2 Korintobi 10:13 - BAIBLO ALOO NGMAMI KLƆUKLƆU Ɔ

¹³ Wɔɔ lɛɛ wa maa fĩa kɛ ya ta he ko pɛ; ní tsumi nɛ Mawu ha wɔ nɛ wa ngɛ tsue kɛ ba su nyɛ ngɔ hiɛmɛ nɛ ɔ, lɔ ɔ he wa maa fĩa ngɛ.

Somi He Ɔ

¹³ Se wɔɔ lɛɛ, wa be fiae tsɔ, se mohu ngɛ susumi kpa nɛ Mawu susu ngɔ ha wɔ, nɛ wa kɛ su nyɛ hu nyɛ ngɔ ɔ nya.

2 Korintobi 10:13 ပူးပေါင်းရင်းမြစ်များ

La 19:4

Se kɛ̃ ɔ, a nuɔ a he ngɛ je ɔ mi tsuo; a munyu ɔ pɛɛ kɛ yaa je mi nyagbe he tɔɔ. Mawu pee sihi he ha pu ngɛ hiɔwe.

Abɛ Womi 25:14

Nɔ nɛ fĩaa ke e maa ke nɔ nɔ́, se e yi nɔ gblee ɔ, e ngɛ kaa bɔku kɛ kɔɔhiɔ nɛ nyu be mi.

Yesaya 28:17

Ma ngɔ dami sane yemi kɛ pee susumi kpa.” Ahumi kɛ gbiɛ ngo ngu maa bɛɛ lakpa amɛ tsuo kɛ ho, nɛ pahi maa je a hi he ɔmɛ.

Mateo 25:15

E ha nɔ tsuaa nɔ sika bɔ nɛ nɔ ɔ ma nyɛ maa hyɛ nɔ. E ha nɔ kake sika tsu yi akpe enuɔ; e ha nɔ kake sika tsu yi akpe enyɔ, nɛ nɔ ko hu na yi akpe. Kɛkɛ nɛ e doma.

Romabi 10:18

Se i ngɛ bie ke, Anɛ a nui sɛ gbi ɔ lo? Anɔkuale, a nu, ejakaa ngmami ɔ deɔ ke, “A gbi jije kɛ ho zugba a tsuo nɔ ya; Nɛ a sɛ gbi ɔ ya su je ɔ nyagbe he ɔmɛ.”

Romabi 12:3

I kɛ dloomi nɛ Mawu dloo mi ɔ ngɛ nyɛ tsuo dee ke, nyɛ ti nɔ ko kó bu lɛ nitsɛ e he tsɔ pe bɔ nɛ sa kaa e buu e he. Se mohu e pee e he humi kaa bɔ nɛ hemi kɛ yemi nɛ Mawu ha lɛ ɔ tsɔɔ kaa e pee ɔ.

Romabi 12:6

Lɔ ɔ he ɔ, nike ní slɔɔtohi nɛ Mawu kɛ dloo wɔ ɔ, e sa kaa wa tsu a he ní saminya. Ke gbami ji wa nike ní ɔ, nyɛ ha waa ngɔ hemi kɛ yemi nɛ Mawu ha wɔ ɔ kɛ tsu he ní.

Romabi 15:20

Nɔ́ pɔtɛɛ nɛ i kɛ ma ye hɛ mi ji kaa he nɛ a fiɛ we sane kpakpa a nɛ kɔɔ Kristo he ɔ ngɛ lolo ɔ, ma ya fiɛ ngɛ lejɛ ɔ. Kɛkɛ ɔ, nihi be dee ke i ngɛ tsu fiae kɛ ngɛ nɔ kpa sisi tomi nɔ mae.

1 Korintobi 12:11

Se mumi kake ɔ nɔuu lɛ tsuɔ ní nɛ ɔmɛ tsuo; e haa nɔ tsuaa nɔ nike ní pɔtɛɛ ko kaa bɔ nɛ lɛɛ e suɔ.

Efesobi 4:7

A ha wa ti nɔ tsuaa nɔ dloomi nike ní pɔtɛɛ komɛ kaa bɔ nɛ Kristo dla ngɔ ha wɔ ɔ.

1 Petro 4:10

Nike ní pɔtɛɛ komɛ nɛ Mawu kɛ dloo nyɛ ti nɔ tsuaa nɔ ɔ, nyɛ kɛ sɔmɔ nyɛ sibi kaa Mawu dloomi nike ní slɔɔto ɔmɛ a nɔ hyɛli kpakpahi.