1 Yohane 5:13 - BAIBLO ALOO NGMAMI KLƆUKLƆU Ɔ

¹³ I ngɛ nyɛ womi nɛ ɔ ngmae, konɛ nyɛ nihi nɛ nyɛ heɔ Mawu Bi ɔ yeɔ ɔ, nyɛ ná nɛ nyɛɛ le kaa nyɛ ngɛ neneene wami.

Somi He Ɔ

¹³ I ngɛ nyɛ ni nɛ ɔmɛ ngmae konɛ nyɛ nihi nɛ nyɛ heɔ Mawu Bi ɔ biɛ ɔ nɔ yeɔ ɔ, nyɛ na nɛ nyɛɛ le kaa nyɛ ngɛ neneene wami.

1 Yohane 5:13 ပူးပေါင်းရင်းမြစ်များ

Yohane 1:12

Se nihi tsuo nɛ he lɛ atuu, nɛ a he lɛ ye ɔ, e ha mɛ blɔ nya kaa a ba pee Mawu bimɛ.

Yohane 2:23

Yesu hi Yerusalem Hetsɔmi nyami be ɔ tsuo. E pee okadihi babauu, nɛ nihi tsuo nɛ na a, a he lɛ ye.

Yohane 20:31

Se enɛ ɔmɛ lɛɛ a ngma, konɛ nyɛ he ye kaa Yesu ji Kristo, Mawu Bi ɔ. Nɛ ke nyɛ he lɛ ye ɔ, nyɛ yi ma na wami.

Yohane 21:24

Jamɛ a kaselɔ ɔ nya mi munyu ji enɛ ɔmɛ tsuo. Lɛ nɔuu lɛ ngma ní nɛ ɔmɛ; nɛ wa le kaa nɔ nɛ e de ɔ ngɛ mi.

Yohane 3:18

Nɔ tsuaa nɔ nɛ heɔ Mawu Bi ɔ yeɔ ɔ, a be lɛ fɔ bue; se nɔ nɛ he we yi ɔ, a bu lɛ fɔ momo; ejakaa e he we Mawu Bi kake too ɔ yi.

Yohane 5:24

“I ngɛ nyɛ dee anɔkuale mi ke, nɔ tsuaa nɔ nɛ buɔ ye munyu tue, nɛ e heɔ nɔ nɛ tsɔ mi ɔ yeɔ ɔ, e nine su neneene wami nɔ. A be lɛ fɔ bue, ejakaa e po mi ngɛ gbenɔ mi kɛ ho wami mi ya.

Ni Tsumi 3:16

E he wami nya nɛ a tsa glɔtsɛ nɛ ɔ nɛ. Nɔ́ nɛ nyɛ ngɛ hyɛe, kɛ nɔ́ nɛ nyɛ ná le nɛ ɔ, a nyɛ́ pee akɛnɛ a heɔ lɛ yeɔ. E he Yesu ye, lɔ ɔ he nɛ e na he wami kaa bɔ nɛ nyɛ tsuo nyɛ ngɛ hyɛe ɔ nɛ.

Ni Tsumi 4:12

Lɛ nɔ kake too pɛ lɛ ma nyɛ ma he nimli a yi wami. E se ɔ, nɔ ko nɔ ko be je ɔ mi nɛ Mawu ha lɛ kikɛmɛ a he wami nɛ ma nyɛ he wa yi wami.”

2 Korintobi 5:1

Ejakaa wa le kaa ke a puɛ zugba nɛ ɔ nɔ bo tsu nɛ wa ngɛ mi nɛ ɔ, Mawu ma ha wɔ we ngɛ hiɔwe. We nɛ ɔ, pi nine nɛ a kɛ ma, nɛ e maa hi si kɛ maa ya neneene.

Galatabi 4:6

Mawu suɔ kaa e maa tsɔɔ nyɛ kaa e bimɛ ji nyɛ, lɔ ɔ he ɔ, e tsɔ e bi ɔ mumi ɔ kɛ ba wa tsui mi. Kɛkɛ ɔ, wa ma nyɛ ma de anɔkuale mi ke, “Mawu, wa tsɛ ji mo.”

