1 Yohane 3:1 - BAIBLO ALOO NGMAMI KLƆUKLƆU Ɔ

¹ Nyɛɛ hyɛ suɔmi sɔuu nɛ Tsɛ ɔ ngɛ kɛ ha wɔ, kaa e ma tsɛ wɔ e bimɛ; niinɛ Mawu bimɛ ji wɔ. Enɛ ɔ he ɔ, je ɔ li wɔ, ejakaa lɛ Mawu ɔ nitsɛ hu je ɔ li lɛ.

Somi He Ɔ

¹ Nyɛɛ hyɛ suɔmi abɔ sɔuu nɛ Tsɛ ɔ kɛ suɔ nyɛ, kaa a tsɛ wɔ Mawu bimɛ nɛ wa ji nɛ! Enɛ he ɔ, je ɔ li wɔ, ejakaa e li lɛ hulɔ.

1 Yohane 3:1 ပူးပေါင်းရင်းမြစ်များ

Yohane 1:12

Se nihi tsuo nɛ he lɛ atuu, nɛ a he lɛ ye ɔ, e ha mɛ blɔ nya kaa a ba pee Mawu bimɛ.

Galatabi 3:26

Nɛ nyɛ he Kristo Yesu ye, nɛ nyɛ ngɛ e mi ɔ, lɔ ɔ ha nɛ nyɛ peeɔ Mawu bimɛ.

2 Korintobi 6:18

Ma pee nyɛ tsɛ, nɛ nyɛ maa pee ye binyumuhi kɛ ye biyihi. Imi, Nyɔmtsɛ Ope ɔ, lɛ i de.”

Yohane 17:25

Tsaatsɛ nɛ peeɔ nɔ́ nɛ da! Je ɔ li mo, se imi lɛɛ i le mo; nɛ ye nyɛmimɛ nɛ ɔmɛ le kaa mo nɛ o tsɔ mi.

Yohane 3:16

Ejakaa Mawu suɔ je ɔ saminya, nɛ e ngɔ e Bi kake ɔ ngɔ ha, konɛ nɔ tsuaa nɔ nɛ heɔ lɛ yeɔ ɔ, e hɛ mi ko kpata, se mohu e na neneene wami.

Kpojemi 21:7

Nihi tsuo nɛ maa ye kunimi ɔ ma na nike ní nɛ ɔ kɛ maa je ye dɛ mi; ma pee a Mawu, nɛ mɛ hu a maa pee ye ma.

Romabi 5:8

Se suɔmi kpetekpleenyɛ nɛ Mawu je kpo ji nɛ ɔ nɛ, kaa be nɛ wa ji yayami peeli ɔ, jamɛ a be ɔ Kristo ba gbo ngɛ wa he.

Galatabi 3:29

Ke Kristo we bi ji nyɛ ɔ, lɛɛ Abraham nina ji nyɛ, nɛ si nɛ Mawu wo ɔ nya a, nyɛ peeɔ gbosi ní yeli.

Romabi 8:32

Mawu nɛ klɔɛ e Bi ɔ he, se mohu e ngɔ lɛ kɛ sã bɔ ngɛ wɔ nimli adesahi tsuo wa he ɔ, anɛ e be níhi tsuo ngɔe kɛ piɛ he ha wɔ lo?

Yohane 16:3

Nihi maa pee nyɛ ní nɛ ɔmɛ, ejakaa a li Tsɛ ɔ; nɛ a li imi hulɔ.

Kolosebi 3:3

Ejakaa nyɛ ngɛ kaa nihi nɛ gbo, nɛ a ngɔ nyɛ wami ɔ kɛ Kristo tsuo ngɔ laa ngɛ Mawu mi.

Samuel II, 7:19

Se Nyɔmtsɛ Yawɛ, enɛ ɔ lɛɛ e ji nɔ́ ko bɔbɔyoo kɛkɛ ngɛ o hɛ mi. O wo si hu kaa o tsɔlɔ ɔ nina maa hiɛ babauu hwɔɔ se. Nyɔmtsɛ Yawɛ, o je nɔ́ nɛ ɔ ngɔ tsɔɔ nɔmlɔ adesa!

