1 Yohane 2:17 - BAIBLO ALOO NGMAMI KLƆUKLƆU Ɔ

¹⁷ Je ɔ, kɛ e mi níhi nɛ peeɔ nɔ akɔnɔ ɔ ngɛ bee kɛ yaa. Se nɔ nɛ peeɔ Mawu suɔmi nya ní ɔ, lɛɛ e ngɛ kɛ yaa neneene.

Somi He Ɔ

¹⁷ Je ɔ bee kɛ yaa kɛ e mi se dimi ni ɔmɛ, se nɔ nɛ peɔ Mawu suɔmi nya ni ɔmɛ ɔ, e hii si kɛ yaa neneene.

1 Yohane 2:17 ပူးပေါင်းရင်းမြစ်များ

Mateo 24:35

Hiɔwe kɛ zugba maa be kɛ ho, se ye munyu ɔmɛ lɛɛ a be bee kɛ ho gblegbleegble.

Romabi 12:2

Nyɛ ko ba nyɛ je mi kaa je mi bi ɔmɛ hu; se mohu nyɛ ha Mawu nɛ tsake nyɛ juɛmi, konɛ nyɛ yɔse níhi nɛ ji Mawu suɔmi nya ní kpakpahi nɛ sa e hɛ mi saminya, nɛ hi kɛ pi si ɔ.

1 Korintobi 7:31

nihi nɛ a kɛ je ɔ ngɛ bɔe ɔ, a pee a ní kaa nihi nɛ puɛ we a be ngɛ je ɔ mi. Ejakaa je ɔ, bɔ nɛ e ngɛ nɛ ɔ, e se be kɛe.

1 Petro 4:2

Lɔ ɔ he ɔ, kɛ je be nɛ ɔ mi kɛ yaa si nyɛ maa gbe nyɛ je nɛ ɔ mi si himi nya a, nyɛɛ hi si kaa bɔ nɛ Mawu suɔ, se pi kaa bɔ nɛ nyɛ tsui suɔ.

Hebribi 10:36

E hia kaa nyɛɛ to nyɛ tsui si, nɛ nyɛɛ pee Mawu suɔmi nya ní, konɛ nɔ́ nɛ e wo he si ɔ, nyɛ nine nɛ su nɔ.

Marko 3:35

Nɔ tsuaa nɔ nɛ peeɔ nɔ́ nɛ Mawu suɔ ɔ, lɛ nɔuu ji ye nyɛminyumu, ye nyɛmiyo, kɛ ye nyɛ.”

1 Petro 1:5

Mawu ngɔ ní nɛ ɔmɛ ngɔ ha nyɛ nihi nɛ nyɛ heɔ lɛ Mawu ɔ yeɔ, nɛ́ e kɛ e he wami ɔ ngɛ nyɛ he bue ɔ. Mawu pee klaalo kaa e ma he nyɛ yi wami nyagbe be ɔ mi.

1 Tesalonikabi 4:3

Mawu suɔmi nya ji kaa nyɛ he nɛ tsɔ, nɛ nyɛ ko fiɛ nyumu kɛ yo yakayaka fiɛmi.

Yohane 4:14

se nɔ nɛ maa nu nyu nɛ imi ma ha lɛ ɔ, kuma be lɛ yee hu gblegbleegble. Ejakaa nyu nɛ ma ha lɛ ɔ ma plɛ nyu hɛngmɛ nɛ baa nyu nɛ haa nɔ wami kɛ yaa neneene ngɛ e mi.”

La 143:10

Moo tsɔɔ mi nɛ ma pee nɔ́ nɛ o suɔ; ejakaa mo ji ye Mawu. Ha nɛ o mumi kpakpa a nɛ tsɔɔ mi blɔ nɛ hi, nɛ e nɔ jɔ.

Mateo 7:21

“Pi nɔ tsuaa nɔ nɛ tsɛɔ mi ‘Nyɔmtsɛ, Nyɔmtsɛ’ ɔ ji nɔ nɛ maa sɛ hiɔwe matsɛ yemi ɔ mi; se mohu nɔ nɛ peeɔ Tsaatsɛ nɛ ngɛ hiɔwe ɔ suɔmi nya ní.