1 Petro 5:12

I ngɛ nyɛ womi kpiti nɛ ɔ ngmae kɛ gu Silvano nɔ. I buu wa nyɛmi nɛ ɔ saminya kaa Kristo se nyɛɛlɔ nɛ yeɔ anɔkuale. I ngɛ nyɛ he wami woe, nɛ i ngɛ nɔ mi mae ngɛ dee ke Mawu dloomi nitsɛnitsɛ ji nɛ ɔ nɛ. Nyɛɛ pɛtɛ he wawɛɛ.

1 Yohane 1:4

Wa ngɛ nyɛ enɛ ɔ ngmae, konɛ wa bua nɛ jɔ kɛ pi si.

1 Yohane 2:1

Ye bimɛ tsɔwi, i ngɛ nyɛ womi nɛ ɔ ngmae, konɛ nyɛ ko pee yayami. Se ke nɔ ko pee yayami pohu ɔ, wa ngɛ nɔ nɛ daa mi kɛ haa wɔ ngɛ Tsɛ ɔ ngɔ. Lɛ ji Yesu Kristo, nɔ nɛ peeɔ nɔ́ nɛ da a.

1 Yohane 2:21

Pi kaa anɔkuale ɔ nɛ nyɛ li nɛ i ngɛ nyɛ womi nɛ ɔ ngmae. Dɛbi! Akɛnɛ nyɛ le anɔkuale ɔ, lɔ ɔ he mohu nɛ i ngɛ nyɛ womi ɔ ngmae ɔ nɛ; nɛ nyɛ le hu kaa anɔkuale ɔ, lakpa be mi.

1 Yohane 2:25

Nɛ nɔ́ nɛ Kristo nitsɛ wo wɔ he si ɔ ji neneene wami.

1 Yohane 2:26

I ngɛ nyɛ womi nɛ ɔ ngmae ngɛ nihi nɛ hlaa kaa a puɛ nyɛ tue ɔ a he.

1 Yohane 3:23

Nɔ́ nɛ e fa wɔ ke waa pee ji kaa wa he e Bi Yesu Kristo waa ye, nɛ waa suɔ wa sibi kaa bɔ nɛ Kristo fa wɔ ɔ.

1 Yohane 4:9

Blɔ nɔ nɛ Mawu gu kɛ je e suɔmi ɔ kpo kɛ tsɔɔ wɔ ji nɛ ɔ nɛ: e tsɔ e Bi kake too ɔ kɛ ba je ɔ mi, konɛ kɛ gu e Bi ɔ nɔ ɔ, wa na wami.

1 Yohane 5:10

Lɔ ɔ he ɔ, nɔ tsuaa nɔ nɛ heɔ Mawu Bi ɔ yeɔ ɔ ngɔɔ odase nɛ ɔ kɛ toɔ lɛ nitsɛ e tsui mi, nɛ e hii he susue. Se nɔ nɛ he we Mawu yi ɔ ha nɛ Mawu plɛ lakpatsɛ; ejakaa nɔ́ nɛ Mawu de ngɛ e Bi ɔ he ɔ, nɔ ɔ he we yi.

1 Yohane 5:11

Odase ɔ ji nɛ ɔ nɛ: Mawu ha wɔ neneene wami kɛ gu e Bi ɔ nɔ.

1 Yohane 5:20

Wa le kaa Mawu Bi ɔ ba, nɛ e ba bli wa juɛmi nya, konɛ waa le anɔkuale Mawu ɔ. Amlɔ nɛ ɔ, waa kɛ anɔkuale Mawu ɔ ngɛ, ejakaa wa ngɛ e Bi Yesu Kristo ɔ mi. Lɛ ji anɔkuale Mawu ɔ nɛ, nɛ enɛ ɔ ji neneene wami.