1 Yohane 1:3 - BAIBLO ALOO NGMAMI KLƆUKLƆU Ɔ

³ Nɔ́ nɛ wa na, kɛ nɔ́ nɛ wa nu ɔ, lɔ ɔ wa ngɛ fiɛe kɛ ngɛ nyɛ hae. Wa ngɛ enɛ ɔ pee, konɛ nyɛ ba piɛ wa he, nɛ waa kɛ Tsɛ ɔ, kɛ e Bi Yesu Kristo ɔ nɛ bɔ huɛ.

Somi He Ɔ

³ Nɔ́ nɛ wa na nɛ wa nu ɔ, lɔ ɔ wa jajeɔ ngɔ tsɔɔ nyɛ, konɛ nyɛ hu nyɛɛ kɛ wɔ nɛ bɔ huɛ. Se oʼɛ, wa huɛ bɔmi ɔ, Tsɛ ɔ ke e Bi Yesu Kristo ɔ waa kɛ bɔɔ.

1 Yohane 1:3 ပူးပေါင်းရင်းမြစ်များ

Hiob 13:1

Ní nɛ ɔmɛ tsuo nɛ nyɛ ngɛ dee ɔ, i na, nɛ i nu hyɛ; i nu lɛ tsuo sisi. Nɔ́ tsuaa nɔ́ nɛ nyɛ le ɔ, imi hu i le; nyɛ pi mi.

La 2:7

Matsɛ ɔ ke, “Nɔ́ nɛ Yawɛ de mi ɔ, ma sɛɛ nɛ nyɛɛ nu. Yawɛ de mi ke, ‘Ye bi ji mo; mwɔnɛ ɔ, i fɔ mo.

La 22:22

Ma wo o biɛ ta ngɛ ye nyɛmimɛ ɔmɛ a hɛ mi. Nɛ ma je o yi ngɛ a he nya buami he ɔ.

Yesaya 66:19

Jamɛ a be ɔ loko a maa le kaa imi lɛ i ngɛ a tue gblae. “Se ma he a ti ni komɛ a yi wami, nɛ ma tsɔ mɛ kɛ maa ya je ma amɛ a ngɔ, kɛ zugbahi a nɔ ngɛ tsitsaa lokoo, he nɛ a nui ye we agbo jemi, kɛ ye he wami kpetekpleenyɛ ɔ he ngɛ lolo. Ma tsɔ mɛ Spania, Libia, Lidia he nɛ kɛ̃ɛ̃ tsɛ̃li kpakpahi ngɛ ɔ, Tubal, kɛ Hela. A ma ya fiɛ ngɛ je ma nɛ ɔmɛ a mi ke Mawu kpetekpleenyɛ ji mi.

Mose IV, 10:32

Ke o kɛ wɔ ya a, nɔ́ kpakpa tsuaa nɔ́ kpakpa nɛ Yawɛ kɛ maa gbaa wɔ ɔ, waa kɛ mo maa dla.”

Yohane 17:11

Amlɔ nɛ ɔ, i be je ɔ mi hu. Mɛɛ a ngɛ je ɔ mi, se imi lɛɛ i ma o ngɔ. Tsaatsɛ klɔuklɔu! Bu a he kɛ mo nitsɛ o he wami nɛ o ngɔ ha mi ɔ, konɛ a pee kake kaa bɔ nɛ i kɛ mo wa ngɛ ɔ.

Yohane 17:21

I ngɛ pɛɛ kpae nɛ mɛ tsuo a pee kake. Tsaatsɛ! Bɔ nɛ o ngɛ ye mi, nɛ i ngɛ o mi ɔ, mɛ hu a hi wa mi jã nɔuu. Pee mɛ kake, konɛ je ɔ nɛ he ye kaa mo nɛ o tsɔ mi.

Yohane 17:25

Tsaatsɛ nɛ peeɔ nɔ́ nɛ da! Je ɔ li mo, se imi lɛɛ i le mo; nɛ ye nyɛmimɛ nɛ ɔmɛ le kaa mo nɛ o tsɔ mi.

Yohane 17:3

Ke a na le kaa mo ji anɔkuale Mawu ɔ, nɛ a le Yesu Kristo, nɔ nɛ o tsɔ ɔ, a ma na neneene wami.

Yohane 19:35

Nɔ nɛ na nɔ́ nɛ ɔ lɛ ye odase nɛ ɔ, konɛ nyɛ hu nyɛ he ye; ejakaa lɛ nitsɛ e le kaa anɔkuale nɛ e tu.

Ni Tsumi 13:32

Wɔɔ lɛɛ wa hiɛ ɔ bami ɔ, sane kpakpa a wa ngɔ kɛ ma nyɛ hami. Si ko nɛ Mawu wo wa nɛmɛ ɔmɛ ɔ, e ye nɔ kɛ ha wɔ, a nina a. E tle Yesu si kɛ ba wami mi ekohu kaa bɔ nɛ a ngma ngɛ La enyɔne ɔ mi ke, ‘Ye Bi ji mo; mwɔnɛ ɔ, i fɔ mo ɔ.’

