1 Yohane 3:8 - BAIBLO ALOO NGMAMI KLƆUKLƆU Ɔ

⁸ Nɔ nɛ peeɔ yayami lɛɛ Abosiami bi ji lɛ, ejakaa kɛ je sisije tɔɔ nɛ Abosiami bɔni yayami peemi. Enɛ ɔ he tutuutu nɛ Mawu Bi ɔ ba a nɛ, konɛ níhi nɛ Abosiami tsu ɔ, e ba kpata lɛ tsuo hɛ mi.

Somi He Ɔ

⁸ Nɔ nɛ peɔ yayami ɔ, e je abosiami mi, ejakaa kɛ je sisije lokoo nɛ abosiami pee yayami. Enɛ ɔ he nɛ Mawu Bi ɔ je e he kpo konɛ e puɛ abosiami ni tsumi ɔmɛ ɔ nɛ.

1 Yohane 3:8 ပူးပေါင်းရင်းမြစ်များ

Mose I, 3:15

Ma pee o kɛ yo ɔ he nyɛli; o nina kɛ lɛ hu e nina maa pee he nyɛli. A maa fia o yi nɔ́, nɛ mo hu o maa kɔ a nane se ja.”

Yesaya 27:1

Jamɛ a ligbi ɔ, Yawɛ kɛ e klaate kpetekpleenyɛ ɔ maa gbe wo mi sinɔ agbo langalanga a.

Mose IV, 21:9

Mose pee akɔblee sinɔ, nɛ e kɛ kpla tso he; nɛ nɔ tsuaa nɔ nɛ sinɔ kɔ lɛ, nɛ e hyɛ akɔblee sinɔ ɔ, e yi na wami niinɛ.

Mateo 12:28

Se imi lɛɛ ke Mawu Mumi ɔ lɛ haa mi he wami nɛ i kɛ hiaa mumi yayami ɔmɛ ɔ, e tsɔɔ kaa Mawu matsɛ yemi ɔ ba na nyɛ momo.

Mateo 13:38

Ngmɔ ɔ ji je ɔ; wu kpakpa a ji matsɛ yemi mi bimɛ ɔmɛ; hu ɔ ji nɔ yayami ɔ bimɛ.

Mateo 4:3

Kɛkɛ nɛ Abosiami ba e ngɔ ba de lɛ ke, “Ke Mawu Bi ji mo ɔ, fa tɛ nɛ ɔmɛ nɛ a plɛ abolo.”

Marko 1:24

“Yesu Nazaret no, mɛni sane waa kɛ mo ngɛ? O ba nɛ o ba kpata wa hɛ mi; pi ja? I le mo tsɔ! Mo ji Mawu tsɔlɔ klɔuklɔu ɔ nɛ.”

Luka 10:18

Yesu he nɔ ke, “I na Satan nɛ je hiɔwe ba nɔ si kaa oslabai nɛ tsɔ.

Yohane 12:31

Amlɔ nɛ ɔ, be ɔ su nɛ a maa kojo je ɔ, nɛ nɔ nɛ ngɛ je ɔ nɔ matsɛ yee ɔ, a ma kpa lɛ.

Yohane 16:11

Nɛ a juɛmi ngɛ Mawu kojomi he ɔ hu dɛ, ejakaa nɔ nɛ yeɔ je ɔ nɔ matsɛ ɔ, a bu lɛ fɔ momo.

Yohane 8:44

Nyɛ tsɛ nɛ fɔ nyɛ ji Abosiami; nɛ nyɛ suɔ kaa nyɛ maa pee e suɔmi nya ní. Kɛ je sisije ɔ, nɔ gbelɔ ji lɛ, nɛ e kɛ anɔkuale yi gblegbleegble, ejakaa anɔkuale be e mi. Ke e ye lakpa a, e tsɔɔ bɔ nɛ e su ngɛ, ejakaa lakpatsɛ kpanaku ji lɛ.

Romabi 16:20

E be kɛe kulaa nɛ he jɔmi Mawu ɔ ma kpata Abosiami hɛ mi, nɛ wa maa ye e nɔ. Wa Nyɔmtsɛ Yesu Kristo dloomi ɔ kɛ nyɛ nɛ hi si.

