1 Timoteo 6:9 - BAIBLO ALOO NGMAMI KLƆUKLƆU Ɔ

⁹ Nihi nɛ hlaa kaa a na ní ɔ, a sɛɛ ka mi. A ya dii kuasia níhi, kɛ akɔnɔ yayami se. Enɛ ɔ haa nɛ a hemi kɛ yemi taa, nɛ a hɛ mi kpataa.

Somi He Ɔ

⁹ Nihi nɛ hlaa nɛ a na ni fuu ɔ, nɔɔ ka kɛ klama kɛ kuasiahi akɔnɔhi fuu nɛ puɛɔ nɔ nɛ tsɛɛ nihi ngɔ woɔ hɛ mi kpatami kɛ laami mi ɔ mi.

1 Timoteo 6:9 ပူးပေါင်းရင်းမြစ်များ

Abɛ Womi 15:27

Nɔ nɛ peeɔ jiklɔɔ konɛ e na se yaka a, haomi mohu nya e ngɛ buae ha e weku li. Nɔ nɛ he we nyɔ mi ní ɔ, e se kɛɔ ngɛ je mi.

1 Timoteo 3:7

Asafo nɔ hyɛlɔ ɔ, é ba e je mi saminya, konɛ ni nɛmɛ nɛ ja we Mawu tete po nɛ a hɛɛ e biɛ kpakpa mi. Ke pi ja a, e ma pue e hɛ mi si, kɛkɛ e sɛ Abosiami klama mi.

Ni Tsumi 8:20

Se Petro de lɛ ke, “O kɛ o sika a tsuo hɛ mi nɛ kpata, ejakaa o susuu kaa Mawu nɔke nɔ́ ɔ, sika a kɛ heɔ!

Mateo 13:22

Wu nɛ ya pue mio mi ɔ daa si ha nihi nɛ nuɔ sɛ gbi ɔ, se je nɛ ɔ mi he nya gbami, kɛ sika suɔmi gbee sɛ gbi ɔ, nɛ e wui yiblii.

Yuda 1:11

Musu tloo mɛ pɛ! A ya ngɔ Kain blɔ ɔ. Yayami nɛ Balaam pee ɔ, a ngɔ a he ya wo jamɛ a yayami ɔ mi ngɛ se nami he. A tsɔ atuã kaa bɔ nɛ Kora tsɔ atuã a, nɛ a hɛ mi kpata kaa lɛ.

2 Petro 2:3

Kikɛmɛ a lakpa tsɔɔli nɛ ɔmɛ maa tu nyɛ munyuhi nɛ a po de, konɛ a kɛ sisi nyɛ nɛ a ná nyɛ he se. Se Mawu bu mɛ fɔ momo be saii ji nɛ, nɛ a hɛ mi kpatami be ɔ hu su ta.

Efesobi 4:22

Lɔ ɔ he ɔ, bɔ nɛ nyɛ ba nyɛ je mi saa ngɛ nɔmlɔ su momo ɔ nya, nɛ nyɛ ya nyɛɛ akɔnɔ yayahi nɛ puɛɔ nɔ a se ɔ, nyɛ kpa!

Marko 4:19

se je nɛ ɔ mi he nya gbami, ní nami he suɔmi, kɛ ní kpahi a he akɔnɔ sɛɛ a mi, nɛ a gbee munyu ɔ ngɛ a mi, nɛ a wui yiblii.

Mateo 26:15

nɛ e ya de mɛ ke, “Ke i je Yesu ngɔ wo nyɛ dɛ mi ɔ, mɛni nyɛ ma ha mi?” A kane sika hiɔ yi nyingmi etɛ ngɔ ha lɛ,

Mateo 19:22

Benɛ niheyo ɔ nu nɔ́ nɛ ɔ, e kɛ aywilɛho je lejɛ ɔ; ejakaa e ngɛ ní babauu.

Abɛ Womi 22:16

Nɔ nɛ waa ohiatsɛmɛ yi mi nɛ e kɛ naa ní, aloo nɔ nɛ keɔ niatsɛmɛ ní ɔ, nyagbe ɔ, lɛ nitsɛ e ma ba ye ohia.

Abɛ Womi 21:6

Ní nɛ o gu sisimi blɔ nɔ kɛ na a, e se kɛ we kulaa; kaa bɔ nɛ la muɔ se poɔ be kuku kɛkɛ ɔ, gbenɔ lɛ nyɛɛɔ se.

Abɛ Womi 20:21

Gbosi ní nɛ o he sɔ kɛ na a, nyagbe ɔ, e pee we gbaami.

2 Timoteo 2:26

Kɛkɛ ɔ, a maa hɛli a he si, nɛ klama nɛ Abosiami tsɔ ha mɛ kaa a pee e suɔmi nya ní, nɛ a ya nɔ mi ɔ, a ya be mi nɔe.