Yakobo 4:14

Nyɛ ti ni nɛmɛ nɛ deɔ ja a, nyɛɛ bu tue. Anɛ nyɛ le hwɔɔ se je nami mi sane? Nyɛ ngɛ kaa afua nɛ woɔ be kpiti, kɛkɛ a nɛ́ lɛ hu.

Yohane 6:58

Abolo nɛ je hiɔwe ɔ ji nɛ ɔ nɛ. Abolo nɛ ɔ be kaa nɔ́ nɛ nyɛ nɛmɛ ɔmɛ ye nɛ pee se a gbo ɔ. Mohu ɔ, nɔmlɔ nɛ maa ye abolo nɛ ɔ maa hi si kɛ maa ya neneene.”

Mateo 21:31

Lɔ ɔ he ɔ, ni enyɔ nɛ ɔmɛ a kpɛti mɛnɔ lɛ pee nɔ́ nɛ a tsɛ ɔ suɔ?” A he nɔ ke, “Nɔkɔtɔma a.” Yesu de mɛ ke, “Niinɛ, i ngɛ nyɛ dee ke, tó tsuli ɔmɛ, kɛ ajuama amɛ sɛ nyɛ hlami kɛ yaa Mawu matsɛ yemi ɔ mi.

1 Tesalonikabi 5:18

nyɛɛ na Mawu si ngɛ nɔ́ tsuaa nɔ́ he. Nyɛ nihi nɛ nyɛ ngɛ Kristo Yesu mi ɔ, enɛ ɔ ji nɔ́ nɛ Mawu suɔ kaa nyɛɛ pee.

Kolosebi 4:12

Epafra, nyɛ kpɛti no kpa nɛ lɛ hu e tsuɔ ní ha Kristo Yesu ɔ ke e biɔ nyɛ. Daa nɛ ɔ, e ngɛ sɔlee ha nyɛ kɛ e tsui tsuo. E ngɛ e he gbee kaa Mawu nɛ ha nɛ nyɛɛ hɛɛ hemi kɛ yemi ɔ mi wawɛɛ kaa Kristo se nyɛɛli kpakpahi, nihi nɛ heɔ Yesu yeɔ kɛ a tsui tsuo, nɛ a peeɔ Mawu suɔmi nya ní sisiisi.

Abɛ Womi 10:25

Ke kɔɔhiɔ nɛ nya wa te ɔ, e fiaa yayami peeli kɛ nɔɔ si nɛ a gboɔ. Se nihi nɛ peeɔ kpakpa lɛɛ nɔ́ ko nɔ́ ko sɛ a he.

Kolosebi 1:9

Enɛ ɔ he ɔ, kɛ je ligbi ɔ nɛ wa nu nyɛ he ɔ kɛ ba si amlɔ nɛ ɔ, wa jɔɔ we Mawu pɛɛ kpami ha nyɛ. Wa biɔ ke Mawu nɛ ha nɛ nyɛɛ le e suɔmi nya ní, nɛ nyɛ ná nile, kɛ nɔ́ sisi numi nɛ mumi ɔ haa nɔ ɔ.

Yohane 7:17

Nɔ tsuaa nɔ nɛ suɔ kaa e maa pee Mawu suɔmi nya ní ɔ, e maa na kaa nɔ́ nɛ i ngɛ tsɔɔe ɔ je Mawu ngɔ, se pi imi nitsɛ ye he wami nya.

La 90:9

Ke o mi mi fu wɔ ɔ, o poɔ wa wami be ɔ nɔ kpiti kaa a woɔ mumi.

La 39:6

Ee, nɔmlɔ adesa ngɛ kaa nini; yaka dengme kɛkɛ lɛ e ngɛ gboe. E buaa níhi a nya, se e li nɔ nɛ ma ba ye.

La 102:26

Ní nɛ ɔmɛ a hɛ mi ma kpata; se moo lɛɛ o ngɛ kɛ yaa neneene. Ee, mɛ tsuo a ma ba pee momo kaa bɔ nɛ bo he ba peeɔ bo momo ɔ. O ma sake mɛ kɛ fɔ he kaa bɔ nɛ a sakeɔ bo momo kɛ fɔɔ he ɔ. Nɛ a maa laa kulaa.