1 Yohane 1:8 - BAIBLO ALOO NGMAMI KLƆUKLƆU Ɔ

⁸ Ke wa de ke yayami ko be wa he ɔ, wɔ nitsɛmɛ wa he wa ngɛ sisie; nɛ Mawu we anɔkuale ɔ be wa mi.

Somi He Ɔ

⁸ Ke wa de ke yayami ko be wa he ɔ, wɔ nitsɛmɛ wa he wa ngɛ sisie, nɛ anɔkuale ɔ be wa mi.

1 Yohane 1:8 ပူးပေါင်းရင်းမြစ်များ

Matsɛmɛ I, 8:46

“Nɔ ko nɔ ko be nɛ pee we yayami. Lɔ ɔ he ɔ, ke e ba mi kaa o ma a pee yayami kɛ si mo, nɛ o mi mi fu mɛ, nɛ o ngɔ mɛ ngɔ wo a he nyɛli a dɛ mi, nɛ a nuu mɛ nyɔguɛ kɛ ho zugba kpa nɔ ya, lejɛ ɔ kɛ jio, e kɛ we jio,

Matsɛmɛ II, 20:15

Yesaya bi lɛ ekohu ke, “Mɛni a ba na ngɛ o we ɔ mi?” Hezekia he nɔ ke, “A ba na ye we ɔ mi nɔ́ tsuaa nɔ́; nɔ́ ko be ye nito he ɔmɛ nɛ i tsɔɔ we mɛ.”

Kronika II, 6:36

“Nɔ ko nɔ ko be nɛ pee we yayami. Lɔ ɔ he ɔ, Yawɛ lee, ke e ba mi kaa o ma a pee yayami kɛ si mo, nɛ o mi mi fu mɛ nɛ o ngɔ mɛ ngɔ wo a he nyɛli a dɛ mi, nɛ he nyɛli ɔmɛ ngɔ mɛ nyɔguɛ kɛ ho a zugba nɔ ya, lejɛ ɔ kɛ jio, e kɛ we jio,

Hiob 14:4

Anɛ nɔmlɔ adesa ko ngɛ nɛ he tsɔ kɛ pi si lo? Dɛbi! Nɔ ko be.

Hiob 15:14

Anɛ nɔmlɔ ko ngɛ nɛ e he tsɔ lo? Nɔmlɔ nɛ yo fɔ lɛ ɔ, anɛ dalɔ ji lɛ ngɛ Mawu hɛ mi lo?

Hiob 25:4

Lɛɛ kɛ a maa pee kɛ bu nɔmlɔ dalɔ ngɛ Mawu hɛ mi kɛɛ? Nɔmlɔ nɛ yo fɔ lɛ ɔ, kɛ e maa pee kɛɛ nɛ e he ma tsɔ?

La 143:2

O kɛ imi, o tsɔlɔ ɔ kó ye sane; ejakaa nɔmlɔ adesa ko adesa ko be nguɔ yee ngɛ o hɛ mi.

Abɛ Womi 20:9

Mɛnɔ ma nyɛ ma de anɔkuale mi ke, “Ye tsui mi tsɔ, nɛ yayami ko pa be ye he hu”?

Fiɛlɔ 7:20

Niinɛ, dalɔ ko dalɔ ko be zugba nɛ ɔ nɔ. Nɔ ko nɔ ko be nɛ peeɔ kpakpa daa nɛ ɔ, nɛ lɛɛ e pee we yayami gblegbleegble.

Yesaya 53:6

Wɔ tsuo wa ngɛ kaa tohi nɛ laa blɔ; nɔ tsuaa nɔ ngɔ lɛ nitsɛ e blɔ. Se tue gblami nɛ sa wɔ tsuo ɔ, Yawɛ ngɔ kɛ ha lɛ.

Yesaya 64:6

Wɔ tsuo wa pee yayami, nɛ wa plɛ pee nihi nɛ a he tsɔ we. Kpakpa nɛ wa peeɔ ɔ po ngɛ kaa tade sɛmusɛmu ngɛ o hɛ mi. Wa yayami ɔmɛ ha wɔ tsuo wa pee kaa ba gbigbli nɛ kɔɔhiɔ muɔ kɛ yaa.

Yeremia 2:35

nyɛ deɔ ke, ‘Oo, i tsa pee we yayami ko kɛ wui Mawu mi mi la; e mi mi tsa fu we mi pohu.’ Se imi Yawɛ, ma gbla nyɛ tue kɛ̃, ejakaa nyɛ ye lakpa ke nyɛ pee we yayami ko.

Mose III, 13:12

Ke osɔfo ɔ na kaa hiɔ ɔ je kpo ngɛ e he womi nɔ, nɛ e ha hiɔtsɛ ɔ he womi nɔ kulaa kɛ je e yi je kɛ ya pue e nanewɛɛ ɔ,

Yohane 8:44

Nyɛ tsɛ nɛ fɔ nyɛ ji Abosiami; nɛ nyɛ suɔ kaa nyɛ maa pee e suɔmi nya ní. Kɛ je sisije ɔ, nɔ gbelɔ ji lɛ, nɛ e kɛ anɔkuale yi gblegbleegble, ejakaa anɔkuale be e mi. Ke e ye lakpa a, e tsɔɔ bɔ nɛ e su ngɛ, ejakaa lakpatsɛ kpanaku ji lɛ.

