1 Yohane 4:18 - BAIBLO ALOO NGMAMI KLƆUKLƆU Ɔ

¹⁸ He nɛ suɔmi ngɛ ɔ, gbeye yemi be lejɛ ɔ; suɔmi nɛ mi wa a fieɔ gbeye tsuo kɛ yaa se. Lɔ ɔ he ɔ, nɔ tsuaa nɔ nɛ yeɔ gbeye ɔ, Mawu suɔmi nɛ mi wa a be e mi. Ejakaa gbeye yemi, kɛ tue gblami lɛ nyɛɛɔ.

Somi He Ɔ

¹⁸ Gbeye be suɔmi mi, se mohu suɔmi nɛ hi kɛ pi si ɔ fieɔ gbeye, ejakaa piimi ngɛ gbeye yemi mi, se nɔ nɛ yee gbeye ɔ, e na we nɛ e hi kɛ pi si ngɛ suɔmi mi.

1 Yohane 4:18 ပူးပေါင်းရင်းမြစ်များ

Hiob 15:21

E tue mi maa hi ngmlɛ fiae kɛ wo e he gbeye. Be mi nɛ e susu kaa e ngɛ he jɔmi mi ɔ, ojo fiali ma ba tua lɛ tlukaa.

La 119:120

O he sawale nu mi, nɛ ye he ngɛ doe blibliibli; ejakaa o kojomi ɔmɛ ngɛ gbeye.

La 73:19

Ee, a hɛ mi ma kpata si kake too; a nyagbe maa pee gbeye.

Mateo 9:34

Se Farisi bi ɔmɛ de ke, “Mumi yayamihi a tsɛ ɔ he wami nɛ e kɛ hiaa mumi yayami ɔmɛ ɔ nɛ.”

Romabi 8:15

Mawu ha we nyɛ mumi nɛ peeɔ nɔ nyɔguɛ, nɛ nyɛ ma pa hi gbeye yee; se mohu e peeɔ nyɛ Mawu bimɛ. Mumi ɔ lɛ woɔ wɔ he wami, nɛ wa nyɛɔ faa kue kɛ ngmlaa ke, “Tsaatsɛ! Tsaatsɛ!”

2 Timoteo 1:7

Ejakaa mumi nɛ Mawu ha wɔ ɔ ha we nɛ wa yeɔ gbeye; mohu e ji mumi nɛ woɔ wɔ he wami, nɛ haa wa suɔ nɔmlɔ, nɛ wa yeɔ wa he nɔ.

Hebribi 12:28

Lɔ ɔ he ɔ, nyɛ ha waa na Mawu si, ejakaa e ha wɔ blɔ nya nɛ waa ye tsɛ nɛ be tsakee gblegbleegble. Nyɛ ha waa ngɔ bu, kɛ gbeye yemi kɛ ba ja lɛ kɛ wa tsui tsuo bɔ nɛ maa sa e hɛ mi;

Yakobo 2:19

Nyɛ heɔ yeɔ kaa Mawu kake pɛ lɛ ngɛ! Saminya! Mumi yayami ɔmɛ po heɔ yeɔ ja nɔuu. Nɛ lɔ ɔ haa a nuɔ sawale, nɛ a he doɔ blibliibli.

1 Yohane 4:12

Mawu ɔ, nɔ ko nɛ lɛ hyɛ. Se ke wa suɔ wa sibi ɔ, Mawu hii wa mi, nɛ suɔmi nɛ e ngɛ kɛ ha wɔ ɔ mi waa.