2 Korintobi 10:4 - BAIBLO ALOO NGMAMI KLƆUKLƆU Ɔ

⁴ Ta hwumi níhi nɛ wa hɛɛ ɔ, pi he lo mi níhi; se mohu Mawu nitsɛ e ta hwumi ní kpakpahi nɛ a kɛ kuɔ mɔ nguahi. Wa tsiɔ yi mi susumi yayami nya,

Somi He Ɔ

⁴ Ejakaa wa tahwumi ni ɔmɛ ɔ, tsa pi he lo mi nihi ʼi, se mohu he wami nihi ngɛ Mawu hɛ mi, nɛ a kɛ kuɔ mɔ nguahi;

2 Korintobi 10:4 ပူးပေါင်းရင်းမြစ်များ

La 110:2

Yawɛ ma ha mo he wami kpetekpleenyɛ kɛ je Zion. E ma de mo ke, “Ye o he nyɛli ɔmɛ a nɔ.”

Yesaya 30:25

Ligbi ɔ nɛ a ma kpata nyɛ he nyɛli ɔmɛ a hɛ mi, nɛ a maa ku a mɔ ɔmɛ kɛ pue si ɔ, nyu maa je yo gaga amɛ, kɛ yoku ɔmɛ tsuo a nɔ kɛ be babaaba.

Yeremia 1:10

Mwɔnɛ ligbi nɛ ɔ, i ha mo he wami ngɛ je mahi, kɛ matsɛ yemihi a nɔ; o maa hia, o maa kũɔ, o ma puɛ, o ma kpata hɛ mi, o maa ma, nɛ o ma du.”

Yeremia 23:29

Ye sɛ gbi ɔ, anɛ e be kaa la lo? Anɛ e be kaa hamle nɛ ywiaa tɛ sa wɔtsɔwɔtsɔ lo?

Ni Tsumi 7:22

A tsɔɔ Mose Egipt nile tsuo, nɛ e na biɛ kpanaa; e he biɛ ngɛ munyu tumi kɛ e ní peepee tsuo mi.

Romabi 13:12

Nyɔ ɔ be ta kulaa, nɛ je mi miɔ nɛ e ma tsɔ. Lɔ ɔ he ɔ, nyɛ ha wa kpa níhi nɛ wa peeɔ ngɛ laami mi ɔ; wa ní peemi ɔmɛ nɛ a kpɛ́ kaa níhi nɛ ta bulɔ kɛ mia.

Romabi 6:13

Nyɛ ko ngɔ nyɛ nɔmlɔ tso ɔ he ní komɛ kɛ pee yayami hu. Mohu ɔ, nyɛɛ ngɔ nyɛ he ngɔ ha Mawu. Nyɛɛ ba nyɛ je mi kaa nihi nɛ a tle mɛ si kɛ je gbeje kɛ ba wami mi. Nyɛɛ ngɔ nyɛ he ngɔ ha Mawu, konɛ e ngɔ nyɛ kɛ tsu níhi nɛ da.

1 Korintobi 2:5

bɔ nɛ pee nɛ nyɛ ko ngɔ nyɛ hemi kɛ yemi ngɔ fɔ adesa nile nɔ, se mohu Mawu he wami nɔ.

1 Korintobi 9:7

Ta bulɔ te nɔ nɛ tsuɔ ní nɛ lɛ nitsɛ e woɔ e he hiɔ nɛɛ? Mɛnɔ lɛ peeɔ wai ngmɔ, nɛ e yi e mi yiblii ɔ eko? Mɛnɔ nɛ lɛɛ to, nɛ e nui to nyɔ nyu ɔ eko?

2 Korintobi 10:8

Nyɔmtsɛ Yesu Kristo ha wɔ he wami ngɛ nyɛ nɔ, pi nɛ wa kɛ kpata nyɛ hɛ mi, se mohu nɛ wa kɛ ye bua nyɛ. Nɛ e ngɛ mi kaa he blɔ nɛ wa hɛɛ nɛ ɔ ha nɛ i fĩa tsɔ mohu, se kɛ̃ enɛ ɔ pee we mi zo.

2 Korintobi 13:10

Enɛ ɔ he hu lɛ i ngɛ nyɛ womi nɛ ɔ ngmae benɛ i be nyɛ ngɔ ɔ nɛ. Kɛkɛ ɔ, ke i ba a, e be hiae kaa i kɛ nyɛ nɛ ye wawɛɛ. He wami nɛ Nyɔmtsɛ ɔ ha mi ɔ, pi nɛ ma kɛ kpata nyɛ hɛ mi, se mohu nɛ ma kɛ ye bua nyɛ.

2 Korintobi 3:5

Ní tsumi nɛ ɔ, wa be dee ke wɔ nitsɛmɛ wa ngɛ he wami nɛ wa ma nyɛ tsu. He wami nɛ wa ngɛ ɔ, Mawu lɛ ha wɔ.

2 Korintobi 4:7

Wɔ nɛ wa ná kikɛmɛ a mumi mi juetli nɛ ɔ, wa ngɛ kaa zu buɛhi. Enɛ ɔ tsɔɔ kaa he wami kpetekpleenyɛ nɛ ɔ, Mawu ngɔ nɛ e je, pi wɔɔ wa ngɔ.

2 Korintobi 6:7

anɔkuale munyu tumi, kɛ Mawu he wami nɛ ngɛ ní tsue ngɛ wa mi ɔ tsɔɔ kaa Mawu tsɔli ji wɔ. Wa peeɔ nɔ́ nɛ da, nɛ lɔ ɔ ji wa ta hwumi ní nɛ waa hɛɛ hiɔ kɛ muɔ nɛ wa kɛ faa wa he.

1 Tesalonikabi 5:8

Se wɔɔ lɛɛ piani bimɛ ji wɔ, nɛ e hia kaa wa hɛ mi nɛ ka si. Wa hemi kɛ yemi, kɛ suɔmi ɔ mi nɛ wa kaa dama, nɛ hɛ kɛ nɔ fɔmi kaa a ma he wa yi wami ɔ, lɔ ɔ hu mi nɛ wa kaa dade pɛɛ.

1 Timoteo 1:18

Ye bi Timoteo, munyuhi nɛ gbali ɔmɛ tu blema ngɛ o he ɔ, lɔ ɔmɛ imi hu i ngɛ mo fae ke o pee. Ha munyu nɛ ɔmɛ nɛ a pee kaa ta hwumi níhi ngɛ o dɛ nɛ o kɛ tsu ní saminya.

2 Timoteo 2:3

Mia o hɛ mi kɛ na nɔ́ kaa Kristo Yesu ta bulɔ kpakpa.

Hebribi 11:30

Hemi kɛ yemi nya nɛ Yeriko gbogbo ɔmɛ hule pue si benɛ Israel bi ɔmɛ bɔle ma a ligbi kpaago ɔ.

Yoshua 6:20

Kɛkɛ nɛ osɔfo ɔmɛ bɔni titimati ɔmɛ kpami. Benɛ ma a nu titimati pɛmi ɔ, a he ose wawɛɛ nitsɛ. Kɛkɛ nɛ Yeriko gbogbo ɔ hule pue si. Tabo ɔ tsuo bu kɛ sɛ ma a mi; nɔ tsuaa nɔ nyɛɛ kɛ ya e hɛ mi tɛɛ; nɛ a ya ngɔ ma a.