1 Yohane 3:5 - BAIBLO ALOO NGMAMI KLƆUKLƆU Ɔ

⁵ Nyɛ le kaa Kristo ba, konɛ e ba wó wa he yayami ɔmɛ kɛ ho. Nyɛ le hulɔ kaa Kristo ɔ, yayami ko be e he.

Somi He Ɔ

⁵ Nɛ nyɛ le kaa Kristo je e he kpo konɛ e wo wa he yayami ɔmɛ kɛ ho, nɛ yayami ko be e mi.

1 Yohane 3:5 ပူးပေါင်းရင်းမြစ်များ

Hosea 14:2

Nyɛɛ kpale kɛ ba Yawɛ, nyɛ Mawu ɔ ngɔ. Nyɛ ba fa kue ha lɛ, nɛ nyɛ de lɛ ke, “Ngɔɔ wa he yayami ɔmɛ kɛ pa wɔ; nɛ o bu wa kue fami ɔ tue, konɛ wa je o yi kaa bɔ nɛ wa wo si ɔ.

Mateo 1:21

E ma fɔ binyumu, nɛ o maa wo lɛ biɛ ke Yesu, ejakaa e ma he e ma a yi wami kɛ je a he yayami ɔmɛ a mi.”

Luka 23:41

Wɔɔ lɛɛ wa nɔ́ ɔ sa wɔ; ejakaa níhi nɛ wa pee ɔ, a he hiɔwo nɛ wa na a nɛ. Se nyumu nɛ ɔ lɛɛ e pee we nɔ́ ko nɛ sɛ.”

Luka 23:47

Benɛ asafoatsɛ ɔ na nɔ́ nɛ ba a, e je Mawu yi, nɛ e de ke, “E ngɛ mi niinɛ kaa nyumu nɛ ɔ pee we nɔ́ ko nɛ sa gbenɔ!”

Yohane 1:29

E nɔ jena a, Yohane na Yesu nɛ ma e ngɔ. Kɛkɛ nɛ e de ke, “Hyɛ, Mawu To Bi ɔ nɛ woɔ je ɔ he yayami kɛ yaa a, lɛ ji nɛ ɔ nɛ.

Yohane 1:31

Imi nitsɛ i li lɛ, se i kɛ nyu ba ngɛ nihi sɔlee, bɔ nɛ pee nɛ Israel ma a nɛ le lɛ.”

Yohane 14:30

I kɛ nyɛ be munyu tue be kɛkɛ hu, ejakaa nɔ nɛ yeɔ je nɛ ɔ nɔ matsɛ ɔ ma. E be he wami ko ngɛ imi ye nɔ;

Yohane 8:46

Nyɛ ti mɛnɔ ma nyɛ tsɔɔ kaa i pee yayami. Ke anɔkuale i tuɔ ɔ, lɛɛ mɛni he je nyɛ he we mi yi ɔ?

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

1 Timoteo 1:15

Kristo Yesu ba je ɔ mi, konɛ e ba he yayami peeli a yi wami. Anɔkuale munyu nitsɛnitsɛ nɛ sa kaa nɔ tsuaa nɔ nɛ he ye ji nɛ ɔ nɛ. Imi nitsɛ ɔ, yayami peelɔ kpanaku ji mi pe nihi tsuo.

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Hebribi 1:3

Bɔ nɛ Mawu hɛ mi ngɛ nyami ɔ, jã nɔuu Bi ɔ hu hɛ mi ngɛ nyami. Bi ɔ ngɛ kaa Mawu pɛpɛɛpɛ. E kɛ e munyu ɔ he wami kpetekpleenyɛ ɔ hɛɛ je ɔ tsuo. Benɛ e ngɔ je ɔ he yayami tsuo kɛ ho ɔ, e ya hi si ngɛ hiɔwe ngɛ matsɛ ngua a hiɔ nɔ.

Hebribi 4:15

Wa osɔfo nɔkɔtɔma pe kulaa a, e pi nɔ nɛ be nyɛe maa nu wa gbɔjɔmi ɔmɛ a he ha wɔ. Osɔfo nɔkɔtɔma pe kulaa nɛ wa ngɛ ɔ, Abosiami ka lɛ ngɛ blɔ tsuaa blɔ nɔ kaa wɔ nɔuu, se lɛɛ e pee we yayami.

Hebribi 7:26

Lɛɛ Yesu ji osɔfo nɔkɔtɔma pe kulaa nɛ sa wɔ. E ngɛ klɔuklɔu; sé ko be e he ɔ, e pee we yayami hulɔ. E je e he kɛ je yayami peeli a he, nɛ a wo e nɔ kɛ po mi kɛ ho hiɔwe tɔɔ ya.

Hebribi 9:26

Kaa jã a, jinɛ kɛ je be nɛ a bɔ je ɔ, amanehlu sɔuu Kristo maa hi nae kpitikpiti. Mohu ɔ, amlɔ nɛ ɔ nɛ je mi nyagbe miɔ nɛ e maa su ɔ, Yesu ba je e he kpo si kake nyɔngloo. E ngɔ e he kɛ sã bɔ kɛ je wa he yayami.

