1 Timoteo 6:18 - BAIBLO ALOO NGMAMI KLƆUKLƆU Ɔ

¹⁸ A ko pee kpɛle, se a bɔle nine ha nɔ tsuaa nɔ.

Somi He Ɔ

¹⁸ A pee kpakpa, nɛ a plɛ niatsɛmɛ ngɛ kpakpa peemi blɔfami, a suɔ nɔ hami, a ko pee kpɛle,

1 Timoteo 6:18 ပူးပေါင်းရင်းမြစ်များ

Hebribi 13:16

Nyɛ hɛ ko je kpakpa peemi nɔ; nɛ nyɛɛ kɛ nyɛ sibi nɛ dla níhi nɛ nyɛ ngɛ ɔ. Ejakaa jamɛ a bɔ ɔmɛ saa Mawu hɛ mi saminya.

1 Yohane 3:17

Ke nɔ ko ngɛ je nɛ ɔ mi ní, nɛ e na e nyɛmi nɛ e fi lɛ, se e mi mi sãã we lɛ ngɛ e nyɛmi ɔ he nɛ e ye bua lɛ ɔ, anɛ e ma nyɛ de ke e suɔ Mawu lo?

Romabi 12:8

Ke wa nɔ́ ji kaa waa tu munyu kɛ wo nyɛmimɛ he wami ɔ, waa wo mɛ he wami. Nɔ nɛ maa ke ní ɔ, e pee kɛ bua jɔmi. Hɛ mi nyɛɛlɔ ɔ, e tsu ní ɔ wawɛɛ; nɛ nɔ nɛ naa mɔbɔ ɔ, e pee kɛ bua jɔmi.

La 37:3

Ngɔɔ o hɛ ngɔ fɔ Yawɛ nɔ nɛ o pee kpakpa, konɛ o hi zugba a nɔ ngɛ he jɔmi mi.

Tito 3:8

Anɔkuale munyu sisiisi ji nɛ ɔ nɛ. I suɔ kaa o di ní nɛ ɔmɛ a se wawɛɛ, konɛ nihi nɛ ba he Mawu ye ɔ nɛ a ngɔ a be kɛ tsu ní kpakpahi. Enɛ ɔmɛ ji níhi nɛ hi, nɛ a he ngɛ se nami ha nihi tsuo.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Luka 12:21

Yesu de kɛ gbe nya ke, “Nɔ nɛ buaa níhi a nya kɛ haa e he, se e pi niatsɛ ngɛ Mawu níhi a mi ɔ, nɔ́ nɛ baa e nɔ ji nɛ ɔ nɛ.”

Galatabi 6:10

Lɛɛ ke e maa hi ɔ, waa pee nihi tsuo kpakpa daa, titli ɔ, nihi nɛ waa kɛ mɛ hɛɛ hemi kɛ yemi kake ɔ.

Romabi 12:13

Ni klɔuklɔu ɔmɛ nɛ e fi mɛ ɔ, nyɛɛ ye bua mɛ; nɛ nyɛɛ bɔ nibwɔ peemi he mɔde.

1 Timoteo 5:10

É pee yo nɛ he biɛ kaa e peeɔ kpakpa, yo nɛ nyɛ tsɔse bimɛ saminya, yo nɛ nyɛ hyɛ nibwɔhi nɛ ba to lɛ, yo nɛ sɔmɔ ni klɔuklɔu ɔmɛ kɛ he si bami, yo nɛ je nihi kɛ je haomi mi, nɛ ngɔ e be tsuo kɛ tsu ní kpakpahi.

2 Korintobi 8:9

Nyɛ le suɔmi agbo nɛ wa Nyɔmtsɛ Yesu Kristo ngɛ kɛ ha wɔ. Niatsɛ mi niatsɛ ji lɛ. Se nyɛ he ɔ, e pee e he ohiatsɛ, konɛ nyɛɛ lɛɛ nyɛɛ pee niatsɛmɛ.

2 Korintobi 8:12

Ke o ha bɔ nɛ o ma nyɛ kɛ o tsui faa a, Mawu ma ná o nike ní ɔ he bua jɔmi. Mawu hyɛ we blɔ kaa o ha nɔ́ ko be mi nɛ nɔ́ ko be o dɛ.

1 Korintobi 16:2

Daa otsi mi kekleekle ligbi ɔ, sika nɛ nyɛ ti nɔ tsuaa nɔ naa ngɛ otsi ɔ mi ɔ, e je eko ngɔ to, nɛ e hi nya buae. Kɛkɛ ɔ, ke i ba a, e be hiae kaa a tsu sika hu.

Yesaya 58:7

Nɔ nɛ hwɔ ngɛ lɛ yee ɔ, nyɛ ha lɛ ní nɛ e ye, nɛ nihi nɛ be he ko nɛ a maa hi ɔ, nyɛɛ ngɔ mɛ kɛ ba nyɛ we mi. Ke nyɛ na nɔ ko nɛ hɛɛ e he gu ɔ, nyɛ ha lɛ bo; nyɛ ko pee kpɛle ngɛ nyɛ nitsɛmɛ nyɛ weku li a he.

