1 Yohane 4:5 - BAIBLO ALOO NGMAMI KLƆUKLƆU Ɔ

⁵ Jamɛ a lakpa gbali ɔmɛ ɔ, munyu nɛ kɔɔ je nɛ ɔ mi níhi a he nɛ a tuɔ. Nɛ je ɔ buɔ mɛ tue, ejakaa je ɔ mi nɛ a je.

Somi He Ɔ

⁵ Mɛɛ lɛɛ je ɔ mi a je, lɔ ɔ he ɔ a tuɔ munyu kaa ninɛmɛ nɛ je je ɔ mi, nɛ je ɔ buɔ mɛ tue.

1 Yohane 4:5 ပူးပေါင်းရင်းမြစ်များ

Yohane 8:23

Yesu he nɔ ke, “Nyɛɛ lɛɛ je nɛ ɔ mi bi ji nyɛ; se imi lɛɛ hiɔwe i je. Je nɛ ɔ mi bi ji nyɛ, se imi lɛɛ i ji je nɛ ɔ mi.

Yohane 17:14

I ngɔ o munyu ɔ ha mɛ; nɛ lɔ ɔ he ɔ, je ɔ ngɛ mɛ nyɛe. Ejakaa a kɛ je ɔ bɔɛ, kaa bɔ nɛ imi hu i kɛ mɛ bɔɛ ɔ.

Yohane 17:16

Pi je ɔ mi bi ji mɛ kaa bɔ nɛ imi hu pi je ɔ mi nɛ i je ɔ.

Yohane 3:31

Nɔ nɛ je hiɔwe kɛ ba a pe nihi tsuo. Nɔ nɛ ngɛ je ɔ mi ɔ, je mi no ji lɛ, nɛ je mi níhi a he munyu e tuɔ. Se nɔ nɛ je hiɔwe ɔ pe nɔ tsuaa nɔ.

Kpojemi 12:9

A sake sinɔ nguaa a ngɔ fɔ he. Ee, jamɛ a blema sinɔ nguaa a nɛ a tsɛɛ lɛ Abosiami, loo Satan nɛ sisi nihi tsuo ngɛ je ɔ mi ɔ, a sake lɛ kɛ e bɔfo ɔmɛ tsuo ngɔ fɔ je ɔ mi.

2 Timoteo 4:3

Be ma nɛ nihi be suɔe kaa a maa bu tsɔɔmi kpakpa tue. Mohu ɔ, a ma hla ní tsɔɔli ha a he; a ma hla nihi nɛ maa tsɔɔ mɛ níhi nɛ maa ngɔ ngɛ a tue mi.

Yeremia 5:31

Gbali ɔmɛ a sɛ gbi ɔ, lakpa sɔuu; nɔ́ nɛ mɛɛ a fa osɔfo ɔmɛ ke a pee ɔ, lɔ ɔ osɔfo ɔmɛ peeɔ. Nɛ ye ma a hu suɔ ja. Se nyagbe ɔ, kɛ a maa pee kɛɛ?”

La 17:4

I yeɔ o mlaa amɛ a nɔ, nɛ i kɛ basabasa peeli bɔɛ.

Luka 16:8

“Niatsɛ ɔ je tsɔlɔ nɔkɔtɔma nɔ sisilɔ ɔ yi saminya kaa e to ga kikɛ nɛ ɔ. Ejakaa anɔkuale mi ɔ, je mi bi a nane nya sɔɔ kɛ nɔ sisimi kulaa pe nihi nɛ yeɔ Mawu gbeye.”

Mika 2:11

“Gbalɔ nɛ ma nɛ ɔ suɔ ji lakpatsɛ kɛ nɔ sisilɔ; nɔ nɛ ma de mɛ ke, ‘Ma gba nɛ wai kɛ da nɛ nya wa nɛ ba ha nyɛ.’

Yeremia 29:8

Imi Yawɛ Tabohiatsɛ, Israel Mawu ɔ, i ngɛ nyɛ dee ke, gbali, kɛ klaali nɛ ngɛ nyɛ kpɛti ɔ, nyɛ ko ha nɛ a sisi nyɛ. Nyɛ ko ha nɛ a de nyɛ níhi nɛ nyɛ nitsɛmɛ nyɛ suɔ nɛ ba mi.