2 Korintobi 1:5 - BAIBLO ALOO NGMAMI KLƆUKLƆU Ɔ

⁵ Ejakaa wa ngɛ amanehlu babauu nae kaa Kristo se nyɛɛ li. Se bɔ nɛ Mawu wo Kristo bua a, ja nɔuu kɛ gu Kristo nɔ ɔ, Mawu woɔ wɔ hu wa bua.

Somi He Ɔ

⁵ Nɛ bɔ nɛ Kristo amanehlu ɔmɛ baa wa nɔ kɛ bee nɔ ɔ, ja nɔuu kɛ Kristo he ɔ, wa bua womi ɔ hu hiɛɛ kɛ bee nɔ.

2 Korintobi 1:5 ပူးပေါင်းရင်းမြစ်များ

Luka 2:25

Jamɛ a be ɔ mi ɔ, nyumu ko ngɛ Yerusalem nɛ a tsɛɛ lɛ Simeon. Nyumu nɛ ɔ, nɔmlɔ kpakpa ji lɛ; e yeɔ Mawu gbeye, nɛ daa nɛ ɔ, e ngɛ blɔ hyɛe nɛ Mawu ba he Israel yi wami. Mumi Klɔuklɔu ɔ ngɛ e mi.

Ni Tsumi 9:4

Saulo tsɔ fia si, nɛ e nu gbi ko nɛ ngɛ lɛ bie ke, “Saulo, Saulo, mɛni he je o ngɛ mi yi mi wae?”

Romabi 8:17

Akɛnɛ Mawu bimɛ ji wɔ ɔ, wa peeɔ Mawu we ní yeli hulɔ, nihi nɛ a kɛ Kristo maa dla ní. Ee, ke waa kɛ Kristo na nɔ́ ɔ, a maa wo waa kɛ lɛ tsuo wa hɛ mi nyami.

Filipibi 1:20

Nɔ́ nɛ i ngɔ hɛ kɛ fɔ nɔ, nɛ i ngɛ blɔ hyɛe wawɛɛ ji kaa zo be mi gbee; se mohu be tsuaa be ɔ, ma pee kã saminya, konɛ wami mi jio, gbenɔ mi jio, titli ɔ, amlɔ nɛ ɔ, ma ngɔ ye nɔmlɔ tso ɔ kɛ wo Kristo hɛ mi nyami.

Filipibi 2:1

Nɛ nyɛ ngɔ nyɛ he ngɔ ha Kristo ɔ, e woɔ nyɛ he wami, nɛ e suɔmi ɔ haa nyɛ bua jɔmi. Nyɛɛ kɛ mumi ɔ ngɛ bɔe, nɛ lɔ ɔ he ɔ, nyɛ nuɔ nɔ́ he ha nyɛ sibi, nɛ nyɛ naa mɛ mɔbɔ.

Filipibi 3:10

Nɔ́ nɛ i ngɛ hlae kɛkɛ ji kaa ma le Kristo, nɛ he wami kpetekpleenyɛ nɛ ha e ba wami mi ekohu ɔ, ma na nya. Ma na nɔ́ kaa bɔ nɛ e na nɔ́ ɔ, nɛ ma gbo kaa bɔ nɛ e gbo ɔ.

Kolosebi 1:24

Amlɔ nɛ ɔ, e peeɔ mi bua jɔmi kaa nyɛ he ɔ, i ngɛ nɔ́ nae, konɛ nɔ́ nɛ piɛ ngɛ dengme nɛ Kristo ba gbo ngɛ asafo ɔ nɛ ji e nɔmlɔ tso ɔ he ɔ, ma gbe nya ngɛ ye he lo nɛ ɔ mi.

2 Timoteo 3:11

O le bɔ nɛ a wa mi yi mi, kɛ bɔ nɛ i na nɔ́. O le níhi nɛ ba ye nɔ ngɛ Antiokia, Ikonium, kɛ Listra; o le bɔ nɛ a tua mi wawɛɛ ngɛ lejɛ ɔmɛ; se Nyɔmtsɛ ɔ je mi kɛ je ní ɔmɛ tsuo a mi.

1 Petro 4:13

Se mohu, nyɛ bua nɛ jɔ kaa amanehlu nɛ Kristo na a, nyɛ hu nyɛ ngɛ nae. Kɛkɛ ɔ, ke e ba ekohu kɛ he wami kpetekpleenyɛ ɔ, nyɛ ma na bua jɔmi babauu.