1 Yohane 2:24 - BAIBLO ALOO NGMAMI KLƆUKLƆU Ɔ

²⁴ Lɔ ɔ he ɔ, sɛ gbi ɔ nɛ nyɛ na kɛ je sisije ɔ, nyɛɛ pɛtɛ he wawɛɛ. Ke nyɛ pɛtɛ jamɛ a sɛ gbi ɔ he wawɛɛ ɔ, lɔ ɔ lɛɛ nyɛɛ maa hi Bi ɔ, kɛ Tsɛ ɔ mi daa.

Somi He Ɔ

²⁴ Lɔ ɔ he ɔ, nyɛɛ lɛɛ, nɔ́ nɛ nyɛ nu kɛ je sisije ɔ, nyɛ ha kɔlɔ ɔ nɛ hi nyɛ mi. Ke nɔ́ nɛ nyɛ nu kɛ je sisije ɔ ngɛ nyɛ mi ɔ, lɔ ɔ lɛɛ nyɛ hu nyɛ maa hi Bi ɔ kɛ Tsɛ ɔ mi.

1 Yohane 2:24 ပူးပေါင်းရင်းမြစ်များ

La 119:11

I ngɔ o munyu ɔ kɛ to ye tsui mi tɔɔ, konɛ ma ko pee yayami kɛ si mo.

Abɛ Womi 23:23

Anɔkuale yemi, nile, tsɔsemi, kɛ sane se kɔmi a he jua wa saminya; e sa kaa a di se nɛ a ko ngmɛɛ he.

Luka 1:2

pɛpɛɛpɛ kaa bɔ nɛ nihi nɛ na ní nɛ ɔmɛ kɛ je sisije ɔ de wɔ, nɛ a fiɛ ngɔ tsɔɔ ɔ.

Luka 9:44

“Nɔ́ nɛ ma de nyɛ nɛ ɔ, nyɛɛ bu tue saminya! A maa ngɔ Nɔmlɔ Bi ɔ kɛ wo nihi nɛ he wa a dɛ mi.”

Yohane 14:23

Yesu he nɔ ke, “Ke nɔ ko suɔ mi ɔ, e maa ye ye munyu ɔmɛ a nɔ. Kɛkɛ ɔ, Tsaatsɛ maa suɔ lɛ, nɛ wa maa ba e ngɔ, nɛ waa kɛ lɛ ma ba hi si.

Yohane 15:7

Ke nyɛ mɛtɛ ye he, nɛ nyɛ he ye munyu ɔmɛ ye ɔ, nɔ́ tsuaa nɔ́ nɛ nyɛ suɔ ɔ, ke nyɛ bi ɔ, a ma ha nyɛ.

Yohane 6:56

Nɔ tsuaa nɔ nɛ yeɔ ye he lo, nɛ e nuu ye muɔ ɔ hii ye mi, nɛ imi hu i hii e mi.

Yohane 8:25

A bi lɛ ke, “Mɛnɔ ji mo?” Yesu he nɔ ke, “Sisije ɔ, mɛni i de nyɛ ɔ?

Filipibi 4:15

Nyɛ Filipi bi, nyɛ nitsɛmɛ nyɛ le kaa sisije ɔ, benɛ a bɔni sane kpakpa fiɛmi, nɛ i pue nɔ kɛ je Makedonia a, asafo ko asafo ko kɛ mi bɔɛ huɛ ngɛ nɔ́ hami kɛ hemi mi, ja nyɛ pɛ ji asafo nɛ ye bua mi.

Kolosebi 3:16

Nyɛ ha nɛ Kristo sɛ gbi ɔ nɛ hyi nyɛ fuu. Nyɛɛ tsɔɔ nyɛ he ní, nɛ nyɛɛ wo nyɛ sibi ga kɛ juɛmi nɛ mi kuɔ. Nyɛ la La womi ɔ mi lahi, yi jemi lahi, kɛ mumi mi lahi kɛ je nyɛ tsui mi nɛ nyɛ kɛ na Mawu si.

Hebribi 2:1

Enɛ ɔ he ɔ, e sa kaa waa pɛtɛ níhi nɛ wa nu ɔ a he saminya, konɛ wa ko gba kɛ je he.

Hebribi 3:14

Ejakaa wa hɛ nɛ wa kɛ fɔ Kristo nɔ kɛ je sisije ɔ, ke wa hɛɛ mi kpɛii hluu kɛ ya si nyagbe ɔ, lɛɛ wa peeɔ nihi nɛ a kɛ Kristo pee kake.