Fiɛlɔ 11:6

Du ní mɔtu kɛ gbɔkuɛ tsuo. O li a kpɛti nɔ́ nɛ maa ba; mɔtu nɔ́ ɔ jio, gbɔkuɛ nɔ́ ɔ jio. Enyɔ ɔmɛ tsuo maa hi jio, o li.

La 112:9

E keɔ ohiatsɛmɛ ní kɛ jeɔ e tsui mi faa. E naa mɔbɔ daa. E hɛ mi maa ba nyami, nɛ a maa bu lɛ.

3 Yohane 1:11

Ye nyɛmi nɛ i suɔ! Ko ya wo nihi nɛ peeɔ ní yayamihi a nane; moo kase nihi nɛ peeɔ nɔ́ kpakpa mohu. Nɔ tsuaa nɔ nɛ peeɔ nɔ́ kpakpa a, Mawu nɔ́ ji lɛ; nɔ nɛ peeɔ yayami ɔ, e li Mawu.

Yakobo 2:5

Ye nyɛmimɛ nɛ i suɔ, nyɛɛ bu tue. Tse nyɛ le kaa nihi nɛ je ɔ buu mɛ ohiatsɛmɛ ɔ, mɛ Mawu hla a. Akɛnɛ a heɔ Yesu yeɔ ɔ, nimli nɛ ɔmɛ ba pee mumi mi niatsɛmɛ, nɛ matsɛ yemi ɔ nɛ Mawu wo si ha nihi nɛ suɔ lɛ ɔ ba pee a nɔ.

Ni Tsumi 9:36

Yo ko hu ngɛ Yopa nɛ ji Yesu se nyɛɛlɔ. A tsɛɛ lɛ Tabita, aloo ngɛ Hela gbi mi ɔ, Dorka. Biɛ nɛ ɔ sisi ji Odabɔ. Daa nɛ ɔ, kpakpa sɔuu e peeɔ, titli ɔ, e hyɛɔ dɛgutsɛmɛ a nɔ.

Yesaya 32:8

Se nɔ nɛ hɛ mi ngɛ nyami ɔ lɛɛ ní kpakpahi a he e susuɔ, nɛ e yeɔ dami sane.

Fiɛlɔ 3:12

Lɔ ɔ he ɔ, i na kaa be abɔ nɛ nɔmlɔ ngɛ je nɛ ɔ mi ɔ, nɔ́ nɛ sa lɛ peemi pɛ ji kaa e nya, nɛ e na bua jɔmi.

Kronika II, 24:16

A pu lɛ ngɛ matsɛmɛ ɔmɛ a pu he ɔ ngɛ David ma a mi. A pee nɔ́ nɛ ɔ kɛ wo e hɛ mi nyami ngɛ ní tsumi nɛ e tsu kɛ ha Israel ma a, kɛ Mawu we ɔ he.

1 Petro 3:11

E jɔɔ yayami peemi, nɛ e pee kpakpa. E bɔ mɔde wawɛɛ, nɛ e kɛ e nyɛmimɛ nɛ hi si ngɛ he jɔmi mi.

Ni Tsumi 11:29

Lɔ ɔ he ɔ, kaseli ɔmɛ pee a yi mi kaa a ti nɔ tsuaa nɔ ma tsu nɔ́ ko bɔ nɛ e ma nyɛ, konɛ a kɛ ya je ngmlaa ha nyɛmimɛ ɔmɛ ngɛ Yudea.

Ni Tsumi 10:38

Nyɛ le Yesu nɛ je Nazaret ɔ he sane, bɔ nɛ Mawu hla lɛ, nɛ e ha nɛ Mumi Klɔuklɔu ɔ he wami ɔ ba e nɔ. Nyɛ le bɔ nɛ e kpa si kɛ ya he tsuaa he kɛ kpakpa peemi. E tsa hiɔtsɛmɛ, nɛ e hia mumi yayamihi hulɔ; ejakaa Mawu kɛ lɛ ngɛ.

Mateo 5:42

Ke nɔ ko ba mo nɔ́ ɔ, ha lɛ; ke nɔ ko ke o pa lɛ nɔ́ ko ɔ, ko kua.

Luka 3:11

E he nɔ ke, “Nɔ nɛ ngɛ hiɔwe tade enyɔ ɔ, e ke nɔ nɛ be eko ɔ nɛ dla; nɛ nɔ nɛ ngɛ niye ní ɔ, lɛ hu e kɛ nihi nɛ dla ja nɔuu.”

Efesobi 4:28

Nɔ nɛ juɔ ɔ, e ko ju hu. Se mohu e ngɔ e nguɛ nyɔngma kɛ tsu ní wawɛɛ konɛ e ná nɔ́ ko nɛ e kɛ ye bua nihi nɛ e fi mɛ.