2 Korintobi 10:12 - BAIBLO ALOO NGMAMI KLƆUKLƆU Ɔ

¹² Nihi nɛ woɔ a he nɔ, nɛ a buu a he kaa mɛɛ a pe ni kpahi ɔ, wa be wa he ngɔe ngɔ ta a he; ee, wa be wa he ngɔe ngɔ to a he. Bɔ nɛ a kaleɔ a he, nɛ a ngɔɔ a he ngɔ toɔ a sibi a he ɔ, juɛmi be mi.

Somi He Ɔ

¹² Wa kɛ́ kaa wa maa bu wa he ngɔ si ni komɛ a nɔ, aloo waa kɛ wa he maa to ni komɛ nɛ jeɔ mɛ nitsɛmɛ a he yi ɔmɛ a he; mɛɛ lɛɛ, akɛnɛ a kɛ mɛ nitsɛmɛ a he kaleɔ mɛ nitsɛmɛ a he, nɛ a kɛ mɛ nitsɛmɛ a he toɔ mɛ nitsɛmɛ a he he je ɔ, a be juɛmi.

2 Korintobi 10:12 ပူးပေါင်းရင်းမြစ်များ

Abɛ Womi 25:27

Hwo babauu yemi hí; lɔ ɔ he ɔ, ko hla yi jemi kɛ be nɔ.

Abɛ Womi 26:12

Ke nɔ ko buu e he ní lelɔ, nɛ pohu e li nɔ́ ko ɔ, hɛ nɔ kami ngɛ ha kuasia po pe lɛ.

Abɛ Womi 27:2

Ha nɛ nɔ kpa nɛ je o yi. Ha nɛ nubwɔ mohu nɛ kɔ mo; pi mo nitsɛ.

Luka 18:11

“Farisi no ɔ ya da si ngɛ he ko banee, nɛ e sɔle ke, ‘Mawu, i naa mo si kaa i pee we jiklɔɔ; i sisi we nɔ, nɛ i puɛ we gba kaa bɔ nɛ ni komɛ peeɔ ɔ. I naa mo si ekohu kaa i be kaa tó tsulɔ nɛ ɔ hulɔ.

Romabi 15:18

Ejakaa i be nɔ́ kpa ko he munyu nyɛe ma tu pe kaa Kristo gu ye munyu tumi, kɛ ní tsumi nɔ nɛ e ha ma je li ɔmɛ ba le Mawu.

2 Korintobi 10:11

Jamɛatsɛmɛ ɔmɛ nɛ a ná nɛ a le kaa nɔ́ nɛ wa ngmaa ngɔ woɔ womi mi kɛ maneɔ nyɛ ɔ, lɔ ɔ nɔuu wa peeɔ ke wa ba nyɛ ngɔ ɔ nɛ; slɔɔto be mi.

2 Korintobi 10:18

Ejakaa nɔ nɛ jeɔ lɛ nitsɛ e yi ɔ, Nyɔmtsɛ ɔ hla we lɛ; nɔ nɛ Nyɔmtsɛ ɔ nitsɛ jeɔ e yi ɔ, lɛ nɛ Nyɔmtsɛ ɔ suɔ.

2 Korintobi 3:1

Ke wa de jã a, anɛ lɔ ɔ tsɔɔ kaa wa ngɛ wɔ nitsɛmɛ wa yi jee ekohu lo? Anɛ yi jemi womi nɛ ni kpahi maa ngma kɛ ba je wa yi ha nyɛ, aloo nɔ́ nɛ nyɛ maa ngma kɛ ya je wa yi ha ni kpahi he hia wɔ lo? Dɛbi!

2 Korintobi 5:12

Nyɛ ko susu kaa wɔ nitsɛmɛ wa yi wa pa ngɛ jee ha nyɛ ekohu. Dɛbi! Waa kɛ enɛ ɔ ngɛ nyɛ blɔ hae, konɛ nyɛ kɛ fĩa ngɔ fɔ wa nɔ. Kɛkɛ ɔ, nihi nɛ hyɛɛ nihi a hɛ mi, se pi a tsui mi, nɛ a fĩaa ngɔ fɔɔ a nɔ ɔ, nyɛ ma ná nɔ́ ko ma de mɛ.