1 Yohane 2:11 - BAIBLO ALOO NGMAMI KLƆUKLƆU Ɔ

¹¹ Se nɔ nɛ nyɛɛ e nyɛmi ɔ, e ngɛ diblii ɔ mi, nɛ e ngɛ diblii ɔ mi nyɛɛe nɛ́ e li he nɛ e yaa. Ejakaa diblii ɔ yu e hɛ.

Somi He Ɔ

¹¹ se nɔ nɛ nyɛɛ e nyɛmi ɔ, diblii ɔ mi e ngɛ, nɛ diblii ɔ mi e nyɛɛ, nɛ e li he nɛ e yaa, ejakaa diblii ɔ yu e hɛ.

1 Yohane 2:11 ပူးပေါင်းရင်းမြစ်များ

Samuel II, 13:22

Absalom hu na ninyɛ agbo kɛ ha Amnon, nɛ e kɛ lɛ hiɔ nya kaa e nyɛ e nyɛmiyo Tamar nɔ pani nya, nɛ e kɛ lɛ hwɔ.

Abɛ Womi 4:19

Yayami peeli lɛɛ a blɔ nɔ woɔ diblii kpii kaa nyɔ mi. A tɛɔ nɔ́ nɛ a nɔɔ si, se a li nɔ́ nɛ ji.

Fiɛlɔ 2:14

Ní lelɔ le he nɛ e yaa; kuasia lɛɛ e li. Se kɛ̃ ɔ, amanehlu kake ɔ nɔuu lɛ baa mɛ ni enyɔ ɔmɛ tsuo a nɔ.

Mose III, 19:17

“Koo nyɛ o nyɛmi ngɛ o tsui mi. Ke sane ko ba a, o kɛ lɛ nɛ hla mi, konɛ e he ɔ, mo mohu o ko ba pee yayami.

Yohane 12:35

Yesu he nɔ ke, “Be bɔɔ ko pɛ nɛ e piɛ nɛ la a kɛ nyɛ maa hi si kɛ yaa si. Be mi nɛ la a ngɛ nɛ ɔ, nyɛɛ nyɛɛ blɔ ɔ nɔ, konɛ diblii ɔ nɛ ko ba na nyɛ, ejakaa nɔ nɛ nyɛɛɔ diblii mi ɔ, e li he nɛ e yaa.

Yohane 12:40

“Mawu ma a hɛngmɛ, nɛ e tsi a juɛmi nya hulɔ, konɛ a hɛngmɛ ko hyɛ nɔ́, nɛ a ko nu nɔ́ sisi. Mawu pee mɛ kikɛ nɛ ɔ, konɛ a ko kpale kɛ ba e ngɔ nɛ a tsa mɛ.”

2 Korintobi 3:14

Niinɛ, a nga a juɛmi nya! Kɛ ba su mwɔnɛ ligbi nɛ ɔ, kaa nɔ́ nɛ jamɛ a hɛ mi hami nɔ́ ɔ ha a hɛ mi kɛ mwɔɔ; ejakaa ke a kane somi momo ɔ, a nui sisi. Kristo pɛ lɛ ma nyɛ ma je hɛ mi hami nɔ́ nɛ ɔ.

2 Korintobi 4:4

A he we sane kpakpa a yi, ejakaa je nɛ ɔ mi mawu ɔ yu a mumi mi hɛngmɛ; nɛ la nɛ ngɛ kpɛe ngɛ a nɔ ɔ, a nɛ. Sane kpakpa a nɛ woɔ Kristo hɛ mi nyami ɔ, la nɛ ɔ nɛ ngɛ lɛ gbɛe kɛ ngɛ fĩae. Kristo ɔ, e kɛ Mawu hɛɛ su kake.

Tito 3:3

Ejakaa sa a, wɔ nitsɛmɛ hu wa je kuasia; wa gbo tue, nɛ wa tla blɔ. Wa ya di akɔnɔ yaya, kɛ he lo mi níhi nɛ haa wɔ bua jɔmi a se. Wa susuu nihi a he yayami, nɛ wa hɛ kɔ̃ɔ̃; nɔ́ peeɔ wɔ tai, nɛ wa nyɛɛ wa sibi.

2 Petro 1:9

Se nɔ nɛ be ní nɛ ɔmɛ ɔ, lɛɛ e ngɛ kaa nɔ nɛ hyɛ we nɔ́ kɛ yɛ tsitsaa; e hɛ je nɔ kaa a tsukɔ e he kɛ je e sá yayami ɔmɛ a he.

1 Yohane 1:6

Lɔ ɔ he ɔ, ke wa de ke waa kɛ lɛ ngɛ huɛ bɔe, se kɛ̃ wa ngɛ diblii ɔ mi ɔ, wa ngɛ lakpa yee; munyu nɛ jeɔ wa nya, kɛ wa ní peemi tsuo anɔkuale be mi.

1 Yohane 2:10

Nɔ tsuaa nɔ nɛ suɔ e nyɛmi ɔ, e ngɛ Kristo mi. Lɔ ɔ he ɔ, nɔ́ ko nɔ́ ko be e he nɛ ma ha nɔ ko nane ma kpata.

1 Yohane 2:9

Ke nɔ ko de ke e ngɛ Kristo mi, se e sume e nyɛmi ɔ, lɛɛ e ngɛ diblii ɔ mi, kɛ mwɔɔ.

1 Yohane 3:15

Nɔ tsuaa nɔ nɛ nyɛɔ e nyɛmi ɔ, nɔmlɔ gbelɔ ji lɛ; nɛ nyɛ le kaa nɔmlɔ gbelɔ ko nɔmlɔ gbelɔ ko be neneene wami nae.

1 Yohane 4:20

Ke nɔ ko ke e suɔ Mawu, se e nyɛɛ e nyɛmi ɔ, lakpatsɛ ji lɛ. Ejakaa nɔ nɛ sume e nyɛmi nɛ e naa kɛ hɛngmɛ ɔ, kɛ e maa pee kɛɛ nɛ e maa suɔ Mawu nɛ e nɛ ɔ.

Kpojemi 3:17

O deɔ ke, ‘I na ní kpɔtɔɔ; i plɔke, nɛ nɔ́ ko nɔ́ ko hia we mi!’ Se o li tete kaa o ngɛ dengme mi, nɛ o ní ngɛ mɔbɔ! O li kaa ohiatsɛ ji mo! O li kaa o hɛɛ o he gu, nɛ o hɛngmɛ hu yu!