1 Yohane 5:7 - BAIBLO ALOO NGMAMI KLƆUKLƆU Ɔ

⁷ Odase yeli etɛ lɛ ngɛ;

Somi He Ɔ

⁷ Odase yeli etɛ lɛ ngɛ,

1 Yohane 5:7 ပူးပေါင်းရင်းမြစ်များ

Mateo 28:19

Lɔ ɔ he ɔ, nyɛɛ ya je ma amɛ tsuo a ngɔ ngɛ he tsuaa he, nɛ nyɛɛ pee mɛ ye kaseli. Nyɛɛ sɔle mɛ ngɔ wo Tsɛ ɔ, kɛ Bi ɔ, kɛ Mumi Klɔuklɔu ɔ biɛ mi,

Ni Tsumi 5:32

Wa ngɛ kikɛmɛ a sane nɛ ɔmɛ a he odase yee; nɛ Mumi Klɔuklɔu ɔ nɛ Mawu kɛ dloo nihi nɛ buɔ lɛ tue ɔ ngɛ odase yee ja nɔuu.”

Yohane 1:1

Loko nɔ́ tsuaa nɔ́ je sisi ɔ, Munyu ɔ ngɛ momo. Munyu ɔ kɛ Mawu nɛ ngɛ, nɛ Munyu ji ɔ Mawu ngɛ.

Ni Tsumi 2:33

A wo e nɔ kɛ ho e Tsɛ Mawu ɔ hiɔ nɔ ya, nɛ e ná Mumi Klɔuklɔu nɛ a wo he si ɔ kɛ je e dɛ. Nɔ́ nɛ nyɛ ngɛ hyɛe, kɛ nɔ́ nɛ nyɛ ngɛ nue nɛ ɔ, Yesu lɛ ha nɛ e ba.

1 Yohane 5:6

Benɛ Yesu Kristo ba a, a sɔle lɛ kɛ nyu, nɛ e plɛ e muɔ ngɔ pue si, nɛ e gbo. Pi nyu ɔ kɛkɛ nɛ e kɛ ba, se nyu kɛ muɔ tsuo. Nɛ mumi ɔ nitsɛ yeɔ odase kaa nɔ́ nɛ ɔ ngɛ mi, ejakaa mumi ɔ, anɔkualetsɛ ji lɛ.

Yohane 8:54

Yesu he nɔ ke, “Kaa imi nitsɛ nɛ i woɔ ye hɛ mi nyami ɔ, lɛɛ lɔ ɔ pi nɔ́ ko; se hyɛ, Tsaatsɛ nɛ nyɛ tsɛɔ ke nyɛ Mawu ɔ, lɛ nɔuu nɛ woɔ ye hɛ mi nyami.

Mateo 17:5

Benɛ e ngɛ munyu ɔ tue kɛ mwɔɔ ɔ, bɔku hleii ko ba ha a nɔ, nɛ gbi je bɔku ɔ mi de ke, “Ye Bi nɛ i suɔ lɛ, nɛ i naa e he tsui ji nɛ ɔ nɛ! Nyɛɛ bu lɛ tue.”

Yesaya 61:1

Nyɔmtsɛ Yawɛ mumi ɔ ngɛ ye nɔ; Yawɛ pɔ mi nu, nɛ e tsɔ mi, konɛ ma ngɔ manye munyu ya ha nihi nɛ a ní ngɛ mɔbɔ ɔ; nɛ ma wo kɔmɔ yeli a bua; nɛ ma ya de nihi nɛ a nuu mɛ nyɔguɛ ɔ ke a he yemi be su ta, kɛ ni nɛmɛ nɛ a wo mɛ tsu ɔ ke a jémi be su ta.

Yohane 10:30

I kɛ Tsɛ ɔ ni kake ji wɔ.”

La 33:6

Fami kɛkɛ lɛ Yawɛ fa nɛ e kɛ pee hiɔwe. Munyu kɛkɛ lɛ je e nya nɛ pu, kɛ nyɔhiɔ, kɛ dodoehi ba.

Mose V, 6:4

“Israel ma, nyɛ hɛ nɛ hi nɔ kaa Yawɛ, wa Mawu ɔ, lɛ pɛ ji Mawu.

Yohane 5:26

Lɔ ɔ he ɔ, kaa bɔ nɛ Tsɛ ɔ ngɛ wami ngɛ e mi ɔ, ja nɔuu e ha e Bi ɔ hu wami.

Kpojemi 19:13

E wo tade klɔii ko nɛ a kɛ tsɔ muɔ mi. Nɛ biɛ nɛ a tsɛɛ lɛ ji “Mawu munyu.”

Yohane 12:28

Tsaatsɛ, wo mo nitsɛ o hɛ mi nyami!” Kɛkɛ nɛ gbi ko je hiɔwe de ke, “I wo ye hɛ mi nyami momo, se ma kpale pee ekohu.”

Yohane 8:18

Imi lɛɛ i yeɔ imi nitsɛ ye he odase, nɛ Tsɛ ɔ nɛ tsɔ mi ɔ hu yeɔ ye he odase.”

Mateo 18:16

Se ke e bui mo tue ɔ, ngɔɔ nɔ kake, loo ni enyɔ ngɔ piɛ o he. Kɛkɛ ɔ, ni enyɔ, loo etɛ ɔmɛ maa pee odase yeli kɛ ma munyu ɔ nɔ mi.

1 Yohane 1:1

Wa ngɛ nyɛ munyu nɛ haa nɔ wami ɔ ngmae. Munyu ɔ ngɛ kɛ je sisije. Wa nu, nɛ wa na kɛ wɔ nitsɛmɛ wa hɛngmɛ; ee, wa na lɛ, nɛ wa nine ta he.

Yohane 14:17

Lɛ ji anɔkuale mumi nɛ tsɔɔ nihi bɔ nɛ tutuutu nɛ Mawu ngɛ ɔ. Je mi bi ɔmɛ ngɔɛ lɛ, ejakaa a nɛ́ lɛ, nɛ a li lɛ hulɔ. Se nyɛɛ lɛ nyɛ le lɛ, ejakaa e kɛ nyɛ ngɛ, nɛ e ngɛ nyɛ mi.

Yohane 15:26

“Se Hepiɛlɔ ɔ maa ba. Lɛ ji Mumi ɔ nɛ haa a leɔ anɔkuale nɛ kɔɔ Mawu he ɔ nɛ. Ma tsɔ lɛ kɛ je Tsɛ ɔ ngɔ kɛ ba nyɛ ngɔ, nɛ e ma ba ye ye he odase.

1 Yohane 5:8

mumi ɔ, kɛ nyu ɔ, kɛ muɔ ɔ; nɛ nɔ́ etɛ ɔmɛ tsuo yeɔ odase kake too ɔ.