Hebribi 9:28

Jã nɔuu Kristo hu a ngɔ lɛ kɛ sã bɔ si kake pɛ, konɛ e kɛ je adesa he yayami. E maa ba si enyɔne ɔ, pi nɛ e ba tsu yayamihi a he ní hu, se mohu e ma ba he nihi nɛ ngɛ lɛ blɔ hyɛe wawɛɛ ɔ a yi wami.

1 Petro 1:18

Ejakaa yakayaka si himi nɛ nyɛ nɛmɛ ɔmɛ si ha nyɛ ɔ, nyɛ le hĩɔ nɛ Mawu wo loko e kɛ kpɔ nyɛ kɛ je mi nɛ nyɛ ye nyɛ he. Pi nɔ́ ko nɛ puɛɔ kaa sika hiɔ, loo sika tsu nɛ Mawu ngɔ kɛ tsu kikɛmɛ a ní nɛ ɔ,

1 Petro 1:20

Mawu hla lɛ momo loko a to je ɔ sisi, nɛ a je lɛ kpo ngɛ nyagbe be nɛ ɔmɛ a mi ngɛ nyɛ he.

1 Petro 2:22

E pee we yayami ko ɔ, lakpa ko hu ji e nya.

1 Petro 2:24

Kristo nitsɛ tloo wa he yayami ɔmɛ, nɛ e nɔmlɔ tso ɔ na nɔ́ ngɛ sɛumi tso ɔ nɔ. E pee enɛ ɔ, konɛ wa ko ngɔ wa he ngɔ ha yayami hu, se mohu waa ba wa je mi bɔ nɛ sa. E pa amɛ lɛ tsa nyɛ ɔ nɛ.

1 Petro 3:18

Ejakaa Kristo gbo kekleekle nɔ́ kɛ nyagbe nɔ́ ngɛ ní yayamihi a he. Lɛ dalɔ ɔ, e gbo ngɛ yayami peeli a nane mi, konɛ e ngɔ wɔ kɛ ba Mawu ngɔ. Benɛ a gbe Kristo ɔ, jamɛ a be ɔ, e hɛɛ nɔmlɔ adesa su. Se amlɔ nɛ ɔ nɛ Mawu ha nɛ e ba wami mi ɔ, mumi ji lɛ.

1 Yohane 1:2

Benɛ wami ɔ jé e he kpo ɔ, wa na lɛ. Enɛ ɔ he ɔ, wa ngɛ odase yee, nɛ wa ngɛ jajee ke lɛ ji neneene wami ɔ nɛ. E kɛ Tsɛ ɔ lɛ ngɛ, nɛ e jé e he kpo ngɔ tsɔɔ wɔ.

1 Yohane 1:7

Se ke wa ba wa je mi saminya ngɛ Mawu hɛ mi kaa bɔ nɛ lɛ Mawu ɔ e su ngɛ ɔ, lɔ ɔ lɛɛ waa kɛ wa sibi ngɛ huɛ bɔe. Kɛkɛ ɔ, e Bi Yesu Kristo muɔ ɔ maa tsukɔ wa he, nɛ e ma je wa he yayami ɔmɛ tsuo.

1 Yohane 2:1

Ye bimɛ tsɔwi, i ngɛ nyɛ womi nɛ ɔ ngmae, konɛ nyɛ ko pee yayami. Se ke nɔ ko pee yayami pohu ɔ, wa ngɛ nɔ nɛ daa mi kɛ haa wɔ ngɛ Tsɛ ɔ ngɔ. Lɛ ji Yesu Kristo, nɔ nɛ peeɔ nɔ́ nɛ da a.

1 Yohane 2:2

Nɛ Kristo ɔ ji nɔ nɛ a kɛ pee kpatami kɛ je wa he yayami ɔmɛ; pi wɔ kɛkɛ, se je ɔ tsuo he yayami.

1 Yohane 2:29

Tse nyɛ le kaa Kristo ɔ, nɔ́ nɛ da e peeɔ. Lɛɛ e hia kaa nyɛɛ le kaa nɔ tsuaa nɔ nɛ peeɔ nɔ́ nɛ da a, Mawu bi ji lɛ.

1 Yohane 3:8

Nɔ nɛ peeɔ yayami lɛɛ Abosiami bi ji lɛ, ejakaa kɛ je sisije tɔɔ nɛ Abosiami bɔni yayami peemi. Enɛ ɔ he tutuutu nɛ Mawu Bi ɔ ba a nɛ, konɛ níhi nɛ Abosiami tsu ɔ, e ba kpata lɛ tsuo hɛ mi.

Kpojemi 1:5

kɛ Yesu Kristo nɛ yeɔ anɔkuale odase ɔ, nɛ lɛ ji kekleekle nɔ nɛ Mawu tle si kɛ je gbeje, nɛ lɛ nɛ e yeɔ zugba a nɔ matsɛmɛ ɔmɛ a nɔ ɔ nɛ dloo nyɛ, nɛ e ha nyɛ he jɔmi ja nɔuu. Nɔ nɛ suɔ wɔ, nɛ e kɛ lɛ nitsɛ e muɔ kpɔ wɔ kɛ je wa he yayami ɔmɛ a mi, nɛ