1 Yohane 3:6 - BAIBLO ALOO NGMAMI KLƆUKLƆU Ɔ

⁶ Lɔ ɔ he ɔ, ke nɔ ko ngɛ Kristo mi ɔ, e pee we yayami hu. Se nɔ nɛ ngɛ yayami pee kɛ mwɔɔ ɔ, e nɛ Kristo, nɛ e li lɛ hulɔ.

Somi He Ɔ

⁶ Nɔ tsuaa nɔ nɛ hii Kristo mi ɔ, e pee we yayami. Nɔ tsuaa nɔ nɛ peɔ yayami ɔ, e nɛ lɛ, nɛ jehanɛ hu e li lɛ.

1 Yohane 3:6 ပူးပေါင်းရင်းမြစ်များ

2 Korintobi 3:18

Wɔ Kristo we bi lɛɛ hɛ mi hami nɔ́ ko be wa hɛ mi; wa ngɛ kaa a huhuɛ nɛ Nyɔmtsɛ ɔ hɛ mi nyami ɔ kpɛɔ kɛ guu mi. Kikɛmɛ a hɛ mi nyami ɔ ji Nyɔmtsɛ ɔ mumi ɔ nɛ. Nɛ akɛnɛ mumi ɔ ngɛ ní tsue ngɛ wa mi daa he je ɔ, wa ngɛ tsakee ngɛ pee kaa lɛ.

2 Korintobi 4:6

Mawu lɛ de ke, “La nɛ tso kɛ je diblii mi.” Lɛ Mawu ɔ nɔuu lɛ haa la kpɛɔ ngɛ wa tsui mi. Nɛ la nɛ ɔ haa wa leɔ Mawu hɛ mi nyami nɛ kpɛɔ ngɛ Kristo hɛ mi ɔ.

1 Yohane 2:28

Ye bimɛ tsɔwi, nyɛɛ ya nɔ nɛ nyɛɛ hi Kristo mi, bɔ nɛ pee nɛ ke e je e he kpo ɔ, wa nɔ gbagba nɛ te. Kɛkɛ ɔ, ligbi ɔ nɛ e maa ba a, zo be wɔ gbee ngɛ e hɛ mi.

1 Yohane 2:3

Ke wa yeɔ Mawu mlaa amɛ a nɔ ɔ, lɔ ɔ waa kɛ naa anɔkuale mi kaa wa le lɛ.

1 Yohane 2:4

Ke nɔ ko ke e le Mawu, se e yi e mlaa amɛ a nɔ ɔ, lakpatsɛ ji lɛ; e tu we anɔkuale.

1 Yohane 3:2

Ye nyɛmimɛ nɛ i suɔ, amlɔ nɛ ɔ, Mawu bimɛ ji wɔ, se bɔ nɛ wa ma plɛ hwɔɔ se ɔ, lɔ ɔ lɛɛ wa li lolo. Nɔ́ nɛ wa le kɛkɛ ji kaa ke Kristo je e he kpo ɔ, wa maa hi kaa lɛ; ejakaa wa maa na lɛ paa kaa bɔ nɛ e ngɛ ɔ tutuutu.

1 Yohane 3:9

Nɔ tsuaa nɔ nɛ ji Mawu bi ɔ, e yɛ nɔ nɛ e hii yayami pee, ejakaa e hɛɛ Mawu su nitsɛnitsɛ. Nɛ akɛnɛ Mawu bi ji lɛ he je ɔ, e be nyɛe maa pee yayami.

1 Yohane 4:8

Nɔ tsuaa nɔ nɛ sume nɔmlɔ ɔ, e li Mawu; ejakaa Mawu ɔ, suɔmi ji lɛ.

1 Yohane 5:18

Wa le kaa nɔ tsuaa nɔ nɛ ji Mawu bi ɔ, e bua jɔɛ yayami peemi he. Ejakaa Mawu Bi ɔ baa e yi, nɛ Abosiami na we e he blɔ.

3 Yohane 1:11

Ye nyɛmi nɛ i suɔ! Ko ya wo nihi nɛ peeɔ ní yayamihi a nane; moo kase nihi nɛ peeɔ nɔ́ kpakpa mohu. Nɔ tsuaa nɔ nɛ peeɔ nɔ́ kpakpa a, Mawu nɔ́ ji lɛ; nɔ nɛ peeɔ yayami ɔ, e li Mawu.