1 Yohane 3:12 - BAIBLO ALOO NGMAMI KLƆUKLƆU Ɔ

¹² Wa ko pee kaa bɔ nɛ Kain pee ɔ; ejakaa Abosiami mumi ngɛ e mi, nɛ e gbe lɛ nitsɛ e nyɛmi Habel. Mɛni he je Kain gbe e nyɛmi ɔ? Ejakaa níhi nɛ e tsu ɔ, ní ɔmɛ dɛ, se e nyɛmi ɔ lɛɛ níhi nɛ e tsu ɔ da.

Somi He Ɔ

¹² wa ko pee kaa Kain nɔ nɛ je nɔ yayami ɔ mi nɛ e gbe e nyɛmi ɔ. Mɛni he je nɛ e gbe e nyɛmi ɔ? Ejakaa lɛ nitsɛ e ni tsumi ɔmɛ ɔ yayami ʼi, se e nyɛmi ɔ nɔ ɔ da.

1 Yohane 3:12 ပူးပေါင်းရင်းမြစ်များ

Mose I, 4:25

Adam kɛ e yo ɔ na bɔmi ekohu nɛ e fɔ binyumu, nɛ Hawa wo lɛ biɛ ke Set. Hawa de ke, “I wo lɛ kikɛmɛ a biɛ nɛ ɔ, ejakaa Mawu ha mi binyumu kɛ to Habel nɛ Kain gbe lɛ ɔ nane mi.”

Samuel II, 13:22

Absalom hu na ninyɛ agbo kɛ ha Amnon, nɛ e kɛ lɛ hiɔ nya kaa e nyɛ e nyɛmiyo Tamar nɔ pani nya, nɛ e kɛ lɛ hwɔ.

La 37:12

Yayami peelɔ soɔ kpakpa peelɔ yi nɔ; e hyɛɛ lɛ too kɛ ninyɛ hɛngmɛ.

La 38:20

Nihi nɛ ngɔɔ yayami kɛ toɔ kpakpa nane mi ɔ, jamɛatsɛmɛ ɔmɛ ba pee ye he nyɛli; ejakaa imi lɛɛ i hlaa kaa ma pee nɔ́ nɛ da.

Abɛ Womi 27:4

Mi mi la puɛɔ ní wawɛɛ nitsɛ; nɛ muklii mi fumi hu nɔ́ pe, se hunga jemi lɛɛ e nɔ nya hi dami.

Abɛ Womi 29:10

Muɔ si pueli sume nihi nɛ pee we yayami; lɔ ɔ he ɔ, a hlaa kaa a ma kpata nihi nɛ peeɔ nɔ́ da a hɛ mi.

Abɛ Womi 29:27

Bɔ nɛ yiwutsotsɛ sume nɔ nɛ peeɔ nɔ́ nɛ da sane ɔ, jã kɛ̃ nɔ nɛ peeɔ nɔ́ nɛ da hu sume yiwutsotsɛ sane.

Mateo 13:19

Nihi nɛ nuɔ matsɛ yemi ɔ he sɛ gbi, se a nui sisi ɔ, a ngɛ kaa wu nɛ ya pue blɔ he ɔ. Nɔ yayami ɔ baa nɛ e ba saa nɔ́ nɛ a du ngɛ a mi ɔ kɛ jeɔ.

Mateo 13:38

Ngmɔ ɔ ji je ɔ; wu kpakpa a ji matsɛ yemi mi bimɛ ɔmɛ; hu ɔ ji nɔ yayami ɔ bimɛ.

Mateo 23:35

Kɛkɛ ɔ, nimli kpakpahi tsuo nɛ a pue a muɔ si ngɛ je nɛ ɔ mi, kɛ maa je Habel nɛ a pue e muɔ si yaka gu ɔ nɔ kɛ yaa su Barakia binyumu Zakaria nɛ nyɛ gbe lɛ ngɛ sɔlemi we ɔ, kɛ bɔ sami la tɛ ɔ a kpɛti ɔ nɔ ɔ a he ɔ, a maa gbla nyɛ tue.

Mateo 27:23

Pilato bi ke, “Mɛni yayami e pee?” Se enɛ ɔ ha nɛ a kpa ngmlaa wawɛɛ ke, “Sɛu lɛ!”

Mateo 5:37

Ke nɔ́ ɔ ngɛ mi ɔ, nɔ́ nɛ kɛkɛ nɛ o ma de ji, ‘Ee’; ke e be mi ɔ, de ke, ‘Dɛbi’. Ke nɔ́ kpa ko piɛ he ɔ lɛɛ Abosiami dɛ mi e je.

