1 Yohane 4:12 - BAIBLO ALOO NGMAMI KLƆUKLƆU Ɔ

¹² Mawu ɔ, nɔ ko nɛ lɛ hyɛ. Se ke wa suɔ wa sibi ɔ, Mawu hii wa mi, nɛ suɔmi nɛ e ngɛ kɛ ha wɔ ɔ mi waa.

Somi He Ɔ

¹² Mawu ɔ, nɔ ko nɛ́ lɛ hyɛ. Ke wa suɔ wa he ɔ, Mawu hii wa mi, nɛ e suɔmi ɔ hii kɛ pii si ngɛ wa mi.

1 Yohane 4:12 ပူးပေါင်းရင်းမြစ်များ

Yohane 1:18

Mawu ɔ, nɔ ko nɛ lɛ hyɛ. E bi kake too ɔ nɛ hii si ngɛ Tsɛ ɔ hiɔ nɔ ɔ, lɛ nɛ e tsɔɔ wɔ bɔ nɛ Tsɛ ɔ ngɛ ha.

1 Yohane 2:5

Se nɔ tsuaa nɔ nɛ yeɔ Mawu mlaa a nɔ ɔ, lɛ ji nɔ nɛ suɔ Mawu anɔkuale mi. Enɛ ɔ waa kɛ maa le kaa niinɛ, waa kɛ Mawu ngɛ huɛ bɔe.

1 Timoteo 6:16

Lɛ nɔ kake pɛ ji nɔ nɛ ngɛ daa nɛ e be gboe gblegbleegble; nɛ la nɛ nɔ ko nɔ ko be nyɛe maa hɛ lɛ kɛ su he ɔ bɔle lɛ kɛ kpe. Nɔmlɔ adesa ko adesa ko nɛ́ lɛ hyɛ, nɛ adesa ko be nyɛe maa na lɛ hulɔ. A je e yi daa; e maa ye tsɛ kɛ maa ya neneene! Amen.

1 Yohane 4:20

Ke nɔ ko ke e suɔ Mawu, se e nyɛɛ e nyɛmi ɔ, lakpatsɛ ji lɛ. Ejakaa nɔ nɛ sume e nyɛmi nɛ e naa kɛ hɛngmɛ ɔ, kɛ e maa pee kɛɛ nɛ e maa suɔ Mawu nɛ e nɛ ɔ.

1 Yohane 3:24

Nɔ tsuaa nɔ nɛ yeɔ Mawu mlaa amɛ a nɔ ɔ, e hii Mawu mi, nɛ Mawu hu hii e mi. Nɛ mumi ɔ nɛ Mawu ha wɔ ɔ he je ɔ, wa le kaa Mawu ngɛ wa mi.

Mose II, 33:20

E ya nɔ nɛ e de ke, “Se ye hɛ mi lɛɛ i be hae nɛ o na; ejakaa nɔmlɔ adesa ko be nyɛe nɛ e na ye hɛ mi nɛ e yi ma na wami.”

1 Yohane 4:6

Se wɔɔ lɛɛ Mawu níhi ji wɔ. Nɔ tsuaa nɔ nɛ le Mawu ɔ, e buɔ wɔ tue; nihi nɛ kɛ Mawu be ɔ, mɛɛ a bui wɔ tue. Enɛ ɔ waa kɛ naa slɔɔto nɛ ngɛ anɔkuale mumi ɔ, kɛ lakpa mumi ɔ a kpɛti.

1 Timoteo 1:17

Mawu kake too, Neneene Matsɛ, nɔ nɛ ngɛ daa nɛ a nɛ lɛ ɔ, a je e yi, nɛ a wo e hɛ mi nyami kɛ ya neneene! Amen.

Mose IV, 12:8

Lɛɛ i kɛ lɛ tuɔ munyu hɛ mi kɛ hɛ mi paa; se pi ngɛ abɛ gbi mi. Ye su nitsɛ po lɛɛ e na hyɛ. Mɛni he je mɔ nɛ nyɛ yi gbeye, nɛ nyɛ tu munyu kɛ si ye tsɔlɔ Mose?”

Mose I, 32:30

Yakob wo lejɛ ɔ biɛ ke Peniel, nɛ e de ke, “I wo kikɛmɛ a biɛ nɛ ɔ, ejakaa i na Mawu hɛ mi kɛ hɛ mi, se i gbo we.”

Hebribi 11:27

Hemi kɛ yemi lɛ ha nɛ Mose je Egipt nɛ e yi matsɛ ɔ mi mi fumi ɔ gbeye. E kpale we e se, ejakaa Mawu nɛ e nɛ́ kɛ e hɛngmɛ ɔ, e pɛtɛ e he wawɛɛ kaa nɔ́ nɛ e ngɛ lɛ hyɛe paa.

1 Korintobi 13:13

Amlɔ nɛ ɔ, ní etɛ nɛ ɔmɛ nɛ ngɛ: hemi kɛ yemi, hɛ kɛ nɔ fɔmi, kɛ suɔmi. Se nɔ́ nɛ pe mɛ tsuo ji suɔmi.

1 Yohane 4:16

Suɔmi nɛ Mawu ngɛ kɛ ha wɔ ɔ, wɔ nitsɛmɛ wa le, nɛ wa ji he nɔ́. Mawu ɔ, suɔmi ji lɛ, nɛ nɔ tsuaa nɔ nɛ suɔ nɔmlɔ kɛ e tsui tsuo ɔ, e hii Mawu mi, nɛ Mawu hu hii e mi.