1 Yohane 1:4 - BAIBLO ALOO NGMAMI KLƆUKLƆU Ɔ

⁴ Wa ngɛ nyɛ enɛ ɔ ngmae, konɛ wa bua nɛ jɔ kɛ pi si.

Somi He Ɔ

⁴ Wa ngɛ nyɛ ni nɛ ɔmɛ ngmae konɛ nyɛ bua jɔmi ɔ nɛ hi kɛ pi si.

1 Yohane 1:4 ပူးပေါင်းရင်းမြစ်များ

Yesaya 61:10

Yerusalem ngɛ nyae ngɛ nɔ́ nɛ Yawɛ Mawu pee ha lɛ ɔ he. Yerusalem pee kaa ayɛflo nɛ wo june, loo ayɛflo huno nɛ ngɔ mɔmɔ kɛ dla e he kɛ yaa yo kpeemi. Niinɛ, Mawu he Yerusalem yi wami, nɛ e ye kunimi ha lɛ.

Yohane 15:11

“I de nyɛ ní nɛ ɔmɛ tsuo, konɛ kaa bɔ nɛ bua jɔmi ngɛ ye mi ɔ, nyɛ hu nyɛ na bua jɔmi babauu.

Yohane 16:24

Kɛ ba si piɔ ɔ, nyɛ bi we nɔ́ ko hyɛ ngɛ ye biɛ mi. Nyɛ bi, nɛ a maa pee ha nyɛ; kɛkɛ ɔ, nyɛ ma na bua jɔmi babauu.

Yohane 3:29

Ayɛflo huno ɔ, e nɔ ji ayɛflo ɔ. Se kɛ̃ ɔ, ayɛflo huno ɔ huɛ nɛ daa si ngɛ e kasa nya a, ke e nu ayɛflo huno ɔ gbi kɛkɛ e bua jɔ. Enɛ ɔ nɛ haa imi hu i naa bua jɔmi babauu.

2 Korintobi 1:24

Wa sume kaa wa maa nyɛ nyɛ nɔ nɛ waa tsɔɔ nɔ́ nɛ sa nɛ nyɛ he ye; wa le kaa nyɛ hɛɛ hemi kɛ yemi ɔ mi wawɛɛ. Mohu ɔ, waa kɛ nyɛ ngɛ ní tsue, konɛ nyɛ na bua jɔmi.

Efesobi 3:19

Ee, nyɛ ma ba yɔse Kristo suɔmi nɛ nɔmlɔ adesa juɛmi sui he ɔ, nɛ nyɛ su maa hi kaa Mawu nitsɛ su.

1 Yohane 2:1

Ye bimɛ tsɔwi, i ngɛ nyɛ womi nɛ ɔ ngmae, konɛ nyɛ ko pee yayami. Se ke nɔ ko pee yayami pohu ɔ, wa ngɛ nɔ nɛ daa mi kɛ haa wɔ ngɛ Tsɛ ɔ ngɔ. Lɛ ji Yesu Kristo, nɔ nɛ peeɔ nɔ́ nɛ da a.

2 Yohane 1:12

I ngɛ níhi fuu nɛ ma ngma nyɛ mohu, se i sume kaa i kɛ ningma nyu ngmaa ngɔ fɔ womi hɛ mi. Mohu ɔ, i ngɛ blɔ hyɛe kaa ma ba slaa nyɛ. Ke i ba a, i kɛ nyɛ maa sɛɛ ní hɛ mi kɛ hɛ mi, nɛ wa ma na bua jɔmi babauu.