1 Yohane 1:3

Nɔ́ nɛ wa na, kɛ nɔ́ nɛ wa nu ɔ, lɔ ɔ wa ngɛ fiɛe kɛ ngɛ nyɛ hae. Wa ngɛ enɛ ɔ pee, konɛ nyɛ ba piɛ wa he, nɛ waa kɛ Tsɛ ɔ, kɛ e Bi Yesu Kristo ɔ nɛ bɔ huɛ.

1 Yohane 1:7

Se ke wa ba wa je mi saminya ngɛ Mawu hɛ mi kaa bɔ nɛ lɛ Mawu ɔ e su ngɛ ɔ, lɔ ɔ lɛɛ waa kɛ wa sibi ngɛ huɛ bɔe. Kɛkɛ ɔ, e Bi Yesu Kristo muɔ ɔ maa tsukɔ wa he, nɛ e ma je wa he yayami ɔmɛ tsuo.

1 Yohane 2:7

Ye nyɛmimɛ nɛ i suɔ, mlaa nɛ i ngɛ ngmae nɛ nyɛɛ ye nɔ nɛ ɔ, pi mlaa he; mlaa momo ɔ nɛ nyɛ ná kɛ je sisije ɔ, lɔ ɔ nɔuu. Sɛ gbi nɛ nyɛ nu momo ɔ, lɔ ɔ ji mlaa momo ɔ nɛ.

1 Yohane 3:24

Nɔ tsuaa nɔ nɛ yeɔ Mawu mlaa amɛ a nɔ ɔ, e hii Mawu mi, nɛ Mawu hu hii e mi. Nɛ mumi ɔ nɛ Mawu ha wɔ ɔ he je ɔ, wa le kaa Mawu ngɛ wa mi.

1 Yohane 4:13

Mawu ngɔ lɛ nitsɛ e mumi ɔ ngɔ ha wɔ. Nɛ enɛ ɔ waa kɛ na kaa niinɛ, Mawu ngɛ wa mi; nɛ wɔ hu wa ngɛ e mi.

1 Yohane 4:15

Nɔ tsuaa nɔ nɛ jajeɔ paa kaa Yesu ɔ, Mawu Bi ji lɛ ɔ, Mawu hii e mi, nɛ lɛ hu e hii Mawu mi.

1 Yohane 4:16

Suɔmi nɛ Mawu ngɛ kɛ ha wɔ ɔ, wɔ nitsɛmɛ wa le, nɛ wa ji he nɔ́. Mawu ɔ, suɔmi ji lɛ, nɛ nɔ tsuaa nɔ nɛ suɔ nɔmlɔ kɛ e tsui tsuo ɔ, e hii Mawu mi, nɛ Mawu hu hii e mi.

2 Yohane 1:2

Ejakaa anɔkuale ɔ ngɛ wa mi, nɛ anɔkuale ɔ kɛ wɔ maa hi si kɛ maa ya neneene.

2 Yohane 1:9

Nɔ tsuaa nɔ nɛ maa je Kristo sane kpakpa a se ya tsɔɔ nɔ́ kpa a, e li Mawu. Nɔ nɛ tsɔɔ sane kpakpa a pɛpɛɛpɛ kaa bɔ nɛ e ngɛ kɛ je sisije ɔ, jamɛ a nɔ ɔ le Tsɛ ɔ, kɛ Bi ɔ tsuo.

3 Yohane 1:3

I na bua jɔmi babauu benɛ nyɛmimɛ ɔmɛ ekomɛ ba hiɛmɛ nɛ ɔ ba bɔ mi amaniɛ ngɛ o he ɔ. A tsɔɔ kaa o ngɔ o he ngɔ ha Mawu kulaa kaa bɔ nɛ o ngɛ anɔkuale mi ɔ.

Kpojemi 3:11

I ma nɔuu! Nɔ́ nɛ ngɛ o dɛ ɔ, pɛtɛ he wawɛɛ, konɛ jlasi nɛ o ma na, ke o ye kunimi ɔ, nɔ ko nɛ ko kpɔ ngɛ o dɛ.

Kpojemi 3:3

Lɔ ɔ he ɔ, kaii nɔ́ nɛ a tsɔɔ mo, kɛ nɔ́ nɛ o nu ɔ. Bu tue, nɛ o tsake o tsui. Ke o pee we ja a, ma ba na mo tlukaa kaa julɔ be mi nɛ o hɛ be o he nɔ.