni lemi ɔ, nɛ wa ngɔɔ juɛmi tsuaa juɛmi nyɔguɛ haa Kristo tue bumi;

2 Korintobi 10:5 ပူးပေါင်းရင်းမြစ်များ

Mose I, 8:21

Yawɛ nu bɔ ɔ he via, nɛ e ná he bua jɔmi. Kɛkɛ nɛ e de e he ke, “I be níhi nɛ wami ngɛ a mi ɔ tsuo a hɛ mi kpatae kikɛ nɛ ɔ hu kɔkɔɔkɔ.

Matsɛmɛ II, 19:22

Mɛnɔ he fɛu o ye ɔ? Mɛnɔ ahlua o bɔ ɔ? Mɛnɔ nɔ nɛ o wo nya nɔ ngɛ ɔ? Mɛnɔ o bui ɔ? Pi Israel Mawu klɔuklɔu ɔ lo?

Matsɛmɛ II, 19:28

Akɛnɛ o kɛ mi tuɔ munyu basabasa, nɛ i nu o he nɔ womi hu he he je ɔ, ma ngɔ gbowe kɛ wo o gugwɔ mi, ma wo o nya mi dade; nɛ ma kpale mo kɛ maa gu blɔ nɛ o gu nɔ kɛ ba a nɔ.”

Hiob 42:6

Nɔ́ nɛ i pee ɔ dɔ mi. Lɔ ɔ he ɔ, i kɛ tabo zu kɛ la zu to okadi kaa i pia ye he niinɛ.

La 10:4

Yayami peelɔ ɔ he nɔ womi ha we nɛ e hlaa Mawu se blɔ. E susumi tsuo ji “Mawu ko be.”

La 139:2

Ye si himi, kɛ ye si temi tsuo o le, ye yi mi tomi tsuo pɛpɛɛpɛ, o le momo.

La 18:27

Nihi nɛ baa a he si ɔ, o heɔ a yi wami. Se ni nɛmɛ nɛ woɔ a he nɔ lɛɛ o baa mɛ si.

La 18:44

Nibwɔhi ma ba kpla si ha mi; ke a nu ye he pɛ a maa bu mi tue.

Mose II, 5:2

Se Farao ɔ bi mɛ ke, “Mɛnɔ ji jamɛ a Yawɛ ɔ? Mɛni he je nɛ e sa kaa ma bu e gbi tue nɛ ma ha Israel nɛ ho ɔ? I li Yawɛ nɛ ɔ, nɛ pohu i be hae nɛ a ya.”

Abɛ Womi 15:26

Yiwutsotsɛmɛ a yi mi susumi ɔ, Yawɛ sume; se nihi nɛ a tsui mi tsɔ ɔ, a munyu saa e hɛ mi.

Abɛ Womi 24:9

Ga tsuaa ga nɛ kuasia toɔ ɔ, e peeɔ yayami. Nɔmlɔ nɛ nihi a he fɛu pɛ e yeɔ ɔ, a hiee lɛ.

Yesaya 2:17

Nɔmlɔ adesa he tsɔɔmi, kɛ e he nɔ womi tsuo se maa po. Amagahi a se maa po kulaa; nɛ jamɛ a be ɔ, Yawɛ pɛ nɔ a ma wo gojoo.

Yesaya 55:7

Nyɛ yiwutsotsɛmɛ, nyɛ kpa awi yemi, nyɛ yayami peeli, nyɛ ko susu nɔ́ yaya hu. Nyɛɛ kpale kɛ ba Yawɛ, wa Mawu ɔ ngɔ. E naa mɔbɔ, nɛ be tsuaa be ɔ, e kɛ nɔ tɔmi paa.

Yesaya 59:7

Be tsuaa be ɔ, yayami he ga sɔuu nyɛ toɔ. Nɔ nɛ ko ye bemi ɔ, nyɛ he sɔɔ kɛ pueɔ e muɔ si yaka. He tsuaa he nɛ nyɛ gu ɔ, nɔ́ puɛmi, kɛ nɔ́ hɛ mi kpatami sɔuu nyɛ siɔ ngɛ nyɛ se;

Yesaya 60:14

Nihi nɛ wa mo yi mi ɔ a bimɛ ɔmɛ maa ba, nɛ a ma ba kpla si ha mo. Nihi nɛ gbe o he guɛ be ko ɔ, mɛ hu a ma ba kpla si ngɛ o nane nya. Nɛ a ma tsɛ mo ke, ‘Yawɛ ma,’ ‘Zion, Israel Mawu klɔuklɔu ɔ ma.’

