2 Korintobi 10:18 - BAIBLO ALOO NGMAMI KLƆUKLƆU Ɔ

¹⁸ Ejakaa nɔ nɛ jeɔ lɛ nitsɛ e yi ɔ, Nyɔmtsɛ ɔ hla we lɛ; nɔ nɛ Nyɔmtsɛ ɔ nitsɛ jeɔ e yi ɔ, lɛ nɛ Nyɔmtsɛ ɔ suɔ.

Somi He Ɔ

¹⁸ Ejakaa pi nɔ nɛ jeɔ e he yi ɔ ji nɔ nɛ sa, se mohu nɔ nɛ Nyɔmtsɛ ɔ jeɔ e yi ɔ.

2 Korintobi 10:18 ပူးပေါင်းရင်းမြစ်များ

Luka 16:15

Yesu de mɛ ke, “Nyɛ peeɔ nyɛ he nimli kpakpahi ngɛ nimli a hɛ mi, se Mawu lɛɛ e le nyɛ tsui mi. Ejakaa níhi nɛ adesa buu kaa a he jua wa a, Mawu hɛ mi lɛɛ a pi nɔ́ ko kulaa.

Abɛ Womi 21:2

Nɔmlɔ adesa blɔ tsuo da ngɛ lɛ nitsɛ e hɛ mi; se Yawɛ lɛ hyɛɔ nɔ tsui mi.

1 Korintobi 4:5

Lɔ ɔ he ɔ, nyɛ ko kojo nɔ ko loko be ɔ nɛ su. Nyɛɛ mlɛ kɛ yaa si Nyɔmtsɛ ɔ maa ba. Ke e ba a, e ma je diblii mi níhi, kɛ tsui mi ní yayahi nɛ a kɛ laa a tsuo kpo. Jamɛ a be ɔ, nɔ tsuaa nɔ ma na yi jemi nɛ sa lɛ ɔ kɛ je Mawu dɛ mi.

Romabi 2:29

Mohu ɔ, Yuda no nitsɛnitsɛ peemi ɔ ngɛ nɔ ɔ nitsɛ e mi, nɛ nɔ pomi ɔ hu ngɛ e tsui mi. Mawu mumi ɔ pɛ lɛ tsuɔ enɛ ɔ, pi mlaa nɛ a ngma a. Kikɛmɛ a nɔmlɔ nɛ ɔ, Mawu nitsɛ lɛ jeɔ e yi, pi nɔmlɔ adesa.

2 Korintobi 10:12

Nihi nɛ woɔ a he nɔ, nɛ a buu a he kaa mɛɛ a pe ni kpahi ɔ, wa be wa he ngɔe ngɔ ta a he; ee, wa be wa he ngɔe ngɔ to a he. Bɔ nɛ a kaleɔ a he, nɛ a ngɔɔ a he ngɔ toɔ a sibi a he ɔ, juɛmi be mi.

Yohane 12:43

A suɔ kaa a sa nimli a hɛ mi pe nɛ a maa pee nɔ nɛ sa Mawu hɛ mi.

Abɛ Womi 27:2

Ha nɛ nɔ kpa nɛ je o yi. Ha nɛ nubwɔ mohu nɛ kɔ mo; pi mo nitsɛ.

1 Petro 1:7

A kɛ amanehlu nɛ ɔmɛ ngɛ nyɛ kae kaa nyɛ heɔ Mawu yeɔ niinɛ lo. Sika tsu po nɛ puɛɔ ɔ, a kaa ngɛ la mi. Lɔ ɔ he ɔ, nyɛ hemi kɛ yemi ɔ nɛ he jua wa kulaa pe sika tsu ɔ, ja a ka lɛ, bɔ nɛ pee nɛ e mi nɛ wa. Kɛkɛ ɔ, ligbi ɔ nɛ Yesu Kristo maa ba ekohu ɔ, a ma je nyɛ yi, nɛ a maa bu nyɛ, nɛ nyɛ hɛ mi maa ba nyami.

2 Korintobi 13:7

Wa ngɛ Mawu pɛɛ kpae ha nyɛ nɛ nyɛ ko pee nɔ́ ko nɛ sɛ́. Waa kɛ enɛ ɔ tsɔɔ we kaa wɔɔ lɛɛ wa hi; se mohu nɛ nyɛɛ pee nɔ́ nɛ sa; pohu e maa pee nihi kaa wɔɔ lɛɛ wa nyɛ we kulaa.

2 Korintobi 6:4

Se mohu ngɛ nɔ́ tsuaa nɔ́ mi ɔ, wa bɔɔ mɔde kaa wa maa tsɔɔ kaa Mawu tsɔli ji wɔ niinɛ. Wa toɔ wa tsui si ngɛ haomi, kɛ fimi, kɛ he hiami mi.

Romabi 14:18

Ke nɔ ko ngɛ Kristo sɔmɔe ngɛ kikɛmɛ a blɔ nɛ ɔ nɔ ɔ, e ngɛ Mawu suɔmi nya ní pee, nɛ e saa nimli adesahi hu a hɛ mi.

2 Timoteo 2:15

Bɔɔ mɔde wawɛɛ kaa ní tsulɔ kpakpa, konɛ Mawu nɛ ná o he bua jɔmi. E ko pee mo zo kulaa kaa o maa tsɔɔ anɔkuale munyu ɔ saminya.

2 Korintobi 5:12

Nyɛ ko susu kaa wɔ nitsɛmɛ wa yi wa pa ngɛ jee ha nyɛ ekohu. Dɛbi! Waa kɛ enɛ ɔ ngɛ nyɛ blɔ hae, konɛ nyɛ kɛ fĩa ngɔ fɔ wa nɔ. Kɛkɛ ɔ, nihi nɛ hyɛɛ nihi a hɛ mi, se pi a tsui mi, nɛ a fĩaa ngɔ fɔɔ a nɔ ɔ, nyɛ ma ná nɔ́ ko ma de mɛ.

2 Korintobi 3:1

Ke wa de jã a, anɛ lɔ ɔ tsɔɔ kaa wa ngɛ wɔ nitsɛmɛ wa yi jee ekohu lo? Anɛ yi jemi womi nɛ ni kpahi maa ngma kɛ ba je wa yi ha nyɛ, aloo nɔ́ nɛ nyɛ maa ngma kɛ ya je wa yi ha ni kpahi he hia wɔ lo? Dɛbi!

1 Korintobi 11:19

Niinɛ, e he hia kaa mi gbami ko kɛ̃ nɛ hi nyɛ kpɛti, konɛ a na Kristo se nyɛɛli kpakpa amɛ paa.

Romabi 16:10

I biɔ Apele; a yeɔ e he odase kaa e sɔmɔɔ Kristo saminya. I biɔ Aristobulo weku ɔ hulɔ.

Ni Tsumi 2:22

“Ye nyɛmimɛ Israel bi, nyɛɛ bu munyu nɛ ɔ tue saminya! Nyakpɛ níhi, kɛ okadihi nɛ Mawu pee kɛ gu Yesu nɛ je Nazaret ɔ nɔ ɔ yeɔ odase paa kaa Mawu nitsɛ lɛ tsɔ lɛ. Nyɛ nitsɛmɛ nyɛ le enɛ ɔ, ejakaa nyɛ kpɛti a pee ni nɛ ɔmɛ ngɛ.

Abɛ Womi 12:8

Ke o ngɛ juɛmi ɔ, a ma je o yi. Se ke o biɛ lɛɛ a maa gbe o he guɛ.