1 Yohane 2:29 - BAIBLO ALOO NGMAMI KLƆUKLƆU Ɔ

²⁹ Tse nyɛ le kaa Kristo ɔ, nɔ́ nɛ da e peeɔ. Lɛɛ e hia kaa nyɛɛ le kaa nɔ tsuaa nɔ nɛ peeɔ nɔ́ nɛ da a, Mawu bi ji lɛ.

Somi He Ɔ

²⁹ Ke nyɛ le kaa dalɔ ji Kristo ɔ, nyɛ na nɛ nyɛɛ le kaa nɔ tsuaa nɔ nɛ ytsuɔ dami ni ɔ, Mawu bi ji lɛ.

1 Yohane 2:29 ပူးပေါင်းရင်းမြစ်များ

1 Yohane 3:7

Ye bimɛ tsɔwi, nyɛ ko ha nɛ nɔ ko nɛ sisi nyɛ! Nɔ tsuaa nɔ nɛ peeɔ nɔ́ nɛ da a, dalɔ ji lɛ kaa bɔ nɛ Kristo hu dalɔ ji lɛ ɔ.

1 Yohane 5:1

Nɔ tsuaa nɔ nɛ heɔ yeɔ kaa Yesu ji Kristo ɔ, Mawu bi ji lɛ; nɛ nɔ tsuaa nɔ nɛ suɔ nɔ ko tsɛ ɔ, e suɔ nɔ ɔ bi hulɔ.

Yohane 1:13

A pee mɛ Mawu bimɛ, pi ngɛ he lo nya kaa nyumu fɔɔ bi aloo nɔmlɔ adesa suɔmi nya; Mawu mi a je kɛ fɔ mɛ.

1 Yohane 4:7

Ye nyɛmimɛ nɛ i suɔ! Nyɛ ha waa suɔ wa sibi, ejakaa suɔmi ɔ, Mawu ngɔ nɛ e je. Nɔ tsuaa nɔ nɛ suɔ nɔmlɔ ɔ, Mawu bi ji lɛ, nɛ e le Mawu.

1 Petro 3:18

Ejakaa Kristo gbo kekleekle nɔ́ kɛ nyagbe nɔ́ ngɛ ní yayamihi a he. Lɛ dalɔ ɔ, e gbo ngɛ yayami peeli a nane mi, konɛ e ngɔ wɔ kɛ ba Mawu ngɔ. Benɛ a gbe Kristo ɔ, jamɛ a be ɔ, e hɛɛ nɔmlɔ adesa su. Se amlɔ nɛ ɔ nɛ Mawu ha nɛ e ba wami mi ɔ, mumi ji lɛ.

Yakobo 1:18

Mawu gu sane kpakpa a nɔ kɛ ha wɔ mumi mi wami. Lɛ nitsɛ e suɔmi nya nɛ e pee enɛ ɔ. Ejakaa e suɔ kaa e pee wɔ nihi nɛ a he hia pe nibɔ ní ɔmɛ tsuo.

1 Yohane 5:4

ejakaa Mawu bimɛ tsuo ma nyɛ maa ye je ɔ nɔ kunimi; ee, wa hemi kɛ yemi waa kɛ yeɔ je ɔ nɔ kunimi.

Ni Tsumi 10:35

Se mohu ma tsuaa ma mi ɔ, nɔ nɛ yee Mawu gbeye, nɛ e peeɔ nɔ́ nɛ da a, lɛ ji nɔ nɛ saa e hɛ mi.

2 Petro 1:4

E ha wɔ nike ní nguanguahi nɛ a he jua wa, kaa bɔ nɛ e wo si ɔ. Kɛ gu nike ní nɛ ɔmɛ a nɔ ɔ, nyɛ maa tu je nɛ ɔ mi akɔnɔ níhi nɛ kpataa nɔ hɛ mi ɔ a nya fo, konɛ nyɛ na lɛ Mawu ɔ e su ɔ eko.

1 Petro 1:3

Nyɛ ha wa je Mawu, wa Nyɔmtsɛ Yesu Kristo Tsɛ ɔ yi. E na wɔ mɔbɔ babauu kaa e tle Yesu Kristo si kɛ je gbeje, nɛ e kɛ ha wɔ wami he; ejakaa suɔmi nɛ e kɛ suɔ wɔ ɔ be nyagbe. Nɔ́ nɛ ɔ haa wɔ hɛ kɛ nɔ fɔmi nɛ mi wa.