Efesobi 2:2

Jamɛ a be ɔ, nɔ́ nɛ je nɛ ɔ peeɔ ɔ, lɔ ɔ nyɛ hu nyɛ peeɔ. Nyɛ ya nyɛɛ nɔ nɛ yeɔ mumi yayami ɔmɛ a nɔ ngɛ kɔɔhiɔ mi ɔ se. Nihi nɛ gboɔ Mawu tue ɔ, mumi nɛ ɔ lɛ ngɛ ní tsue ngɛ a mi amlɔ nɛ ɔ.

Kolosebi 2:15

Kristo kpɔ he wami ngɛ mumi mi nɔ yeli, kɛ he wami ɔmɛ a dɛ. E bɔ mɛ ahlua paa, nɛ e kɛ tsɔɔ je ɔ kaa niinɛ e ye kunimi.

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

Hebribi 2:14

Lɔ ɔ he ɔ, akɛnɛ he lo kɛ muɔ ji bimɛ ɔmɛ ɔ, lɛ nitsɛ hu e pee he lo kɛ muɔ. E pee enɛ ɔ, konɛ kɛ gu e gbenɔ mi ɔ, e kpata Abosiami, nɔ nɛ hɛɛ gbenɔ he wami ɔ hɛ mi.

Hebribi 9:26

Kaa jã a, jinɛ kɛ je be nɛ a bɔ je ɔ, amanehlu sɔuu Kristo maa hi nae kpitikpiti. Mohu ɔ, amlɔ nɛ ɔ nɛ je mi nyagbe miɔ nɛ e maa su ɔ, Yesu ba je e he kpo si kake nyɔngloo. E ngɔ e he kɛ sã bɔ kɛ je wa he yayami.

2 Petro 2:4

Bɔfohi nɛ pee yayami ɔ, Mawu ngɔɛ a he ngɔ ki mɛ, se mohu e tsitsɛɛ mɛ ngɔ wo gbeje muɔ mi. A fi mɛ ngɔ wo diblii mi, nɛ a maa hi mlɛe ngɛ lejɛ ɔ hluu kɛ yaa si kojomi ligbi ɔ.

1 Yohane 1:2

Benɛ wami ɔ jé e he kpo ɔ, wa na lɛ. Enɛ ɔ he ɔ, wa ngɛ odase yee, nɛ wa ngɛ jajee ke lɛ ji neneene wami ɔ nɛ. E kɛ Tsɛ ɔ lɛ ngɛ, nɛ e jé e he kpo ngɔ tsɔɔ wɔ.

1 Yohane 3:10

Slɔɔto titli nɛ ngɛ Mawu bimɛ, kɛ Abosiami bimɛ a kpɛti ji nɛ ɔ nɛ. Nɔ tsuaa nɔ nɛ pee we nɔ́ nɛ da, aloo nɔ nɛ sume e nyɛmi ɔ, pi Mawu bi ji lɛ.

1 Yohane 3:5

Nyɛ le kaa Kristo ba, konɛ e ba wó wa he yayami ɔmɛ kɛ ho. Nyɛ le hulɔ kaa Kristo ɔ, yayami ko be e he.

1 Yohane 5:19

Wa le kaa Mawu níhi ji wɔ, pohu je ɔ, Abosiami lɛ ngɛ nɔ yee.

Yuda 1:6

Nyɛ kai Mawu bɔfohi nɛ hɛɛ blɔ nya sa a, nɛ pee se ɔ, a tsɔ atuã kɛ je mɛ nitsɛmɛ a si himi he ɔ. Amlɔ nɛ ɔ, a kɛ kɔsɔkɔsɔ fi mɛ, nɛ Mawu ngɔ mɛ ngɔ to gbogboehi a je ngɛ diblii nɛ mi ti mi. Lejɛ ɔ nɛ a maa hi hluu kɛ yaa si ligbi ngua a maa su, nɛ a maa kojo mɛ.

Kpojemi 20:10

Kɛkɛ nɛ a hɛ Abosiami ɔ nɛ sisi mɛ ɔ ngɔ fɔ taku kɛ e mi la nɛ ngɛ tsoe gegeege ɔ mi he nɛ lohwe awi yelɔ ɔ, kɛ lakpa gbalɔ ɔ ngɛ ɔ. Nɛ a ma pii mɛ nyɔ kɛ pia kɛ ya neneene.

Kpojemi 20:15

Nɔ tsuaa nɔ nɛ a nɛ kaa a ngma e biɛ ngɛ hɛ kali a womi ɔ mi ɔ, kɛkɛ a hɛ lɛ ngɔ fɔ taku kɛ e mi la nɛ ngɛ tsoe gegeege ɔ mi.