1 Yohane 4:9 - BAIBLO ALOO NGMAMI KLƆUKLƆU Ɔ

⁹ Blɔ nɔ nɛ Mawu gu kɛ je e suɔmi ɔ kpo kɛ tsɔɔ wɔ ji nɛ ɔ nɛ: e tsɔ e Bi kake too ɔ kɛ ba je ɔ mi, konɛ kɛ gu e Bi ɔ nɔ ɔ, wa na wami.

Somi He Ɔ

⁹ Enɛ ɔ mi Mawu suɔmi nɛ e kɛ suɔ wɔ ɔ jee kpo ngɛ, kaa Mawu tsɔ iɛ nitsɛ e Bi kake ɔ kɛ ba je ɔ mi, konɛ waa gu e nɔ nɛ wa na wami.

1 Yohane 4:9 ပူးပေါင်းရင်းမြစ်များ

Mose I, 22:2

Mawu de lɛ ke, “Ngɔɔ o binyumu Isak, o bi kake too ɔ nɛ o suɔ lɛ saminya a, nɛ o ya Moria zugba a nɔ. Ngɔɔ lɛ kɛ ya sã sami bɔ ha mi ngɛ lejɛ ɔ, ngɛ yo ko nɛ ma tsɔɔ mo ɔ nɔ.”

La 2:7

Matsɛ ɔ ke, “Nɔ́ nɛ Yawɛ de mi ɔ, ma sɛɛ nɛ nyɛɛ nu. Yawɛ de mi ke, ‘Ye bi ji mo; mwɔnɛ ɔ, i fɔ mo.

Marko 12:6

Nyumu nɛ ɔ ngɛ binyumu kake too nɛ e suɔ lɛ saminya. Nyagbe ɔ, e tsɔ binyumu nɛ ɔ apaa yeli ɔmɛ a ngɔ, nɛ e ke, ‘A ma gbo ye bi ɔ zo.’

Luka 4:18

“Nyɔmtsɛ ɔ Mumi ɔ ngɛ ye nɔ; Nyɔmtsɛ ɔ hla mi ke ma ngɔ sane kpakpa a ba ha nihi nɛ a ni ngɛ mɔbɔ. E tsɔ mi ke ma ba fiɛ ke, ‘Nyɛ nyɔguɛhi, nyɛ ye nyɛ he oo nyɛ ye nyɛ he! Hɛ yuyuili, nyɛ maa hyɛ nɔ́ oo nyɛ maa hyɛ nɔ!’ E tsɔ mi ke ma ba kpɔ nihi nɛ a ngɛ mɛ yi mi wae ɔ,

Yohane 10:10

Se julɔ ɔ lɛɛ ke e ba a, e ba juɔ; e gbeɔ to ɔmɛ, nɛ e kpataa a hɛ mi. Imi lɛɛ i ba, konɛ nyɛ na wami, nɛ nyɛ na kɛ be nɔ.

Yohane 14:6

Yesu he nɔ ke, “Imi ji blɔ ɔ, imi ji anɔkuale ɔ, nɛ imi ji wami ɔ hulɔ. Nɔ ko nɔ ko yɛ Tsɛ ɔ ngɔ kaa ja e gu ye nɔ.

Yohane 3:16

Ejakaa Mawu suɔ je ɔ saminya, nɛ e ngɔ e Bi kake ɔ ngɔ ha, konɛ nɔ tsuaa nɔ nɛ heɔ lɛ yeɔ ɔ, e hɛ mi ko kpata, se mohu e na neneene wami.

Yohane 3:18

Nɔ tsuaa nɔ nɛ heɔ Mawu Bi ɔ yeɔ ɔ, a be lɛ fɔ bue; se nɔ nɛ he we yi ɔ, a bu lɛ fɔ momo; ejakaa e he we Mawu Bi kake too ɔ yi.

Yohane 5:23

Kɛkɛ ɔ, nihi tsuo maa wo Bi ɔ hɛ mi nyami kaa bɔ nɛ a woɔ Tsɛ ɔ hɛ mi nyami ɔ. Lɔ ɔ he ɔ, nɔ tsuaa nɔ nɛ wui imi Bi ɔ, ye hɛ mi nyami ɔ, Tsɛ ɔ nɛ tsɔ mi ɔ hɛ mi nyami e wui ɔ nɛ.

