1 Yohane 2:1 - BAIBLO ALOO NGMAMI KLƆUKLƆU Ɔ

¹ Ye bimɛ tsɔwi, i ngɛ nyɛ womi nɛ ɔ ngmae, konɛ nyɛ ko pee yayami. Se ke nɔ ko pee yayami pohu ɔ, wa ngɛ nɔ nɛ daa mi kɛ haa wɔ ngɛ Tsɛ ɔ ngɔ. Lɛ ji Yesu Kristo, nɔ nɛ peeɔ nɔ́ nɛ da a.

Somi He Ɔ

¹ Ye bimɛ tsɔwi, i ngɛ nyɛ ni nɛ ɔmɛ ngmae, konɛ nyɛ ko pee yayami. Se ke nɔ ko pee yayami po hu ɔ, wa ngɛ mi dalɔ ngɛ Tsɛ ɔ ngɔ, Yesu Kristo, dalɔ ɔ;

1 Yohane 2:1 ပူးပေါင်းရင်းမြစ်များ

La 4:4

Ke nyɛ mi mi fu ɔ, nyɛ ko pee yayami. Ke nyɛ hwɔɔ si ɔ, nyɛɛ pee dii, nɛ nyɛɛ ya nyɛ yi mi.

Ezekiel 3:21

Se ke o bɔ dalɔ ɔ kɔkɔ ke e ko pee yayami, nɛ e bu mo tue, nɛ e pee we nɔ́ nɛ dɛ ɔ, e yi ma na wami, nɛ mo nitsɛ hu a ma he o yi wami.”

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Luka 10:22

“Tsaatsɛ ngɔ níhi tsuo ngɔ wo ye dɛ mi. Nɔ ko nɔ ko li Bi ɔ, ja Tsɛ ɔ, nɛ nɔ ko nɔ ko li Tsɛ ɔ, ja Bi ɔ, kɛ ni nɛmɛ nɛ Bi ɔ suɔ kaa e maa tsɔɔ mɛ Tsɛ ɔ.”

Yohane 13:33

Ye bimɛ, be nɛ i kɛ nyɛ maa hi si kɛ yaa si ɔ pi saasaa. Nyɛ ma hla mi, se kaa bɔ nɛ i de Yuda ma nimeli ɔmɛ ɔ, ‘He nɛ i yaa a, nyɛ be nyɛe maa ba.’

Yohane 14:16

Kɛkɛ ɔ, ma kpa Tsɛ ɔ pɛɛ, nɛ e ma ha nyɛ Hepiɛlɔ kpa nɛ kɛ nyɛ maa hi si daa.

Yohane 14:6

Yesu he nɔ ke, “Imi ji blɔ ɔ, imi ji anɔkuale ɔ, nɛ imi ji wami ɔ hulɔ. Nɔ ko nɔ ko yɛ Tsɛ ɔ ngɔ kaa ja e gu ye nɔ.

Yohane 21:5

E bi mɛ ke, “Ye bimɛ, nyɛ ná nɔ́ ko lo?” A he nɔ ke, “Dɛbi, wa nɛ́ nɔ́ ko nɔ́ ko.”

Yohane 5:14

Pee se ɔ, Yesu ya na nyumu ɔ ngɛ sɔlemi we ɔ, nɛ e de lɛ ke, “Bu tue, amlɔ nɛ ɔ nɛ o na he wami nɛ ɔ, koo pee yayami hu. Ke pi jã a, nɔ́ nɛ maa ba o nɔ ɔ maa pe kekle nɔ́ ɔ.”

Yohane 5:36

Imi lɛɛ i ngɛ odase nɛ pe Yohane nɔ́ ɔ, ejakaa ní tsumihi nɛ Tsaatsɛ ngɔ ha mi kaa ma tsu ɔ, jamɛ a ní tsumi ɔmɛ nɛ́ i tsuɔ ɔ nɔuu yeɔ ye he odase kaa Tsɛ ɔ lɛ tsɔ mi.

