1 Yohane 4:21 - BAIBLO ALOO NGMAMI KLƆUKLƆU Ɔ

²¹ Mlaa nɛ Kristo wo wɔ ji nɔ tsuaa nɔ nɛ suɔ Mawu ɔ, e sa kaa e suɔ e nyɛmi hulɔ.

Somi He Ɔ

²¹ Kita nɛ ji nɔ nɛ waa kɛ je Kristo ngɔ, konɛ nɔ nɛ suɔ Mawu ɔ, e suɔ lɛ nitsɛ e nyɛmi hulɔ.

1 Yohane 4:21 ပူးပေါင်းရင်းမြစ်များ

Mose III, 19:18

Koo ye mo nitsɛ o he lue, nɛ koo nyɛ o ma a mi bi ɔmɛ a ti nɔ ko nɔ ko; se mohu, moo suɔ o nyɛmi nɔmlɔ kaa bɔ nɛ o suɔ mo nitsɛ o he ɔ. Imi ji Yawɛ.

1 Yohane 3:11

Sɛ gbi ɔ nɛ nyɛ nu kɛ je sisije ɔ ji kaa waa suɔ wa sibi.

1 Tesalonikabi 4:9

Jehanɛ, suɔmi nɛ sa kaa e hi nyɛmimɛ nɛ heɔ yeɔ ɔ a kpɛti ɔ, e hia we kaa ma ngma nyɛ womi ngɛ lɔ ɔ he hu. Mawu tsɔɔ nyɛ momo kaa nyɛɛ suɔ nyɛ he,

1 Petro 3:8

Nyagbe ɔ, nyɛ tsuo nyɛɛ hɛɛ juɛmi kake, nɛ nyɛɛ na ha nyɛ sibi. Nyɛɛ suɔ nyɛ he kaa nyɛmimɛ. Nyɛɛ na nyɛ sibi mɔbɔ, nɛ nyɛɛ ba nyɛ he si.

Galatabi 5:14

Ejakaa mlaa a tsuo nɔ yemi ɔ kpiti pomi ji, “Suɔ o nyɛmi kaa bɔ nɛ o suɔ mo nitsɛ o he.”

Yohane 15:12

Mlaa nɛ i ngɛ nyɛ woe ji nɛ ɔ nɛ: nyɛɛ suɔ nyɛ sibi kaa bɔ nɛ i suɔ nyɛ ɔ.

1 Yohane 3:23

Nɔ́ nɛ e fa wɔ ke waa pee ji kaa wa he e Bi Yesu Kristo waa ye, nɛ waa suɔ wa sibi kaa bɔ nɛ Kristo fa wɔ ɔ.

1 Yohane 3:14

Wa le kaa wa be kaa ni gbogboehi hu, se wa je gbenɔ mi kɛ ba wami mi, ejakaa wa suɔ wa nyɛmimɛ ɔmɛ. Nɔ tsuaa nɔ nɛ sume e nyɛmi ɔ, e ngɛ gbenɔ mi.

1 Petro 4:8

Nɔ́ nɛ he hia pe kulaa ji kaa nyɛɛ suɔ nyɛ he saminya; ejakaa suɔmi haa yayami babauu nɔ.

Luka 10:37

E he nɔ ke, “Nɔ nɛ na lɛ mɔbɔ ɔ.” Kɛkɛ nɛ Yesu de lɛ ke, “Mo hu yaa nɛ o ya pee kaa bɔ nɛ e pee ɔ.”

1 Yohane 4:11

Ye nyɛmimɛ nɛ i suɔ, ke kikɛ nɛ ɔ Mawu suɔ wɔ ɔ, wɔ hu e sa kaa waa suɔ wa sibi.

Galatabi 5:6

Ke nɔ ko ngɛ Kristo mi ɔ, a po lɛ jio, a pui lɛ jio, lɔ ɔ tsu we nɔ́ ko. Nɔ́ nɛ he hia wawɛɛ mohu ji hemi kɛ yemi nɛ jeɔ kpo ngɛ suɔmi nɛ wa ngɛ kɛ ha wa nyɛmimɛ ɔ mi ɔ.

1 Yohane 3:18

Ye bimɛ nɛ i suɔ! Ke wa ke wa suɔ nɔ ko ɔ, wa ko de kɛ nya kɛkɛ; wa suɔmi ɔ nɛ pee anɔkuale suɔmi nɛ jee kpo ngɛ ní peemi mi.

Mateo 5:43

“Tse nyɛ nu nɛ a de ke, ‘Suɔ o huɛ, nɛ o nyɛ o he nyɛlɔ.’

1 Yohane 2:7

Ye nyɛmimɛ nɛ i suɔ, mlaa nɛ i ngɛ ngmae nɛ nyɛɛ ye nɔ nɛ ɔ, pi mlaa he; mlaa momo ɔ nɛ nyɛ ná kɛ je sisije ɔ, lɔ ɔ nɔuu. Sɛ gbi nɛ nyɛ nu momo ɔ, lɔ ɔ ji mlaa momo ɔ nɛ.