Yohane 6:29

Yesu he nɔ́ ke, “Mawu suɔ kaa nyɛ he nɔ nɛ e tsɔ ɔ nyɛɛ ye.”

Yohane 6:51

Imi ji abolo nɛ je hiɔwe nɛ haa nɔ wami. Nɔ nɛ maa ye kikɛmɛ a abolo nɛ ɔ eko ɔ maa hi si kɛ maa ya neneene. Abolo nɛ ma ha lɛ ɔ ji imi nitsɛ ye he lo nɛ i ngɔ kɛ ha, bɔ nɛ pee nɛ je ɔ tsuo yi nɛ na wami.”

Yohane 6:57

Tsɛ ɔ nɛ tsɔ mi ɔ hɛ ngɛ; nɛ e ha nɛ imi hu ye hɛ ngɛ. Jã kɛ̃, nɔ tsuaa nɔ nɛ yeɔ ye he lo ɔ, ma ha lɛ wami.

Yohane 8:29

Tsɛ ɔ nɛ tsɔ mi ɔ kɛ mi ngɛ; e si we imi nɔ kake too, ejakaa i peeɔ e suɔmi nya ní.”

Yohane 8:42

Yesu de mɛ ke, “Mawu ji nyɛ Tsɛ niinɛ jinɛ nyɛ maa suɔ mi, ejakaa Mawu nɛ tsɔ mi; se pi imi nitsɛ ye yi mi nɛ i to kɛ ba. Mawu ngɔ nɛ i je kɛ ba nyɛ ngɔ.

Yohane 9:3

Yesu he nɔ ke, “Nɔmlɔ nɛ hɛ yu nɛ ɔ, pi lɛ nitsɛ nɛ pee yayami, nɛ pi e fɔli hulɔ. Mohu ɔ, e hɛ yu, bɔ nɛ pee nɛ a gu e nɔ kɛ tsɔɔ bɔ nɛ Mawu he wami ɔ tsuɔ ní ha.

Romabi 8:32

Mawu nɛ klɔɛ e Bi ɔ he, se mohu e ngɔ lɛ kɛ sã bɔ ngɛ wɔ nimli adesahi tsuo wa he ɔ, anɛ e be níhi tsuo ngɔe kɛ piɛ he ha wɔ lo?

Hebribi 1:5

Ejakaa Mawu de we e bɔfo ɔmɛ a ti eko hyɛ gblee ke, “Ye Bi ji mo; mwɔnɛ ɔ, i fɔ mo.” Nɛ Mawu tu we hiɔwe bɔfo ko he munyu hyɛ ke, “Ma pee e Tsɛ, nɛ e maa pee ye Bi.”

1 Yohane 3:16

Kristo ngɔ e wami ngɔ ha ngɛ wa he. Kɛ gu enɛ ɔ nɔ ɔ, wa na bɔ nɛ suɔmi tsuɔ ní ha. Lɔ ɔ he ɔ, e sa kaa wɔ hu waa ngɔ wa wami ngɔ ha ngɛ wa nyɛmimɛ a he.

1 Yohane 4:10

Bɔ nɛ suɔmi ngɛ ji nɛ ɔ nɛ: pi wɔ nɛ wa sɛ hlami kɛ suɔ Mawu; Mawu mohu lɛ suɔ wɔ. Enɛ ɔ he ɔ, e tsɔ e Bi ɔ kɛ ba, konɛ e ba dla waa kɛ Mawu wa kpɛti, nɛ a ngɔ wa he yayami ɔmɛ ngɔ pa wɔ.

1 Yohane 4:16

Suɔmi nɛ Mawu ngɛ kɛ ha wɔ ɔ, wɔ nitsɛmɛ wa le, nɛ wa ji he nɔ́. Mawu ɔ, suɔmi ji lɛ, nɛ nɔ tsuaa nɔ nɛ suɔ nɔmlɔ kɛ e tsui tsuo ɔ, e hii Mawu mi, nɛ Mawu hu hii e mi.

1 Yohane 5:11

Odase ɔ ji nɛ ɔ nɛ: Mawu ha wɔ neneene wami kɛ gu e Bi ɔ nɔ.

1 Yohane 5:13

I ngɛ nyɛ womi nɛ ɔ ngmae, konɛ nyɛ nihi nɛ nyɛ heɔ Mawu Bi ɔ yeɔ ɔ, nyɛ ná nɛ nyɛɛ le kaa nyɛ ngɛ neneene wami.