Hebribi 7:26

Lɛɛ Yesu ji osɔfo nɔkɔtɔma pe kulaa nɛ sa wɔ. E ngɛ klɔuklɔu; sé ko be e he ɔ, e pee we yayami hulɔ. E je e he kɛ je yayami peeli a he, nɛ a wo e nɔ kɛ po mi kɛ ho hiɔwe tɔɔ ya.

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

Ni Tsumi 22:14

E de mi ke, ‘Wa nɛmɛ ɔmɛ a Mawu ɔ hla mo ngɔ to, konɛ o le e suɔmi nya ní, nɛ o na e Tsɔlɔ nɛ peeɔ nɔ nɛ da a, konɛ o nu lɛ nitsɛ e nya mi gbi.

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

3 Yohane 1:11

Ye nyɛmi nɛ i suɔ! Ko ya wo nihi nɛ peeɔ ní yayamihi a nane; moo kase nihi nɛ peeɔ nɔ́ kpakpa mohu. Nɔ tsuaa nɔ nɛ peeɔ nɔ́ kpakpa a, Mawu nɔ́ ji lɛ; nɔ nɛ peeɔ yayami ɔ, e li Mawu.

1 Yohane 5:18

Wa le kaa nɔ tsuaa nɔ nɛ ji Mawu bi ɔ, e bua jɔɛ yayami peemi he. Ejakaa Mawu Bi ɔ baa e yi, nɛ Abosiami na we e he blɔ.

1 Yohane 3:5

Nyɛ le kaa Kristo ba, konɛ e ba wó wa he yayami ɔmɛ kɛ ho. Nyɛ le hulɔ kaa Kristo ɔ, yayami ko be e he.

1 Yohane 2:1

Ye bimɛ tsɔwi, i ngɛ nyɛ womi nɛ ɔ ngmae, konɛ nyɛ ko pee yayami. Se ke nɔ ko pee yayami pohu ɔ, wa ngɛ nɔ nɛ daa mi kɛ haa wɔ ngɛ Tsɛ ɔ ngɔ. Lɛ ji Yesu Kristo, nɔ nɛ peeɔ nɔ́ nɛ da a.

1 Petro 1:23

Kɛ gu Mawu munyu ɔ nɛ hɛ ngɛ daa a nɔ ɔ, a fɔ nyɛ ehe. Nyɛ ba pee Tsɛ nɛ gbo we, se pi nɔ nɛ gboɔ ɔ bimɛ.

Hebribi 7:2

Abraham hu ha lɛ ta yibu ní tsuo nɛ e na a mi mi dlami nyɔngma mi kake. Kekleekle ɔ, e biɛ Melkizedek ɔ sisi ji, “Matsɛ nɛ yeɔ dami sane.” Jehanɛ hu, Salem matsɛ ji lɛ; lɔ ɔ he ɔ, e biɛ ɔ tsɔɔ kaa e ji, “Matsɛ nɛ e kɛ tue mi jɔmi baa.”

Yeremia 13:23

Anɛ nɔmlɔ yumu ma nyɛ ma tsake e he womi su ɔ lo? Anɛ ngatsɛ ma nyɛ ma tsake e he huatahuata a lo? Ke e maa hi peemi ja a, lɛɛ nyɛ nɛ yayami peemi pee nyɛ he nɔ́ nɛ ɔ, nyɛ hu nyɛ ma nyɛ maa pee kpakpa.

Ni Tsumi 3:14

Nyɛɛ lɛɛ nyɛ kua nɔ klɔuklɔu ɔ nɛ dami sane pɛ e yeɔ ɔ, nɛ nyɛ kpa pɛɛ ke a ngmɛɛ awi yelɔ mohu he ngɔ ha nyɛ.

Yohane 7:18

Ke nɔ ko tuɔ munyu ngɛ lɛ nitsɛ e he wami nya a, e ngɛ hɛ mi nyami hlae ha e he. Se anɔkualetsɛ lɛɛ e hlaa kaa e maa wo nɔ nɛ tsɔ lɛ ɔ mohu hɛ mi nyami, nɛ sisimi be e mi.