1 Yohane 2:14 - BAIBLO ALOO NGMAMI KLƆUKLƆU Ɔ

¹⁴ Bimɛ tsɔwi, i ngɛ nyɛ womi nɛ ɔ ngmae, ejakaa nyɛ le Tsɛ ɔ. Tsaatsɛmɛ! I ngɛ nyɛ womi nɛ ɔ ngmae, ejakaa nyɛ le nɔ nɛ ngɛ kɛ je sisije ɔ. Nihewi! I ngɛ nyɛ womi nɛ ɔ ngmae, ejakaa nyɛ he wa; Mawu we anɔkuale ɔ ngɛ nyɛ mi, nɛ nyɛ ye nɔ yayami ɔ nɔ kunimi.

Somi He Ɔ

¹⁴ I ngɛ nyɛ ngmae, tsaatsɛmɛ, ejakaa nyɛ le nɔ nɛ ngɛ kɛ je sisije ɔ. I ngɛ nyɛ ngmae, nihewi, ejakaa nyɛ he wa, nɛ Mawu munyu ɔ hii nyɛ mi, nɛ nyɛ ye nɔ yayami ɔ nɔ kunimi.

1 Yohane 2:14 ပူးပေါင်းရင်းမြစ်များ

La 119:11

I ngɔ o munyu ɔ kɛ to ye tsui mi tɔɔ, konɛ ma ko pee yayami kɛ si mo.

Yohane 15:7

Ke nyɛ mɛtɛ ye he, nɛ nyɛ he ye munyu ɔmɛ ye ɔ, nɔ́ tsuaa nɔ́ nɛ nyɛ suɔ ɔ, ke nyɛ bi ɔ, a ma ha nyɛ.

Yohane 5:38

Nyɛ bui e munyu ɔ, ejakaa imi nɔmlɔ nɛ e tsɔ ɔ, nyɛ he we mi yi.

Yohane 8:31

Yesu de Yuda bi nɛ he lɛ ye ɔ ke, “Ke nyɛ pɛtɛ ye munyu ɔ he ɔ, lɛɛ nyɛ maa pee ye kaseli nitsɛnitsɛmɛ.

Yohane 8:37

I le kaa Abraham nina ji nyɛ! Mɛni he je mɔ nɛ nyɛ ngɔɛ ye tsɔɔmi ɔ, nɛ nyɛ ngɛ mi hlae nyɛɛ gbe mohu ɔ.

Efesobi 6:10

Nyagbe ɔ, nyɛ ha nɛ Nyɔmtsɛ ɔ he wami kpetekpleenyɛ ɔ nɛ ngɛ nyɛ mi ɔ nɛ waje nyɛ.

Filipibi 4:13

Kristo lɛ woɔ mi he wami, nɛ e haa nɛ i nyɛɔ peeɔ nɔ́ tsuaa nɔ́.

Kolosebi 1:11

I kpaa Mawu pɛɛ, nɛ e kɛ e he wami nɛ hɛ mi ngɛ nyami ɔ nɛ wo nyɛ he wami, konɛ nyɛ nyɛ́ nɛ nyɛɛ to nyɛ tsui si kɛ na nɔ́, nɛ nyɛɛ kɛ bua jɔmi nɛ na Tsɛ ɔ si. Lɛ nɛ ha nɛ nyɛ ná he blɔ, nɛ gbosi ní nɛ lɛ Mawu ɔ ngɔ to ha ni klɔuklɔu ɔmɛ ngɛ e matsɛ yemi ɔ mi ɔ, nyɛ hu nyɛ nine maa su nyɛ nɔ́ nɔ.

Kolosebi 3:16

Nyɛ ha nɛ Kristo sɛ gbi ɔ nɛ hyi nyɛ fuu. Nyɛɛ tsɔɔ nyɛ he ní, nɛ nyɛɛ wo nyɛ sibi ga kɛ juɛmi nɛ mi kuɔ. Nyɛ la La womi ɔ mi lahi, yi jemi lahi, kɛ mumi mi lahi kɛ je nyɛ tsui mi nɛ nyɛ kɛ na Mawu si.

2 Timoteo 2:1

Lɔ ɔ he ɔ, ye bi, nɛ Mawu dloo wɔ nɛ wa ngɛ Kristo Yesu mi ɔ, o he nɛ wa.

Hebribi 8:10

Jehanɛ lɛɛ somi nɛ i kɛ Israel maa so hwɔɔ se ɔ ji nɛ ɔ nɛ. Ma ngɔ ye mlaa a kɛ wo a juɛmi mi, nɛ ma ngma ngɔ to a tsui nɔ. Ma pee a Mawu, nɛ mɛ hu a maa pee ye ma.

1 Yohane 1:1

Wa ngɛ nyɛ munyu nɛ haa nɔ wami ɔ ngmae. Munyu ɔ ngɛ kɛ je sisije. Wa nu, nɛ wa na kɛ wɔ nitsɛmɛ wa hɛngmɛ; ee, wa na lɛ, nɛ wa nine ta he.

1 Yohane 1:10

Ke wa ke wa pee we yayami ɔ, lɛɛ wa ngɛ tsɔɔe kaa Mawu mohu ji lakpatsɛ; nɛ Mawu we anɔkuale ɔ be wa mi.

1 Yohane 2:13

Tsaatsɛmɛ! I ngɛ nyɛ womi nɛ ɔ ngmae, ejakaa nyɛ le nɔ nɛ ngɛ kɛ je sisije ɔ. Nihewi! I ngɛ nyɛ womi nɛ ɔ ngmae, ejakaa nyɛ ye nɔ yayami ɔ nɔ kunimi.

2 Yohane 1:2

Ejakaa anɔkuale ɔ ngɛ wa mi, nɛ anɔkuale ɔ kɛ wɔ maa hi si kɛ maa ya neneene.

3 Yohane 1:3

I na bua jɔmi babauu benɛ nyɛmimɛ ɔmɛ ekomɛ ba hiɛmɛ nɛ ɔ ba bɔ mi amaniɛ ngɛ o he ɔ. A tsɔɔ kaa o ngɔ o he ngɔ ha Mawu kulaa kaa bɔ nɛ o ngɛ anɔkuale mi ɔ.

Kpojemi 2:3

O toɔ tsui si; o naa amanehlu ngɛ ye he nɛ pɔ tɔɛ mo.

Kpojemi 2:7

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue! “Ni nɛmɛ nɛ maa ye kunimi ɔ, ma ha mɛ blɔ nɛ a maa ye tso nɛ haa nɔ wami nɛ ngɛ Mawu abɔɔ ɔ mi ɔ yiblii.”