Yohane 6:27

Nyɛ ko gbo ngma nɛ puɛɔ ɔ he dengme. Mohu ɔ, nyɛ hla ngma nɛ hii si kɛ yaa neneene. Enɛ ɔ ji nɔ́ nɛ Nɔmlɔ Bi ɔ ma ha nyɛ ɔ nɛ, ejakaa Tsɛ Mawu ɔ nɛ hla lɛ.”

Yohane 8:11

Yo ɔ he nɔ ke, “Nyɔmtsɛ, nɔ ko nɔ ko bui mi fɔ.” Yesu de lɛ ke, “Saminya, imi hu i bui mo fɔ. Yaa, se mohu kpa yayami peemi.”]

Ni Tsumi 7:52

Gbali ɔmɛ nɛ hi si sa a, nyɛ nɛmɛ ɔmɛ wa mɛ yi mi. A gbe ni nɛmɛ nɛ de to ke dalɔ ɔ maa ba a. Amlɔ nɛ ɔ, lɛ nitsɛ hu nyɛ tsɔɔ e se blɔ, nɛ nyɛ gbe lɛ.

Romabi 5:10

Jinɛ sa a, Mawu he nyɛli ji wɔ, se kɛ gu e Bi ɔ gbenɔ ɔ nɔ ɔ, a kpata waa kɛ Mawu wa kpɛti. Lɔ ɔ he ɔ, amlɔ nɛ ɔ nɛ a kpata waa kɛ Mawu wa kpɛti ɔ, e ma he wa yi wami hluu tsɔ ngɛ e Bi ɔ wami ɔ mi.

Romabi 6:15

Lɛɛ kɛ ji lɛ kɛɛ? Ke mlaa ko fí wɔ, se Mawu dloomi ɔ lɛ hɛɛ wɔ ɔ, lɛɛ waa ya nɔ waa pee yayami lo? Dɛbi!

Romabi 8:34

Lɛ mɛnɔ lɛ buɔ nɔ fɔ mɔ? Yesu Kristo loo? Yesu Kristo lɛɛ e gbo; se nɔ́ nɛ pe lɔ ɔ, Mawu tle lɛ si kɛ je gbeje kɛ ba wami mi; nɛ amlɔ nɛ ɔ, e ngɛ Mawu hiɔ nɔ, nɛ e ngɛ mi dae ha wɔ ngɛ Tsɛ ɔ hɛ mi.

1 Korintobi 15:34

Nyɛ susu nyɛ yi mi saminya nɛ nyɛ kpa yayami peemi. I ngɛ dee nɛ zo nɛ gbe nyɛ kaa nyɛ ti ni komɛ li Mawu.

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

Galatabi 4:19

Ye bimɛ nɛ i suɔ, nyɛɛ hyɛ bɔ nɛ i ngɛ haoe ngɛ nyɛ he ekohu kaa yo nɛ nu kɔɔmi, hluu kɛ yaa su be nɛ a maa na subai nɛ ngɛ Kristo mi ɔ ngɛ nyɛ mi.

Efesobi 2:18

Yuda bi jio, ma je li jio, Kristo nɔ lɛ wɔ tsuo wa maa gu kɛ ba Tsɛ ɔ ngɔ. Mumi Klɔuklɔu kake ɔ nɔuu lɛ maa piɛ wa he.

Efesobi 4:26

Ke e ba mi kaa nyɛ ti nɔ ko mi mi fu e nyɛmi ɔ, e ko ngmɛ blɔ nɛ lɔ ɔ nɛ ha nɛ e pee yayami. E bɔ mɔde nɛ e tsui he nɛ jɔ loko pu nɛ nɔ si.

1 Timoteo 2:5

Mawu kake kɛkɛ lɛ ngɛ, kɛ nɔ kake nɛ dlaa Mawu kɛ adesa a kpɛti. Jamɛ a nɔ ɔ ji Kristo Yesu.

1 Timoteo 3:14

I ngɛ mo ní nɛ ɔmɛ ngmae, se e be kɛe nɛ ma ba o ngɔ.