Romabi 3:10

Kaa bɔ nɛ ngmami ɔ deɔ ɔ, “Nɔ ko nɔ ko be nɛ da; nɔ kake ngmelu po be.

Romabi 3:23

Ejakaa nihi tsuo pee yayami, nɛ Mawu hɛ mi nyami ɔ bɔ mɛ.

1 Korintobi 3:18

Nyɛ ti nɔ ko nɔ ko kó sisi e he. Ke nyɛ ti nɔ ko susuu kaa lɛɛ e le ní pe nɔ tsuaa nɔ ɔ, é pee e he kuasia. Kɛkɛ ɔ, e maa pee ní lelɔ nitsɛnitsɛ.

Galatabi 6:3

Ke e peeɔ nɔ ko kaa nɔ ko ji lɛ, se pohu pi nɔ ko kulaa ji lɛ ɔ, lɛ nitsɛ e he nɛ e ngɛ sisie.

1 Timoteo 6:5

nɛ a sãã nya be tsuaa be. A juɛmi be tutuutu, nɛ a li nɔ nɛ ji anɔkuale hu. E peeɔ mɛ kaa Mawu jami ji blɔ ko nɛ a guu nɔ kɛ naa ní kpɔtɔɔ.

2 Timoteo 3:13

Nimli yayamihi, kɛ nɔ sisili maa ya nɔ maa pee yayami kɛ be nɔ; a maa sisi nihi hluu kɛ yaa si a maa sisi mɛ nitsɛmɛ a he.

Yakobo 1:22

Nyɛ ko sisi nyɛ he kaa nyɛ maa bu munyu ɔ tue kɛkɛ; mohu nyɛɛ pee munyu ɔ nɔ yeli.

Yakobo 1:26

Anɛ nyɛ ti nɔ ko susuu kaa e ngɛ Mawu jae bɔ nɛ sa lo? Jamɛ a nɔ ɔ, e kɔ e lilɛ mi. Ke e kɔɛ e lilɛ mi ɔ, tsa pi Mawu nɛ e ngɛ jae, se lɛ nitsɛ e he kɛkɛ nɛ e ngɛ sisie.

Yakobo 3:2

Wɔ tsuo wa pɔɔ tɔmi peemi babauu. Se ke nɔ ko tɔ we ngɛ munyu tumi mi ɔ, lɛɛ nɔmlɔ nɛ hi kɛ pi si ji lɛ, nɛ e ma nyɛ maa ye e nɔmlɔ tso ɔ tsuo nɔ hulɔ.

2 Petro 2:13

nɛ ní yayamihi nɛ a pee ɔ, a maa na nɔ́ kɛ to nya. Piani ke a ngɛ yakayaka fiɛmihi fiɛe kikɛ nɛ ɔ, kɛkɛ a bua jɔ; zotsɛmɛ kɛ ahluatsɛmɛ ji mɛ. Benɛ a futu nyɛ kɛ ngɛ ní yee ɔ, jamɛ a be ɔ tsuo a ngɛ a yakayaka nyɛɛmi ɔmɛ nyɛɛe.

1 Yohane 1:10

Ke wa ke wa pee we yayami ɔ, lɛɛ wa ngɛ tsɔɔe kaa Mawu mohu ji lakpatsɛ; nɛ Mawu we anɔkuale ɔ be wa mi.

1 Yohane 1:6

Lɔ ɔ he ɔ, ke wa de ke waa kɛ lɛ ngɛ huɛ bɔe, se kɛ̃ wa ngɛ diblii ɔ mi ɔ, wa ngɛ lakpa yee; munyu nɛ jeɔ wa nya, kɛ wa ní peemi tsuo anɔkuale be mi.

1 Yohane 2:4

Ke nɔ ko ke e le Mawu, se e yi e mlaa amɛ a nɔ ɔ, lakpatsɛ ji lɛ; e tu we anɔkuale.

1 Yohane 4:20

Ke nɔ ko ke e suɔ Mawu, se e nyɛɛ e nyɛmi ɔ, lakpatsɛ ji lɛ. Ejakaa nɔ nɛ sume e nyɛmi nɛ e naa kɛ hɛngmɛ ɔ, kɛ e maa pee kɛɛ nɛ e maa suɔ Mawu nɛ e nɛ ɔ.

2 Yohane 1:2

Ejakaa anɔkuale ɔ ngɛ wa mi, nɛ anɔkuale ɔ kɛ wɔ maa hi si kɛ maa ya neneene.

3 Yohane 1:3

I na bua jɔmi babauu benɛ nyɛmimɛ ɔmɛ ekomɛ ba hiɛmɛ nɛ ɔ ba bɔ mi amaniɛ ngɛ o he ɔ. A tsɔɔ kaa o ngɔ o he ngɔ ha Mawu kulaa kaa bɔ nɛ o ngɛ anɔkuale mi ɔ.