Ni Tsumi 13:41

‘Nyɛ Mawu munyu he guɛ gbeli, nyɛɛ bu tue. Nyɛ ha nɛ e pee nyɛ nyakpɛ, nɛ nyɛ hɛ mi nɛ kpata! Ejakaa nɔ́ nɛ i ngɛ pee ngɛ nyɛ yi nɔ nɛ ɔ, ke nɔ ko tsɔɔ nyɛ sisi po nyɛ be hee maa ye kɔkɔɔkɔ.’ ”

Ni Tsumi 2:42

Nimli nɛ ɔmɛ kaseɔ ní be tsuaa be ngɛ bɔfo ɔmɛ a ngɔ; a kɛ mɛ peeɔ kake kɛ yeɔ ní, nɛ a kɛ peeɔ sɔlemi hulɔ.

Ni Tsumi 20:27

Ejakaa i jaje Mawu yi mi tomi ɔ tsuo pɛpɛɛpɛ ngɔ tsɔɔ nyɛ nɛ i laa we nyɛ ba.

Ni Tsumi 4:20

Ejakaa wɔɔ lɛɛ, níhi nɛ wa na, kɛ níhi nɛ wa nu ɔ, wa be nyɛe ma ma wa nya ngɔ to nɔ kaa ja wa de.”

Romabi 15:27

Mɛ nitsɛmɛ lɛ a to kaa a maa pee enɛ ɔ lɛɛ, se anɔkuale mi ɔ, a blɔ nya ní tsumi ji kaa a ye bua mɛ. Mumi mi nike ní nɛ Mawu ha Yuda bi ɔmɛ ɔ, a kɛ ma je li ɔmɛ nɛ dla; enɛ ɔ he ɔ, e sa kaa ma je li ɔmɛ hu, he lo mi ní kpakpahi nɛ Mawu ke mɛ ɔ, a kɛ eko nɛ sɔmɔ Yuda bi ɔmɛ.

1 Korintobi 1:30

Se Mawu ngɔ nyɛ kɛ ba, konɛ nyɛɛ kɛ Kristo Yesu ba bɔ. E ha nɛ Kristo ba pee wa nile. Kɛ gu Kristo nɔ ɔ, Mawu pee wɔ nihi nɛ da. Wa ba plɛ pee e ma klɔuklɔu, nɛ a he wa yi wami.

1 Korintobi 1:9

Mawu, nɔ nɛ kpee nyɛ ke nyɛɛ kɛ e Bi Yesu Kristo, wa Nyɔmtsɛ ɔ ba bɔ huɛ ɔ, anɔkualetsɛ ji lɛ.

1 Korintobi 15:1

Ye nyɛmimɛ, jehanɛ lɛɛ i suɔ kaa ma kai nyɛ sane kpakpa a nɛ i fiɛ ngɔ tsɔɔ nyɛ, nɛ nyɛ pɛtɛ he, nɛ lɔ ɔ nɔ nyɛ hemi kɛ yemi daa si ngɛ ɔ.

Efesobi 3:6

Laami sane ɔ ji kaa sane kpakpa a he ɔ, gbaami nɛ Mawu gbaa Yuda bi ɔmɛ ɔ, ma je li ɔmɛ hu ba na eko. Mɛ tsuo a ba pee kaa nɔmlɔ tso kake ɔ he níhi; nɛ si nɛ Mawu wo kɛ gu Kristo Yesu nɔ ɔ, a ná mɛ hu a blɔ nya nɔ.

Filipibi 1:7

I suɔ nyɛ saminya, nɛ e sa kaa ma susu nyɛ he wawɛɛ kikɛ nɛ ɔ. Ejakaa Mawu dloomi ɔ nɛ i kɛ ngɛ sane kpakpa a fiɛe kɛ hɛdɔ, kɛ je sisije nɛ i ngɛ ye nane nɔ kɛ bee, kɛ ba si amlɔ nɛ ɔ nɛ a wo mi tsu ɔ, i kɛ nyɛ tsuo nɛ wa ná kikɛmɛ a dloomi ɔ, nɛ wa ngɛ he ní tsue.

Filipibi 2:1

Nɛ nyɛ ngɔ nyɛ he ngɔ ha Kristo ɔ, e woɔ nyɛ he wami, nɛ e suɔmi ɔ haa nyɛ bua jɔmi. Nyɛɛ kɛ mumi ɔ ngɛ bɔe, nɛ lɔ ɔ he ɔ, nyɛ nuɔ nɔ́ he ha nyɛ sibi, nɛ nyɛ naa mɛ mɔbɔ.