Yeremia 23:29

Ye sɛ gbi ɔ, anɛ e be kaa la lo? Anɛ e be kaa hamle nɛ ywiaa tɛ sa wɔtsɔwɔtsɔ lo?

Yeremia 4:14

Yerusalem, mo fɔ ní yayami ɔmɛ kɛ je o tsui mi, nɛ a he o yi wami. Kɛ yaa si mɛni be lɛ o maa hi ní yayamihi a he susue?

Ezekiel 17:24

Zugba a nɔ tso ɔmɛ tsuo maa le kaa imi Yawɛ lɛ i haa tso gagaa peeɔ kpiti, nɛ tso kpiti kaa gagaa. Imi lɛ i haa tso mumu gbliɔ, nɛ tso gbigbli peeɔ tso mumu ekohu. Imi, Yawɛ lɛ i de, nɛ ma pee.”

Daniel 4:37

“Enɛ ɔ he je ɔ imi Nebukadnezar, i ngɛ matsɛ nɛ ngɛ hiɔwe ɔ yi jee; i ngɛ e hɛ mi nyami woe, nɛ i ngɛ jajee kaa e kle agbo. E peeɔ nɔ́ tsuaa nɔ́ saminyayoo, nɛ e blɔ ɔmɛ hu da. Nihi nɛ woɔ a he nɔ ɔ, e nyɛɔ baa mɛ si.”

Mateo 15:19

Ejakaa tsui mi nɛ susumi yayami nɛ ɔmɛ jeɔ: nɔmlɔ gbemi, gba puɛmi, ajuama bɔmi, jumi, lakpa odase yemi, kɛ nɔ biɛ puɛmi.

Luka 1:51

E kɛ e he wami kpetekpleenyɛ ɔ gbɛ he nɔ woli, kɛ a juɛmi yaya a tsuo ngɔ fĩa.

Romabi 1:21

A le Mawu ji nɛ, se e hɛ mi nyami nɛ sa kaa a woɔ kaa Mawu ji lɛ ɔ, a wui; nɛ a nɛ́ lɛ si hulɔ. Lɔ ɔ ji kaa nɔ́ kpakpa ko kulaa be a juɛmi mi; nɛ a kɔ we nɔ́ se, ejakaa a juɛmi mi wo diblii kpii.

Romabi 1:5

Kristo nɔ i gu nɛ i na dloomi, nɛ a wo mi bɔfo, konɛ e biɛ ɔ he ɔ, je ma amɛ kulaa nɛ a bu hemi kɛ yemi ɔ tue.

Romabi 16:26

Se amlɔ nɛ ɔ lɛɛ níhi nɛ gbali ɔmɛ ngma a ha nihi babauu ba na anɔkuale ɔ paa kaa bɔ nɛ neneene Mawu ɔ nitsɛ to nɛ a fiɛ ha je mahi tsuo, konɛ a he Mawu ye, nɛ a bu lɛ tue ɔ.

Romabi 7:23

Se i na kaa mlaa muno ko ngɛ ní tsue ngɛ ye nɔmlɔ tso ɔ mi. Mlaa nɛ ɔ kɛ nɔ́ nɛ ngɛ ye juɛmi mi ɔ yi kulaa. Nɔ́ nɛ ye juɛmi deɔ mi ke e da nɛ ma pee ɔ, i ya peeɔ nɔ́ kpa kulaa mohu. Yayami su nɛ ngɛ ye mi nɛ ɔ peeɔ mi nyɔguɛ.

1 Korintobi 1:19

Ngmami ɔ ke, “Ma ha nɛ ní leli a nile ma puɛ, nɛ ga leli a ga tsuo maa pee yaka.”

1 Korintobi 3:19

Ejakaa nɔ́ nɛ je ɔ buu kaa nile ɔ ji kuasia nɔ́ ko ngɛ Mawu lɛɛ e hɛ mi. Ngmami ɔ ke, “Mawu ngɔɔ nile kɛ tsɔɔ ní leli klama.”