1 Timoteo 1:9

E sa kaa wa kai kaa mlaa he hia we nimli kpakpahi. Ni nɛmɛ nɛ a woɔ mlaa ha ji mlaa tɔli, awi yeli, nihi nɛ li Mawu, yayami peeli, nihi nɛ Mawu mumi be a mi, nihi nɛ gbee mɛ nitsɛmɛ a tsɛmɛ kɛ a nyɛmɛ, kɛ muɔ si pueli kpahi.

Luka 21:35

kaa klama; ejakaa e maa ba nihi tsuo a nɔ ngɛ je nɛ ɔ mi he tsuaa he.

Zakaria 11:5

Totsɛmɛ ɔmɛ juaa to ɔmɛ, nɛ a deɔ ke, ‘Wa ná ní. Nyɛ ha wa je Yawɛ yi.’ Nihi nɛ heɔ to ɔmɛ ɔ, ya gbee mɛ nɛ nɔ ko gbla we a tue. To hyɛli ɔmɛ nitsɛmɛ lɛɛ, to ɔmɛ a he mɔbɔ ko kulaa pee we mɛ.”

Yesaya 5:8

Musu tloo nyɛ! Wehi babauu, kɛ zugbahi nyɛ ngɛ hee kɛ ngɛ ní nɛmɛ nɛ nyɛ ngɛ momo ɔ a he piɛe. E be kɛe kulaa nɛ nɔ kpa ko be he ko nae maa hi hu, nɛ e maa piɛ nyɛ pɛ ngɛ zugba a nɔ.

Abɛ Womi 23:4

Ko gbo dengme ke doo ja o na ní. Ka kaa kikɛ nɛ ɔ, o hɛ mi nɛ ka si, nɛ o ye nɔ.

La 11:6

Yawɛ ma ha la nɛ ngɛ tsoe gegeege maa je hiɔwe ba pue yayami peeli a nɔ; nɛ kɔɔhiɔ nɛ mi dɔ la maa fia kɛ wo mɛ.

Yoshua 7:11

Israel pee yayami! A yi somi nɛ i kɛ mɛ so ɔ nɔ; a ngɔ ní ɔmɛ nɛ i ke a kpata a hɛ mi ɔ ekomɛ kɛ piɛ mɛ nitsɛmɛ a níhi a he; a ju, nɛ a to lakpa.

Mose V, 7:25

Nyɛɛ sã a we amaga amɛ. Nyɛ hɛ ko kɔ̃ a sika hiɔ, loo sika tsu nɔ; nyɛ ko ngɔ ekoeko. Ke nyɛ ngɔ eko ɔ, e maa pee gbenɔ ha nyɛ; ejakaa Yawɛ, nyɛ Mawu ɔ sume amaga jami.

Mose IV, 31:8

kɛ Midian matsɛmɛ enuɔ ɔmɛ. Mɛ ji Evi, Rekem, Zur, Hur, kɛ Reba. A gbe Beor binyumu Balaam ɔ hulɔ.

Mateo 6:19

“Nyɛ ko to juetli ha nyɛ he ngɛ je ɔ mi he nɛ wɔyewɔye, kɛ kana puɛɔ ní, nɛ juli juɔ ngɛ ɔ.

Luka 12:21

Yesu de kɛ gbe nya ke, “Nɔ nɛ buaa níhi a nya kɛ haa e he, se e pi niatsɛ ngɛ Mawu níhi a mi ɔ, nɔ́ nɛ baa e nɔ ji nɛ ɔ nɛ.”

1 Timoteo 6:10

Ejakaa sika suɔmi ji yayamihi tsuo a sipoku. Ni komɛ kɛ hɛdɔ ya di sika se, nɛ a ngmɛɛ a hemi kɛ yemi ɔ he. Nɔ́ nɛ je mi kɛ ba kɛkɛ ji tsui yemi babauu.

1 Timoteo 6:17

Niatsɛmɛ nɛ ngɛ nyɛ kpɛti ɔ, nyɛɛ a nɔ nɛ a ko wo a he nɔ. Á ko ngɔ a hɛ ngɔ fɔ ní nɛ a na a nɔ, ejakaa ní nami se maa po. Á ngɔ a hɛ ngɔ fɔ Mawu mohu nɔ. Lɛ nɛ e haa wɔ ní kpakpahi babauu nɛ wa yeɔ faa.

Tito 2:12

Dloomi nɛ ɔ bɔɔ wɔ kɔkɔ kaa wa kpa yayami peemi, nɛ wa ko di je nɛ ɔ mi akɔnɔ níhi a se. E tsɔɔ wɔ kaa waa hyɛ wa he nɔ saminya; waa pee nɔ́ nɛ da, nɛ waa ye Mawu gbeye,

Matsɛmɛ I, 21:6

Ahab he nɔ ke, “Munyu nɛ Yezreel no, Nabot kɛ mi tu ɔ he je. I de lɛ ke e ngɔ e wai ngmɔ ɔ ngɔ ha mi nɛ ma wo lɛ hiɔ, aloo ke e suɔ ɔ, ma ngɔ wai ngmɔ kpa ngɔ tsake ha lɛ; se e de mi ke e kɛ e wai ngmɔ ɔ be mi hae.”