Filipibi 3:10

Nɔ́ nɛ i ngɛ hlae kɛkɛ ji kaa ma le Kristo, nɛ he wami kpetekpleenyɛ nɛ ha e ba wami mi ekohu ɔ, ma na nya. Ma na nɔ́ kaa bɔ nɛ e na nɔ́ ɔ, nɛ ma gbo kaa bɔ nɛ e gbo ɔ.

Kolosebi 1:13

E kpɔ wɔ kɛ je diblii he wami ɔ sisi, nɛ e kɛ wɔ ba e Bi nɛ e suɔ lɛ saminya a matsɛ yemi ɔ mi.

1 Tesalonikabi 1:10

Mawu Bi Yesu ɔ nɛ Mawu tle lɛ si kɛ je gbeje ɔ, a tsɔɔ kaa nyɛ ngɛ lɛ blɔ hyɛe kaa e maa je hiɔwe kɛ ba ekohu. Lɛ ji nɔ nɛ ma je wɔ kɛ je tue gblami nɛ ma a mi.

1 Timoteo 6:2

Nyɔguɛhi nɛ le Kristo, nɛ a nyɔmtsɛmɛ ɔmɛ hu le Kristo ɔ, a ko susu kaa akɛnɛ mɛ tsuo Kristo we bi ji mɛ he je ɔ, e hia we kaa a buɔ a nyɔmtsɛmɛ ɔmɛ tue. Mɛ mohu nɛ e sa kaa a bu a nyɔmtsɛmɛ ɔmɛ, nɛ a sɔmɔ mɛ saminya; ejakaa a nyɔmtsɛmɛ ɔmɛ nɛ naa a he se ɔ, mɛ hu wa nyɛmimɛ Kristo we bi ji mɛ. Tsɔɔ mɛ ní nɛ ɔmɛ, nɛ a tsu he ní bɔ nɛ sa.

Hebribi 2:12

E deɔ Mawu ke, “Ma wo o biɛ ta ha ye nyɛmimɛ ɔmɛ, nɛ i kɛ asafo ɔ ma la kɛ je o yi.”

Hebribi 3:1

Ye nyɛmimɛ, nyɛ nihi nɛ nyɛ he tsɔ, nɛ Mawu tsɛ waa kɛ nyɛ tsuo, nyɛɛ hyɛ Yesu, hemi kɛ yemi nɛ wa jajeɔ ɔ he bɔfo, kɛ osɔfo nɔkɔtɔma pe kulaa a.

Hebribi 3:14

Ejakaa wa hɛ nɛ wa kɛ fɔ Kristo nɔ kɛ je sisije ɔ, ke wa hɛɛ mi kpɛii hluu kɛ ya si nyagbe ɔ, lɛɛ wa peeɔ nihi nɛ a kɛ Kristo pee kake.

1 Petro 5:1

I ngɛ munyu tue kɛ ngɛ asafo mi nikɔtɔmahi nɛ ngɛ nyɛ kpɛti ɔ tsɔɔe kɛ je ye tsui mi tɔɔ kaa nyɛ nyɛmi asafo mi nɔkɔtɔma. Amanehlu nɛ Kristo na a, i yeɔ he odase, nɛ Kristo hɛ mi nyami nɛ Mawu ma je tsɔɔ nihi ɔ, imi hu ma na. I ngɛ pɛɛ kpae kaa

2 Petro 1:16

Nɛ wa fiɛ tsɔɔ nyɛ ke wa Nyɔmtsɛ Yesu Kristo maa ba ekohu kɛ he wami kpetekpleenyɛ ɔ, pi sanehi nɛ a po de nɔ nɛ wa da. Se wa na e he wami kpetekpleenyɛ ɔ kɛ wɔ nitsɛmɛ wa hɛngmɛ.

1 Yohane 1:1

Wa ngɛ nyɛ munyu nɛ haa nɔ wami ɔ ngmae. Munyu ɔ ngɛ kɛ je sisije. Wa nu, nɛ wa na kɛ wɔ nitsɛmɛ wa hɛngmɛ; ee, wa na lɛ, nɛ wa nine ta he.

1 Yohane 1:5

Jehanɛ, sɛ gbi nɛ wa nu kɛ je e Bi ɔ nya, nɛ wɔ hu wa ngɛ fiɛe ɔ ji kaa Mawu su ngɛ kaa la, nɛ diblii ko kulaa be e mi.

1 Yohane 1:7

Se ke wa ba wa je mi saminya ngɛ Mawu hɛ mi kaa bɔ nɛ lɛ Mawu ɔ e su ngɛ ɔ, lɔ ɔ lɛɛ waa kɛ wa sibi ngɛ huɛ bɔe. Kɛkɛ ɔ, e Bi Yesu Kristo muɔ ɔ maa tsukɔ wa he, nɛ e ma je wa he yayami ɔmɛ tsuo.