1 Yohane 2:3 - BAIBLO ALOO NGMAMI KLƆUKLƆU Ɔ

³ Ke wa yeɔ Mawu mlaa amɛ a nɔ ɔ, lɔ ɔ waa kɛ naa anɔkuale mi kaa wa le lɛ.

Somi He Ɔ

³ Nɛ enɛ ɔ waa kɛ maa nɔ mi kaa wa le lɛ, ke wa yeɔ e kita amɛ a nɔ ɔ.

1 Yohane 2:3 ပူးပေါင်းရင်းမြစ်များ

La 119:32

Ma ye o mlaa amɛ a nɔ kɛ gɛjɛmi; ejakaa o ha nɛ i nu mlaa amɛ a sisi saminya.

La 119:6

Ke i hyɛ saminya, nɛ i ye o mlaa amɛ tsuo a nɔ ɔ, lɛɛ zo be mi gbee.

Yesaya 53:11

Ke e na nɔ́ se ɔ, e ma na bua jɔmi ekohu, nɛ e maa na kaa e nɔ́ nami pee we yaka. Ye tsɔlɔ nɛ i suɔ lɛ ɔ, a maa gbla e tue ngɛ nihi babauu a nane mi, se e he ɔ, ma ngɔ a he yayami kɛ pa mɛ.

Luka 6:46

“Mɛni he je nyɛ tsɛɔ mi ‘Nyɔmtsɛ’, se níhi nɛ i deɔ nyɛ ke nyɛɛ pee lɛɛ nyɛ pee we ɔ?

Yohane 14:15

“Ke nyɛ suɔ mi ɔ, nyɛ maa ye ye mlaa amɛ a nɔ.

Yohane 15:10

Ke nyɛ ye ye mlaa amɛ a nɔ ɔ, lɛɛ suɔmi nɛ i ngɛ kɛ ha nyɛ ɔ maa hi si daa. Imi hu i ye Tsaatsɛ mlaa amɛ a nɔ, lɔ ɔ ha nɛ suɔmi nɛ e ngɛ kɛ ha mi ɔ se pui gblegbleegble.

Yohane 15:14

Ke nyɛ pee nɔ́ nɛ i de nyɛ ke nyɛɛ pee ɔ, lɔ ɔ lɛɛ ye huɛmɛ ji nyɛ.

Yohane 17:3

Ke a na le kaa mo ji anɔkuale Mawu ɔ, nɛ a le Yesu Kristo, nɔ nɛ o tsɔ ɔ, a ma na neneene wami.

2 Korintobi 4:6

Mawu lɛ de ke, “La nɛ tso kɛ je diblii mi.” Lɛ Mawu ɔ nɔuu lɛ haa la kpɛɔ ngɛ wa tsui mi. Nɛ la nɛ ɔ haa wa leɔ Mawu hɛ mi nyami nɛ kpɛɔ ngɛ Kristo hɛ mi ɔ.

Hebribi 5:9

Benɛ Mawu ha nɛ e hi kɛ pi si ɔ, e ba pee nɔ nɛ haa nihi nɛ buɔ lɛ tue ɔ naa neneene yi wami hemi.

1 Yohane 2:13

Tsaatsɛmɛ! I ngɛ nyɛ womi nɛ ɔ ngmae, ejakaa nyɛ le nɔ nɛ ngɛ kɛ je sisije ɔ. Nihewi! I ngɛ nyɛ womi nɛ ɔ ngmae, ejakaa nyɛ ye nɔ yayami ɔ nɔ kunimi.

1 Yohane 3:14

Wa le kaa wa be kaa ni gbogboehi hu, se wa je gbenɔ mi kɛ ba wami mi, ejakaa wa suɔ wa nyɛmimɛ ɔmɛ. Nɔ tsuaa nɔ nɛ sume e nyɛmi ɔ, e ngɛ gbenɔ mi.

1 Yohane 3:19

Enɛ ɔ waa kɛ maa le kaa wa ngɛ Mawu anɔkualetsɛ ɔ blɔ fa mi, nɛ wa he nile be wɔ fɔ bue ngɛ e hɛ mi.

1 Yohane 3:6

Lɔ ɔ he ɔ, ke nɔ ko ngɛ Kristo mi ɔ, e pee we yayami hu. Se nɔ nɛ ngɛ yayami pee kɛ mwɔɔ ɔ, e nɛ Kristo, nɛ e li lɛ hulɔ.

1 Yohane 4:13

Mawu ngɔ lɛ nitsɛ e mumi ɔ ngɔ ha wɔ. Nɛ enɛ ɔ waa kɛ na kaa niinɛ, Mawu ngɛ wa mi; nɛ wɔ hu wa ngɛ e mi.

1 Yohane 4:7

Ye nyɛmimɛ nɛ i suɔ! Nyɛ ha waa suɔ wa sibi, ejakaa suɔmi ɔ, Mawu ngɔ nɛ e je. Nɔ tsuaa nɔ nɛ suɔ nɔmlɔ ɔ, Mawu bi ji lɛ, nɛ e le Mawu.

1 Yohane 5:19

Wa le kaa Mawu níhi ji wɔ, pohu je ɔ, Abosiami lɛ ngɛ nɔ yee.

1 Yohane 5:2

Nɔ́ nɛ waa kɛ maa na kaa wa suɔ Mawu bimɛ ɔmɛ ji wa maa bu Mawu tue, nɛ wa maa ye e mlaa amɛ a nɔ.

1 Yohane 5:3

Ejakaa ke wa suɔ Mawu ɔ, wa yeɔ e mlaa amɛ a nɔ. Nɛ e mlaa amɛ a nɔ yemi wɛ kulaa,

Kpojemi 12:17

Sinɔ nguaa a mi mi fu yo ɔ, nɛ e pue nɔ kɛ ho, konɛ e kɛ yo ɔ nina nɛ piɛ ɔ, nihi tsuo nɛ yeɔ Mawu mlaa amɛ a nɔ, kɛ ni nɛmɛ hu nɛ fiɛɔ sɛ gbi ɔ nɛ kɔɔ Yesu he ɔ ya hwu ta.

Kpojemi 14:12

Enɛ ɔ tsɔɔ kaa e hia kaa ni klɔuklɔu ɔmɛ nɛ yeɔ Mawu mlaa amɛ a nɔ, nɛ a heɔ Yesu yeɔ anɔkuale mi ɔ nɛ a to a tsui si daa.

Kpojemi 22:14

A gbaa nihi nɛ fɔ a tade ɔmɛ a he ɔ. Ee, a maa ye tso nɛ haa nɔ wami ɔ yiblii ɔ eko, nɛ a maa gu agbo ɔmɛ a mi kɛ ya ma a mi.