1 Yohane 3:4 - BAIBLO ALOO NGMAMI KLƆUKLƆU Ɔ

⁴ Nɔ tsuaa nɔ nɛ peeɔ yayami ɔ, e yeɔ fɔ kaa e ngɛ Mawu mlaa nɔ tɔe, ejakaa yayami ji mlaa nɔ tɔmi.

Somi He Ɔ

⁴ Nɔ tsuaa nɔ nɛ peɔ yayami ɔ, e ngɛ Mawu mlaa nɔ tɔe, ejakaa yayami ji mlaa nɔ tɔmi.

1 Yohane 3:4 ပူးပေါင်းရင်းမြစ်များ

1 Yohane 5:17

Nɔ́ tsuaa nɔ́ nɛ dɛ blɔ ɔ, e ji yayami; se yayami ngɛ nɛ ha we nɛ nɔ hɛ mi kpataa.

Romabi 3:20

Ejakaa ke nɔ ko ye mlaa a nɔ ɔ, lɔ ɔ tsɔɔ we kaa Mawu buu lɛ nɔ nɛ da; nɔ́ nɛ mlaa a tsuɔ ji kaa e haa nɔ leɔ kaa e pee yayami.

Mose IV, 15:31

Akɛnɛ e bui Yawɛ munyu ɔ tue, nɛ e ya tɔ e mlaa a nɔ he je ɔ, a je lɛ we pɛsɛpɛsɛ; e musu nɛ tloo lɛ.”

2 Korintobi 12:21

I ngɛ gbeye yee kaa ke i ba ekohu ɔ, ye Mawu ɔ maa ba mi si ngɛ nyɛ hɛ mi. Nihi nɛ pee yayami sa a, nɛ a tsakee we a tsui, nɛ a ngɛ yayami ɔ pee kɛ mwɔɔ ɔ, ma fo ya ngɛ a he. Mɛ ji mu ní tsuli, ajuama bɔli, kɛ zo ní tsuli.

Romabi 4:15

Ejakaa mlaa a kɛ Mawu mi mi la baa; he nɛ mlaa be ɔ, nɔ ko tɔ we mlaa hulɔ.

Daniel 9:11

Israel ma a tsuo tɔ o mlaa amɛ, nɛ a bui o gbi tue. Wa pee yayami kɛ si mo, nɛ lɔ ɔ he nɛ o ngɔ gbiɛmi ɔmɛ nɛ a ngma ngɛ o tsɔlɔ Mose mlaa womi ɔ mi ɔ kɛ ba wa nɔ ɔ nɛ.

Kronika II, 24:20

Kɛkɛ nɛ Mawu mumi ɔ ba osɔfo Yehoyada binyumu Zakaria nɔ. E ho ya da si ngɛ he nɛ ma a maa na lɛ ngɛ, nɛ e de mɛ ke, “Yawɛ Mawu ɔ ngɛ nyɛ bie ke, mɛni he je nyɛ kua e mlaa amɛ a nɔ yemi, nɛ nyɛɛ kɛ haomi ba nyɛ nɔ nɛ ɔ! Nyɛ kua Yawɛ, lɔ ɔ he ɔ, lɛ hu e kua nyɛ!”

Samuel I, 15:24

Saul de Samuel ke, “Niinɛ, i pee yayami; ejakaa i bui Yawɛ fami ɔ, kɛ mo hu o munyu ɔmɛ tue. I ya ye ma a gbeye, nɛ i bu mɛ tue.

Kronika I, 10:13

Saul gbo, ejakaa e yi Yawɛ anɔkuale. E tɔ Yawɛ mlaa amɛ a nɔ; jehanɛ hu, e ya ní peelɔ ngɔ nɛ e ya tsɛ kpade nɛ e bi lɛ ga womi,

Yakobo 5:15

Ke a sɔle kɛ hemi kɛ yemi ha lɛ kikɛ nɛ ɔ, hiɔtsɛ ɔ ma na he wami. Nyɔmtsɛ ɔ ma tsa lɛ kulaa, nɛ e maa ngɔ yayami tsuo nɛ ngɛ hiɔtsɛ ɔ he ɔ kɛ pa lɛ.

Matsɛmɛ I, 8:47

moo bu o ma mi bi ɔmɛ a kue fami ɔ tue. Ke benɛ a ngɛ jamɛ a zugba a nɔ ɔ, a pia a he, nɛ a tsake a tsui, nɛ a jaje a he yayami ngɔ ha mo ɔ, moo bu a kue fami ɔ tue.

Yesaya 53:8

A ye sane yaya kɛ bu lɛ gbenɔ fɔ, nɛ a nu le kɛ ho. Ejakaa a ngɔ e wami kɛ je zugba a nɔ. Tɔmihi nɛ ye ma a tɔ ɔ, a he a gbe lɛ ngɛ.

Mateo 5:19

Lɔ ɔ he ɔ, nɔ tsua nɔ nɛ maa tɔ mlaa nɛ ɔmɛ a kpɛti nyafii kake, nɛ e maa tsɔɔ ni kpahi ke a pee ja a, a maa bu lɛ nɔmlɔ nyafii pe kulaa ngɛ hiɔwe matsɛ yemi ɔ mi. Se nɔ tsuaa nɔ nɛ yeɔ mlaa a nɔ, nɛ e tsɔɔ ni kpahi hu ke a pee ja a, a maa bu lɛ nɔmlɔ nguaa ngɛ hiɔwe matsɛ yemi ɔ mi.

Ni Tsumi 23:3

Paulo de lɛ ke, “Mo hu Mawu ma gba mo ma kokooko; mo nɛ o ngɛ kaa gli nɛ a sa he kalo! Mo nɛ o blɔ nya ji kaa o hyɛ nɛ a kojo mi ngɛ mlaa a nya a, hyɛ kaa mo mohu o je mlaa a se fa ke a gba mi ma!”