2 Korintobi 10:10 - BAIBLO ALOO NGMAMI KLƆUKLƆU Ɔ

¹⁰ Nihi deɔ ke, “Paulo womi ɔmɛ a mi munyuhi jiɔ, nɛ a mi wa hulɔ; se ke o na lɛ nitsɛ lɛɛ pi nɔ ko kulaa ji lɛ; munyu nitsɛ tete e li tumi.”

Somi He Ɔ

¹⁰ Ejakaa a deɔ ke: “E womi ɔmɛ a mi munyu ɔmɛ jiɔ, nɛ a mi wa mohu, se ke lɛ nɔmlɔ ɔ nitsɛ e ngɛ hiɛ ɔ ɔ, lɔ ɔ lɛɛ e he wɛ́, nɛ e munyu ɔ he be akɔnɔ ko.”

2 Korintobi 10:10 ပူးပေါင်းရင်းမြစ်များ

1 Korintobi 1:17

Kristo tsɔ we mi ke ma ba sɔle nihi. E tsɔ mi ke ma ba fiɛ sane kpakpa a; pi kɛ nya mi dɔkɔɔ, kɛ adesa nile, konɛ gbenɔ nɛ Kristo gbo ngɛ sɛumi tso ɔ nɔ ɔ kó pee yaka.

2 Korintobi 11:6

Ke i li munyu tumi tete po, lɔ ɔ tsɔɔ we kaa i li nɔ́ ko nɔ́ ko. Nɔ́ nɛ i ngɛ dee nɛ ɔ, nyɛ nitsɛmɛ nyɛ le, ejakaa wa ye he odase si abɔ ngɔ tsɔɔ nyɛ.

Mose II, 4:10

Se Mose de Yawɛ ke, “Ye Nyɔmtsɛ, ye nya mi tsɔ we kɛ je sá, nɛ kɛ je be nɛ o kɛ imi, o tsɔlɔ ɔ bɔni munyu tumi nɛ ɔ hu tsakemi ko bɛ; ye munyu tumi ngɛ blɛuu, nɛ ye lilɛ hu jiɔ.”

2 Korintobi 10:1

Imi Paulo nitsɛ, i ngɛ nyɛ pɛɛ kpae! Ni komɛ deɔ ke ke i ba nyɛ ngɔ ɔ, i peeɔ kpoo, se ke i be nyɛ kasa nya kɛkɛ i hia kã. I suɔ nɛ ma pee kpoo, nɛ ye mi mi nɛ jɔ kaa Kristo.

1 Korintobi 1:21

Mawu ngɔ e nile ɔ kɛ tsi adesa blɔ, konɛ adesa kó nyɛ nɛ e gu lɛɛ e ní lemi nɔ kɛ le Mawu. Se mohu ɔ, sɛ gbi ɔ nɛ wa ngɛ fiɛe nɛ nihi buu kaa kuasiahi a sane ɔ, Mawu to kaa e kɛ ma he ni nɛmɛ nɛ heɔ yeɔ ɔ a yi wami.

Yeremia 1:6

I he nɔ ke, “Ao, Nyɔmtsɛ Yawɛ! I li munyu tumi; niheyo kɛkɛ ji mi.”

2 Korintobi 10:9

I hla we nɛ nihi nɛ susu kaa i ngɛ hlae nɛ ma wo nyɛ he gbeye kɛ womi ɔmɛ nɛ i ngɛ ngmae ɔ.

2 Korintobi 10:11

Jamɛatsɛmɛ ɔmɛ nɛ a ná nɛ a le kaa nɔ́ nɛ wa ngmaa ngɔ woɔ womi mi kɛ maneɔ nyɛ ɔ, lɔ ɔ nɔuu wa peeɔ ke wa ba nyɛ ngɔ ɔ nɛ; slɔɔto be mi.

2 Korintobi 11:21

E peeɔ mi zo kaa ma de ke wɔɔ lɛɛ fɔ̃li ji wɔ, nɛ wa nyɛ we nɛ waa pee nɔ́ ko kaa jã! Jehanɛ lɛɛ i ngɛ munyu tue kaa kuasia! Níhi nɛ ni kpa amɛ ngɛ fĩae ngɛ he ɔ, imi hu ma fĩa ngɛ he jã nɔuu.

2 Korintobi 13:3

Ma pee enɛ ɔ, ejakaa nyɛ ngɛ hlae nɛ nyɛɛ na okadi nɛ tsɔɔ kaa Kristo ngɛ munyu tue kɛ gu ye nɔ. Ke Kristo kɛ nyɛ ngɛ ní tsue ɔ, pi kaa e gbɔjɔ; mohu ɔ, e jeɔ e he wami kpetekpleenyɛ ɔ kpo ngɛ nyɛ kpɛti.