2 Korintobi 10:17 - BAIBLO ALOO NGMAMI KLƆUKLƆU Ɔ

¹⁷ Lɔ ɔ he ɔ, kaa bɔ nɛ ngmami ɔ deɔ ɔ, “Nɔ nɛ suɔ kaa e maa fĩa a, e fĩa ngɔ fɔ nɔ́ nɛ Nyɔmtsɛ ɔ pee ɔ pɛ nɔ.”

Somi He Ɔ

¹⁷ “Se nɔ nɛ fiaa a, Nyɔmtsɛ ɔ nɔ ɔ e fia ngɔ fɔ!”

2 Korintobi 10:17 ပူးပေါင်းရင်းမြစ်များ

1 Korintobi 1:31

Lɔ ɔ he ɔ, kaa bɔ nɛ ngmami ɔ deɔ ɔ, “Nɔ nɛ suɔ kaa e maa fĩa a, e fĩa ngɔ fɔ nɔ́ nɛ Nyɔmtsɛ ɔ pee ɔ nɔ.”

Yesaya 65:16

Kɛkɛ ɔ, nɔ tsuaa nɔ nɛ ma hla kaa a gbaa lɛ ɔ ma bi Mawu anɔkualetsɛ ɔ; nɛ nɔ nɛ ma ka kita ngɛ zugba a nɔ ɔ hu maa ngɔ Mawu anɔkualetsɛ ɔ biɛ kɛ ka; ejakaa blema haomi ɔmɛ maa be kɛ ho, nɛ a be kaie hu.”

1 Korintobi 1:29

E pee enɛ ɔ, konɛ nɔ ko nɔ ko kó fĩa ngɛ e hɛ mi.

Yeremia 4:2

nɛ nyɛ ma ka kita ngɛ ye biɛ mi anɔkuale mi, nɛ nyɛ maa ye dami sane, nɛ nyɛ maa pee nɔ́ nɛ da a, lɛɛ je ma amɛ tsuo ma ba je ye yi, nɛ a ma de mi ke ma gbaa mɛ.”

La 105:3

Nyɛ ha nɛ wa bua nɛ jɔ wa he kaa Yawɛ níhi ji wɔ; nɔ tsuaa nɔ nɛ jaa lɛ ɔ, e nya!

Filipibi 3:3

Wɔ mohu ji nihi nɛ a po mɛ anɔkuale mi. Ejakaa wɔɔ lɛɛ wa jaa Mawu kɛ guu e mumi ɔ nɔ, nɛ wa fĩaa kɛ fɔɔ Kristo Yesu nɔ. Wa ngɔɛ wa hɛ kɛ fɔɛ he lo nya ní peemi níhi a nɔ.

Romabi 5:11

Pi enɛ ɔ kɛkɛ, se wa fĩaa fɔɔ Mawu nɔ kaa kɛ gu wa Nyɔmtsɛ Yesu Kristo nɔ ɔ, e ha nɛ jehanɛ ɔ, a kpata waa kɛ lɛ Mawu ɔ wa kpɛti.

Yesaya 45:25

Imi Yawɛ nitsɛ ma ha Israel nina tsuo maa ye kunimi, nɛ a maa fĩa kɛ fɔ ye nɔ.

Yesaya 41:16

O maa fɔ̃ mɛ kɛ ya kɔɔhiɔ mi; nɛ kɔɔhiɔ maa muɔ mɛ kɛ ho. Ahumi maa gbɛ mɛ kɛ fĩa; se moo lɛɛ, o bua maa jɔ saminya; ejakaa imi ji o Mawu ɔ nɛ. O ma je imi! Israel Mawu Klɔuklɔu ɔ, ye yi.

La 106:5

Ha nɛ ma na bɔ nɛ o ma mi bi ɔmɛ a he mi jɔ mɛ ha, konɛ bua jɔmi nɛ ba ma a mi ɔ, imi hu ma piɛ a he kɛ nya.