Romabi 8:21

kaa be ko ma nɛ adebɔ níhi tsuo maa ye a he, nɛ gbenɔ be he wami nae ngɛ a nɔ hu; nɛ a kɛ Mawu bimɛ ɔmɛ maa hi si ngɛ he jɔmi mi, nɛ a maa wo a hɛ mi nyami.

Yeremia 3:19

Yawɛ ke, “Israel, jinɛ i susu kaa e maa pee fɛu ke i ngɔ mo ba piɛ ye bimɛ ɔmɛ a he ngɛ hiɛ ɔ. I to nɛ ma ha mo zugba saminyayoo ko, zugba nɛ ngɛ fɛu pe kulaa ngɛ je ɔ mi. I hyɛ blɔ kaa o ma tsɛ mi ke ‘Tsaatsɛ’, nɛ i susu kaa o pa be ye hɛ mi atuã tsɔe hu.

La 31:19

Nihi nɛ yeɔ mo gbeye ɔ, hyɛ ní kpakpahi babauu nɛ o dla kɛ to ha mɛ! Ni nɛmɛ nɛ ba saa we ngɛ o ngɔ ɔ, hyɛ ni nguanguahi babauu nɛ o pee ha mɛ. O peeɔ ní nɛ ɔmɛ tsuo ngɛ ma hɛ mi paa.

Hosea 1:10

Israel bi a he ma ba hiɛ babauu kaa wo nya zia, nɛ nɔ ko be nyɛe maa kane mɛ; nɔ ko nɔ ko be nyɛe maa kale a yibɔ. Amlɔ nɛ ɔ, Mawu ngɛ mɛ dee ke, “Pi ye ma ji nyɛ”; se be ma nɛ e ma de mɛ ke, “Imi Mawu hɛ ngmengmletsɛ ɔ, ye bimɛ ji nyɛ!”

Mose V, 14:1

“Yawɛ, nyɛ Mawu ɔ ma ji nyɛ. Lɔ ɔ he ɔ, ke nɔ ko gbo nɛ nyɛ ngɛ ya nyɛe ɔ, nyɛ ko poo nyɛ he ha, nɛ nyɛ ko je nyɛ hɛ nya kaa bɔ nɛ je ma kpa amɛ peeɔ ɔ.

Luka 20:36

A maa pee kaa Mawu bɔfohi, nɛ a be gboe hu. A pee Mawu bimɛ, ejakaa a te si kɛ je gbeje.

Yohane 11:52

Pohu pi ma a nane mi kɛkɛ, se e ma bua Mawu bimɛ tsuo nɛ gbɛ fĩa hu a nya kɛ pee kake.

Yohane 15:21

Ye he ɔ, a maa pee nyɛ ní nɛ ɔmɛ tsuo, ejakaa nɔ nɛ tsɔ mi ɔ, a li lɛ.

Romabi 8:19

Adebɔ níhi tsuo to a tsui si kɛ ngɛ blɔ hyɛe wawɛɛ kaa Mawu ma ha nɛ a na e bimɛ nitsɛnitsɛmɛ ɔmɛ.

1 Yohane 3:2

Ye nyɛmimɛ nɛ i suɔ, amlɔ nɛ ɔ, Mawu bimɛ ji wɔ, se bɔ nɛ wa ma plɛ hwɔɔ se ɔ, lɔ ɔ lɛɛ wa li lolo. Nɔ́ nɛ wa le kɛkɛ ji kaa ke Kristo je e he kpo ɔ, wa maa hi kaa lɛ; ejakaa wa maa na lɛ paa kaa bɔ nɛ e ngɛ ɔ tutuutu.

1 Yohane 3:10

Slɔɔto titli nɛ ngɛ Mawu bimɛ, kɛ Abosiami bimɛ a kpɛti ji nɛ ɔ nɛ. Nɔ tsuaa nɔ nɛ pee we nɔ́ nɛ da, aloo nɔ nɛ sume e nyɛmi ɔ, pi Mawu bi ji lɛ.

1 Yohane 4:17

Suɔmi nɛ Mawu ngɛ kɛ ha wɔ ɔ mi wa wawɛɛ, bɔ nɛ pee nɛ kojomi ligbi ɔ, wa ko ye gbeye. Ejakaa wa je mi bami ngɛ kaa bɔ nɛ Kristo nitsɛ ba e je mi.