Luka 11:51

Kɛ je Habel nɔ kɛ yaa su Zakaria nɛ a gbe ngɛ bɔ sami la tɛ ɔ, kɛ he klɔuklɔu ɔ a kpɛti ɔ nɔ ɔ, ee, i ngɛ nyɛ dee ke a ma bi a muɔ si ngɛ yi nɔ bi nɛ ɔmɛ a dɛ!

Yohane 10:32

Se Yesu de mɛ ke, “I pee ní kpakpahi babauu nɛ nyɛ na. Níhi nɛ i pee ɔ, Tsɛ ɔ nɛ tsɔɔ mi. Te nɔ́ nɛ he nɛ nyɛ ngɛ hlae nɛ nyɛɛ fia mi tɛ ɔ.”

Yohane 8:40

Imi lɛɛ anɔkuale ɔ nɛ i nu kɛ je Tsaatsɛ Mawu nya a, lɔ ɔ i deɔ nyɛ; se nyɛ ngɛ mi hlae nɛ nyɛɛ gbe. Abraham pee we nɔ́ ko kaa kikɛ nɛ ɔ.

Yohane 8:41

Níhi nɛ nyɛ tsɛ peeɔ ɔ, lɔ ɔmɛ ngɛ peeɔ ɔ nɛ.” A he nɔ ke, “Wɔɔ lɛɛ pi ajuama mi bimɛ ji wɔ. Wa ngɛ tsɛ kake. Wa tsɛ ji Mawu.”

Ni Tsumi 7:52

Gbali ɔmɛ nɛ hi si sa a, nyɛ nɛmɛ ɔmɛ wa mɛ yi mi. A gbe ni nɛmɛ nɛ de to ke dalɔ ɔ maa ba a. Amlɔ nɛ ɔ, lɛ nitsɛ hu nyɛ tsɔɔ e se blɔ, nɛ nyɛ gbe lɛ.

1 Tesalonikabi 2:14

Nyɛmimɛ, nɔ́ nɛ pee nyɛ nɛ ɔ, lɔ ɔ nɔuu nɛ pee Mawu asafo ɔmɛ nɛ ngɛ Yudea a mi bi nɛ ngɔ a he ngɔ ha Kristo Yesu ɔ. Nyɛ na amanehlu ngɛ nyɛ nitsɛmɛ nyɛ ma mi bi a dɛ mi kaa bɔ nɛ mɛ hu a na amanehlu ngɛ Yuda bi a dɛ mi ɔ.

Hebribi 11:4

Hemi kɛ yemi Habel kɛ sã bɔ nɛ sa Mawu hɛ mi kulaa pe Kain nɔ́ ɔ. Kɛ gu e hemi kɛ yemi ɔ nɔ ɔ, Mawu bu lɛ nɔ nɛ peeɔ nɔ́ nɛ da; ejakaa Mawu nitsɛ bua jɔ e nike ní ɔ he. Amlɔ nɛ ɔ, Habel be je mi lɛɛ, se kɛ gu hemi kɛ yemi ɔ nɔ ɔ, e kɛ wɔ ngɛ munyu tue kɛ mwɔɔ.

Hebribi 12:24

Yesu, nɔ nɛ ha a so somi he ɔ, e ngɔ nyɛ ba nɛ ɔ nɛ. Muɔ nɛ a fĩa, nɛ tsuɔ ní kpakpahi nɛ pe Habel nɔ́ ɔ he nyɛ ba a nɛ.

1 Petro 4:4

Amlɔ nɛ ɔ lɛɛ e peeɔ mɛ nyakpɛ kaa nyɛ piɛ we a he kɛ pee we jamɛ a yakayaka ní ɔmɛ hu; nɛ lɔ ɔ he ɔ, a tuɔ nyɛ he munyu yaya.

1 Yohane 3:8

Nɔ nɛ peeɔ yayami lɛɛ Abosiami bi ji lɛ, ejakaa kɛ je sisije tɔɔ nɛ Abosiami bɔni yayami peemi. Enɛ ɔ he tutuutu nɛ Mawu Bi ɔ ba a nɛ, konɛ níhi nɛ Abosiami tsu ɔ, e ba kpata lɛ tsuo hɛ mi.

Yuda 1:11

Musu tloo mɛ pɛ! A ya ngɔ Kain blɔ ɔ. Yayami nɛ Balaam pee ɔ, a ngɔ a he ya wo jamɛ a yayami ɔ mi ngɛ se nami he. A tsɔ atuã kaa bɔ nɛ Kora tsɔ atuã a, nɛ a hɛ mi kpata kaa lɛ.

Kpojemi 17:6

I na kaa yo ɔ tɔ dã; ee, e nu ni klɔuklɔu ɔmɛ, kɛ nihi nɛ a gbe mɛ ngɛ Yesu he ɔ a muɔ, nɛ e pee kaa nɔ nɛ tɔ dã. Benɛ i na lɛ ɔ, ye nya kpɛ ye he wawɛɛ.