2 Korintobi 11:20

Ke nɔ ko ba ye nyɛ nyɔguɛ, loo adufude, loo e ba pee nyɛ kuasia, loo e ba wo e he nɔ ngɛ nyɛ nɔ, loo e ba gba nyɛ hɛ mi ma po, nyɛ de we nɔ́ ko.

2 Korintobi 9:13

Kikɛmɛ a ní tsumi nɛ nyɛ ngɛ tsue nɛ ɔ maa tsɔɔ kaa Kristo sɔmɔli ji nyɛ niinɛ. Nɛ nyɛ nyɛmimɛ ɔmɛ nɛ heɔ yeɔ ɔ ma je Mawu yi ngɛ Kristo sane kpakpa a fiɛmi, kɛ tue bumi he. A ma je Mawu yi hulɔ ngɛ nike níhi nɛ nyɛ je nyɛ tsui mi faa ha a kɛ ni kpahi tsuo ɔ he.

Mose V, 15:9

Ke jeha nɛ a kɛ hiɔ kee nɔ ɔ su ta po, ko kua kaa o maa pa lɛ nɔ́ ko. Ko ha susumi yaya kaa kikɛ nɛ ɔ nɛ ba o yi mi. Ke o kua lɛ nɔ́ nɛ hia lɛ ɔ hami, nɛ e fa kue ha Yawɛ kɛ si mo ɔ, a maa bu mo fɔ.

Filipibi 4:7

Nɛ Mawu he jɔmi nɛ pã adesa juɛmi tsuo ɔ maa bu nyɛ tsui, kɛ nyɛ juɛmi he ngɛ Kristo Yesu mi.

2 Tesalonikabi 2:4

E maa te si ngɔ wo nɔ́ tsuaa nɔ́ nɛ a tsɛɛ mawu, loo nɔ́ ko nɛ a jaa a, nɛ e ma wo e he nɔ ngɛ mɛ tsuo a nɔ. E ma ya hi Mawu sɔlemi we ɔ mi tete po, nɛ e ma de ke lɛ ji Mawu.

2 Tesalonikabi 2:8

Kɛkɛ ɔ, a ma je dikalɔ ɔ kpo paa. Se ke Nyɔmtsɛ Yesu ba a, e kɛ mumi nɛ maa je e nya mi ɔ maa gbe lɛ, nɛ e hɛ mi kpɛmi ɔ ma kpata dikalɔ ɔ hɛ mi pɛsɛpɛsɛ.

Hebribi 4:12

Ejakaa Mawu munyu hɛ ngɛ, e ngɛ he wami, nɛ e nya ba pe klaate nya enyɔtsɛ. E gbuu kɛ sɛɛ nɔ mi kɛ ya siɔ e gbaa klaa, kɛ mumi ɔ mi, kɛ jehanɛ hu kpɔji nya amɛ, kɛ wu mi zɔ ɔmɛ a mi. Mawu munyu ɔ jeɔ adesa tsui mi níhi, kɛ e yi mi tomi kpo.

Hebribi 5:9

Benɛ Mawu ha nɛ e hi kɛ pi si ɔ, e ba pee nɔ nɛ haa nihi nɛ buɔ lɛ tue ɔ naa neneene yi wami hemi.

1 Petro 1:2

Tsɛ Mawu hla nyɛ kaa bɔ nɛ e to ke e maa pee ɔ, nɛ e Mumi Klɔuklɔu ɔ pee nyɛ ma klɔuklɔu, konɛ nyɛɛ bu Yesu Kristo tue, nɛ e muɔ ɔ nɛ tsu nyɛ he. Mawu dloomi kɛ he jɔmi nɛ hiɛ fuu ha nyɛ.

1 Petro 1:22

Amlɔ nɛ ɔ, anɔkuale tsɔɔmi ɔ nɛ kɔɔ Yesu Kristo he ɔ, nyɛ ye nɔ. Nyɛ tsukɔ nyɛ he, nɛ nyɛ ba na suɔmi kpakpa kɛ ha nyɛ nyɛmimɛ nɛ ngɔ a he ngɔ ha Yesu ɔ. Lɔ ɔ he ɔ, nyɛɛ suɔ nyɛ sibi saminya kɛ nyɛ tsui tsuo.