1 Yohane 2:10 - BAIBLO ALOO NGMAMI KLƆUKLƆU Ɔ

¹⁰ Nɔ tsuaa nɔ nɛ suɔ e nyɛmi ɔ, e ngɛ Kristo mi. Lɔ ɔ he ɔ, nɔ́ ko nɔ́ ko be e he nɛ ma ha nɔ ko nane ma kpata.

Somi He Ɔ

¹⁰ Nɔ nɛ suɔ e nyɛmi ɔ, e hii la a mi, nɛ lɔ ɔ he ɔ, nane kpatami nɔ́ ko be e mi;

1 Yohane 2:10 ပူးပေါင်းရင်းမြစ်များ

1 Yohane 3:14

Wa le kaa wa be kaa ni gbogboehi hu, se wa je gbenɔ mi kɛ ba wami mi, ejakaa wa suɔ wa nyɛmimɛ ɔmɛ. Nɔ tsuaa nɔ nɛ sume e nyɛmi ɔ, e ngɛ gbenɔ mi.

Romabi 14:13

Lɔ ɔ he ɔ, nyɛ ha wa kpa wa sibi kojomi; se mohu nyɛ pee saminya nɛ nɔ ko ko pee nɔ́ ko nɛ ma ha o nyɛmi nane ma kpata, aloo nɛ ma ha e pee yayami.

Hosea 6:3

Nyɛ ha waa bɔ mɔde nɛ waa le Yawɛ saminya. Kaa bɔ nɛ je naa daa ligbi, nɛ hiɔmi hu nɛɛɔ ngɔ pueɔ zugba daa gbo kɛ gbiɛ ɔ, ke wa hla Yawɛ se blɔ ɔ, lɛ hu e maa ba wa ngɔ.”

2 Petro 1:10

Lɔ ɔ he ɔ, nyɛmimɛ, nyɛɛ ya nɔ nɛ nyɛɛ bɔ mɔde, konɛ nyɛɛ ma nɔ mi kaa niinɛ, nihi nɛ Mawu tsɛ, nɛ e hla ji nyɛ. Ke nyɛ pee ja a, nyɛ be si gbee ngɛ hemi kɛ yemi ɔ nɛ nyɛ na a mi gblegbleegble.

Yohane 8:31

Yesu de Yuda bi nɛ he lɛ ye ɔ ke, “Ke nyɛ pɛtɛ ye munyu ɔ he ɔ, lɛɛ nyɛ maa pee ye kaseli nitsɛnitsɛmɛ.

Mateo 18:7

Musu tloo je ɔ kaa níhi ngɛ je ɔ mi nɛ haa nɔ peeɔ yayami! Ní nɛ ɔmɛ maa ba kɛ̃, se nɔmlɔ nɛ haa nɛ ní nɛ ɔmɛ baa a, musu tloo lɛ!

Mateo 13:21

Se sɛ gbi ɔ he we si ngɛ a mi, nɛ e se kɛ we hulɔ. Ke haomi, loo yi wami ba ngɛ munyu ɔ he ɔ, kɛkɛ a nane kpata.

Filipibi 1:10

konɛ nyɛɛ le kpakpa mi tso. Kɛkɛ ɔ, mu ko mu ko, kɛ piami ko piami ko be nyɛ he sae kɛ yaa su ligbi ɔ nɛ Kristo maa ba.

La 119:165

Nihi nɛ suɔ o mlaa amɛ ɔ, a naa he jɔmi nitsɛnitsɛ, nɛ nɔ́ ko nɔ́ ko be hae nɛ a maa tla blɔ.

Yohane 11:9

Yesu he nɔ ke, “Anɛ pi ngmlɛfia nyɔngma kɛ enyɔ nɛ peeɔ ligbi kake? Ke nɔ ko nyɛɛ piani ɔ, e tɛ we si, mɛni he je ɔ, e naa je nɛ ɔ mi la a.

Yohane 12:35

Yesu he nɔ ke, “Be bɔɔ ko pɛ nɛ e piɛ nɛ la a kɛ nyɛ maa hi si kɛ yaa si. Be mi nɛ la a ngɛ nɛ ɔ, nyɛɛ nyɛɛ blɔ ɔ nɔ, konɛ diblii ɔ nɛ ko ba na nyɛ, ejakaa nɔ nɛ nyɛɛɔ diblii mi ɔ, e li he nɛ e yaa.

1 Yohane 2:11

Se nɔ nɛ nyɛɛ e nyɛmi ɔ, e ngɛ diblii ɔ mi, nɛ e ngɛ diblii ɔ mi nyɛɛe nɛ́ e li he nɛ e yaa. Ejakaa diblii ɔ yu e hɛ.