2 Korintobi 1:9 - BAIBLO ALOO NGMAMI KLƆUKLƆU Ɔ

⁹ Wa na paa kaa peepee ta wa he, nɛ gbenɔ ji nɔ́ nɛ fɔɔ si ha wɔ. Se nɔ́ nɛ ɔ ba mi, konɛ wa ko ngɔ wa hɛ kɛ fɔ wɔ nitsɛmɛ wa nɔ, se mohu waa ngɔ wa he kɛ fɔ Mawu nɔ. Ejakaa lɛ nɛ e tleɔ ni gbogboehi si.

Somi He Ɔ

⁹ Wɔ nitsɛmɛ wa na ngɛ wa mi paa kaa wa ma gbo, konɛ wa ko ngɔ wa hɛ ngɔ fɔ wɔ nitsɛmɛ wa he nɔ, se mohu wa ngɔ fɔ Mawu nɛ tleɔ ni gbogboehi a si ɔ nɔ,

2 Korintobi 1:9 ပူးပေါင်းရင်းမြစ်များ

Hiob 40:14

Ke o pee ja a, lɛɛ imi hu ma je o yi, nɛ ma de ke o ma nyɛ ma he mo nitsɛ o yi wami.

La 22:29

He nɔ woli tsuo ma ba kpla si ha lɛ. Niinɛ, nimli adesahi tsuo ma ba kpla si ngɛ e nane nya.

Abɛ Womi 14:32

Yayami peelɔ ɔ, lɛ nitsɛ e ní yayamihi nɛ ngɔɔ lɛ kɛ woɔ haomi mi. Se nɔmlɔ kpakpa lɛɛ gbenɔ mi tete po e ngɛ hɛ nɔ kami.

Abɛ Womi 28:26

Nɔ nɛ heɔ e he yeɔ ɔ, kuasia ji lɛ. Se nɔ nɛ buɔ ní leli a munyu tue ɔ, e maa hi ha lɛ.

Yesaya 38:10

I de ngɛ ye yi mi ke ye nihe be mi ma gbo ngɛ. Ee, ye wami be nɛ piɛ ɔ, gbeje ma ye lɛ tsuo ngɛ.

Ezekiel 33:13

Ke i de dalɔ ko ke bɔ tsuaa bɔ nɛ pee ɔ, e yi ma na wami, kɛkɛ nɛ e bɔni kpakpa nɛ e pee be ko ɔ he susumi kaa e hiɛ babauu, nɛ jehanɛ e bɔni yayami peemi ɔ, i be kpakpa nɛ e pee be ko ɔ kaie. Yayamihi nɛ e pee ɔ a he e ma gbo ngɛ.

Luka 18:9

Jehanɛ ɔ, nihi nɛ buu a he dali, nɛ a gbee ni kpahi a he guɛ ɔ, Yesu tu munyu ngɛ abɛ gbi kɛ tsɔɔ mɛ. E ke,

Romabi 8:36

Kaa bɔ nɛ ngmami ɔ deɔ ɔ, “O he ɔ, be tsuaa be nɛ ɔ, wa ngɛ gbenɔ nya mi; a buɔ wɔ kaa tohi nɛ a yaa gbe.”

2 Korintobi 1:10

Mawu nɛ́ je wɔ kɛ je gbenɔ muɔ nya kaa kikɛ nɛ ɔ ngɛ wɔ jee kɛ mwɔɔ; nɛ e ma je wɔ ekohu. Wa ngɔ wa hɛ kɛ fɔ e nɔ kaa e maa kpale je wɔ kulaa.

2 Korintobi 1:8

Nyɛmimɛ, amanehlu nɛ wa na ngɛ Asia a, wa sume kaa wa maa laa nyɛ nɔ́ ko. Wa na nɔ́ tsɔ pe bɔ nɛ wa ma nyɛ, nɛ wa hɛ be nɔ kaa wa maa hi je mi tete.

2 Korintobi 3:5

Ní tsumi nɛ ɔ, wa be dee ke wɔ nitsɛmɛ wa ngɛ he wami nɛ wa ma nyɛ tsu. He wami nɛ wa ngɛ ɔ, Mawu lɛ ha wɔ.

2 Korintobi 4:7

Wɔ nɛ wa ná kikɛmɛ a mumi mi juetli nɛ ɔ, wa ngɛ kaa zu buɛhi. Enɛ ɔ tsɔɔ kaa he wami kpetekpleenyɛ nɛ ɔ, Mawu ngɔ nɛ e je, pi wɔɔ wa ngɔ.

Hebribi 11:19

Abraham he ye kaa Mawu ngɛ he wami nɛ e kɛ ma tle Isak si kɛ je gbeje tete. Nɛ ke a ma de ngɛ blɔ ko nɔ ɔ, Mawu tle lɛ si kɛ je gbeje ha Abraham niinɛ.