Hebribi 9:24

Ejakaa Kristo ɔ, pi he klɔuklɔu pe kulaa nɛ a kɛ nine pee, nɛ ji nɔ́ nitsɛ ɔ henɔ kɛkɛ ɔ mi nɛ e ya. Mohu ɔ, hiɔwe nitsɛnitsɛ nɛ e ho; nɛ amlɔ nɛ ɔ, e ngɛ lejɛ ɔ ngɛ Mawu hɛ mi ngɛ wa he.

Yakobo 1:27

Bɔ nɛ nɔ ko ma ja Mawu nɛ maa sa Tsɛ Mawu ɔ nitsɛ hɛ mi ji nɛ ɔ nɛ: awusahi kɛ yalɔyihi nɛ e fi mɛ ɔ, e hyɛ a nɔ. Jehanɛ e hyɛ lɛ nitsɛ e he nɔ saminya, konɛ je mi akɔnɔ yaya ko tɔtɔ e nane.

Yakobo 3:9

Lilɛ waa kɛ naa wa Nyɔmtsɛ, kɛ wa Tsɛ Mawu ɔ si; nɛ lɛ nɔuu waa kɛ gbiɛɔ wa sibi adesa nɛ Mawu bɔ ngɛ e subai nɔ ɔ.

1 Petro 2:22

E pee we yayami ko ɔ, lakpa ko hu ji e nya.

1 Petro 3:18

Ejakaa Kristo gbo kekleekle nɔ́ kɛ nyagbe nɔ́ ngɛ ní yayamihi a he. Lɛ dalɔ ɔ, e gbo ngɛ yayami peeli a nane mi, konɛ e ngɔ wɔ kɛ ba Mawu ngɔ. Benɛ a gbe Kristo ɔ, jamɛ a be ɔ, e hɛɛ nɔmlɔ adesa su. Se amlɔ nɛ ɔ nɛ Mawu ha nɛ e ba wami mi ɔ, mumi ji lɛ.

1 Yohane 3:18

Ye bimɛ nɛ i suɔ! Ke wa ke wa suɔ nɔ ko ɔ, wa ko de kɛ nya kɛkɛ; wa suɔmi ɔ nɛ pee anɔkuale suɔmi nɛ jee kpo ngɛ ní peemi mi.

1 Yohane 3:5

Nyɛ le kaa Kristo ba, konɛ e ba wó wa he yayami ɔmɛ kɛ ho. Nyɛ le hulɔ kaa Kristo ɔ, yayami ko be e he.

1 Yohane 3:7

Ye bimɛ tsɔwi, nyɛ ko ha nɛ nɔ ko nɛ sisi nyɛ! Nɔ tsuaa nɔ nɛ peeɔ nɔ́ nɛ da a, dalɔ ji lɛ kaa bɔ nɛ Kristo hu dalɔ ji lɛ ɔ.

1 Yohane 4:4

Bimɛ tsɔwi, nyɛɛ lɛɛ Mawu níhi ji nyɛ, nɛ nyɛ ye lakpa gbali ɔmɛ a nɔ kunimi. Ejakaa mumi nɛ ngɛ nyɛ mi ɔ, e he wa kulaa pe mumi nɛ ngɛ ni nɛmɛ nɛ a kɛ je ɔ ngɛ bɔe ɔ a mi.

1 Yohane 5:17

Nɔ́ tsuaa nɔ́ nɛ dɛ blɔ ɔ, e ji yayami; se yayami ngɛ nɛ ha we nɛ nɔ hɛ mi kpataa.

1 Yohane 5:21

Ye bimɛ nɛ i suɔ! Nyɛɛ hyɛ nyɛ he nɛ hi ngɛ amagahi a he!

3 Yohane 1:4

Nɔ́ nɛ peeɔ mi bua jɔmi pe kulaa ji kaa ma nu kaa ye bimɛ ɔmɛ ngɛ nyɛɛe ngɛ anɔkuale ɔ nya.