1 Yohane 3:23 - BAIBLO ALOO NGMAMI KLƆUKLƆU Ɔ

²³ Nɔ́ nɛ e fa wɔ ke waa pee ji kaa wa he e Bi Yesu Kristo waa ye, nɛ waa suɔ wa sibi kaa bɔ nɛ Kristo fa wɔ ɔ.

Somi He Ɔ

²³ Nɛ enɛ ji e kitaa a nɛ, kaa wa he e Bi Yesu Kristo biɛ ɔ nɔ ngɔ ye, nɛ waa suɔ wa sibi, kaa bɔ nɛ e wo wɔ kita a.

1 Yohane 3:23 ပူးပေါင်းရင်းမြစ်များ

La 2:12

Nyɛ he nɛ do blibliibli, nɛ nyɛ kpla si ngɛ e hɛ mi. Ke pi jã a, e mi mi ma fu nyɛ si kake too, nɛ nyɛ hɛ mi ma kpata. Nihi tsuo nɛ ba saa we ngɛ Yawɛ ngɔ ɔ ma na bua jɔmi.

Mateo 22:39

Mlaa nɛ nyɛɛ se ɔ hu ngɛ kaa jã kɛ̃: ‘Suɔ o nyɛmi nɔmlɔ kaa bɔ nɛ o suɔ mo nitsɛ o he.’

Marko 9:7

Amlɔ ɔ, bɔku ko ba ha a nɔ, nɛ gbi ko je bɔku ɔ mi de ke, “Nɔ nɛ ɔ ji ye bi nɛ i suɔ lɛ saminya a nɛ; nyɛɛ bu lɛ tue!”

Yohane 1:12

Se nihi tsuo nɛ he lɛ atuu, nɛ a he lɛ ye ɔ, e ha mɛ blɔ nya kaa a ba pee Mawu bimɛ.

Yohane 13:34

Jehanɛ ɔ, mlaa he i ngɛ nyɛ woe; nyɛɛ suɔ nyɛ sibi kaa bɔ nɛ i suɔ nyɛ ɔ.

Yohane 14:1

Yesu de e kaseli ɔmɛ ke, “Nyɛ ko ye nyɛ tsui. Nyɛɛ lɛɛ nyɛ he Mawu nyɛɛ ye; nɛ imi hu nyɛ he mi nyɛɛ ye.

Yohane 15:12

Mlaa nɛ i ngɛ nyɛ woe ji nɛ ɔ nɛ: nyɛɛ suɔ nyɛ sibi kaa bɔ nɛ i suɔ nyɛ ɔ.

Yohane 17:3

Ke a na le kaa mo ji anɔkuale Mawu ɔ, nɛ a le Yesu Kristo, nɔ nɛ o tsɔ ɔ, a ma na neneene wami.

Yohane 2:23

Yesu hi Yerusalem Hetsɔmi nyami be ɔ tsuo. E pee okadihi babauu, nɛ nihi tsuo nɛ na a, a he lɛ ye.

Yohane 3:18

Nɔ tsuaa nɔ nɛ heɔ Mawu Bi ɔ yeɔ ɔ, a be lɛ fɔ bue; se nɔ nɛ he we yi ɔ, a bu lɛ fɔ momo; ejakaa e he we Mawu Bi kake too ɔ yi.

Yohane 6:29

Yesu he nɔ́ ke, “Mawu suɔ kaa nyɛ he nɔ nɛ e tsɔ ɔ nyɛɛ ye.”

Ni Tsumi 16:31

A he nɔ ke, “Mo he Nyɔmtsɛ Yesu nɛ o ye, nɛ a ma he o kɛ o we ɔ tsuo nyɛ yi wami.”

Efesobi 5:2

Nyɛ je nyɛ suɔmi kpo ngɔ tsɔɔ nyɛ sibi ngɛ nyɛ ní peemi mi kaa bɔ nɛ Kristo suɔ wɔ nɛ e ba gbo ngɛ wa he ɔ. Ee, Kristo ngɔ e he ngɔ ha kaa nike ní nɛ a kɛ sã bɔ, nɛ he via, nɛ sa Mawu hɛ mi.

1 Tesalonikabi 4:9

Jehanɛ, suɔmi nɛ sa kaa e hi nyɛmimɛ nɛ heɔ yeɔ ɔ a kpɛti ɔ, e hia we kaa ma ngma nyɛ womi ngɛ lɔ ɔ he hu. Mawu tsɔɔ nyɛ momo kaa nyɛɛ suɔ nyɛ he,

1 Timoteo 1:15

Kristo Yesu ba je ɔ mi, konɛ e ba he yayami peeli a yi wami. Anɔkuale munyu nitsɛnitsɛ nɛ sa kaa nɔ tsuaa nɔ nɛ he ye ji nɛ ɔ nɛ. Imi nitsɛ ɔ, yayami peelɔ kpanaku ji mi pe nihi tsuo.

1 Petro 1:22

Amlɔ nɛ ɔ, anɔkuale tsɔɔmi ɔ nɛ kɔɔ Yesu Kristo he ɔ, nyɛ ye nɔ. Nyɛ tsukɔ nyɛ he, nɛ nyɛ ba na suɔmi kpakpa kɛ ha nyɛ nyɛmimɛ nɛ ngɔ a he ngɔ ha Yesu ɔ. Lɔ ɔ he ɔ, nyɛɛ suɔ nyɛ sibi saminya kɛ nyɛ tsui tsuo.

1 Petro 4:8

Nɔ́ nɛ he hia pe kulaa ji kaa nyɛɛ suɔ nyɛ he saminya; ejakaa suɔmi haa yayami babauu nɔ.

1 Yohane 2:7

Ye nyɛmimɛ nɛ i suɔ, mlaa nɛ i ngɛ ngmae nɛ nyɛɛ ye nɔ nɛ ɔ, pi mlaa he; mlaa momo ɔ nɛ nyɛ ná kɛ je sisije ɔ, lɔ ɔ nɔuu. Sɛ gbi nɛ nyɛ nu momo ɔ, lɔ ɔ ji mlaa momo ɔ nɛ.

1 Yohane 3:11

Sɛ gbi ɔ nɛ nyɛ nu kɛ je sisije ɔ ji kaa waa suɔ wa sibi.

1 Yohane 4:15

Nɔ tsuaa nɔ nɛ jajeɔ paa kaa Yesu ɔ, Mawu Bi ji lɛ ɔ, Mawu hii e mi, nɛ lɛ hu e hii Mawu mi.

1 Yohane 4:21

Mlaa nɛ Kristo wo wɔ ji nɔ tsuaa nɔ nɛ suɔ Mawu ɔ, e sa kaa e suɔ e nyɛmi hulɔ.

1 Yohane 5:13

I ngɛ nyɛ womi nɛ ɔ ngmae, konɛ nyɛ nihi nɛ nyɛ heɔ Mawu Bi ɔ yeɔ ɔ, nyɛ ná nɛ nyɛɛ le kaa nyɛ ngɛ neneene wami.