1 Timoteo 6:12 - BAIBLO ALOO NGMAMI KLƆUKLƆU Ɔ

¹² Hwuu hemi kɛ yemi ɔ he ta kpakpa a, konɛ o nine nɛ su neneene wami ɔ nɔ. Enɛ ɔ he nɛ Mawu tsɛ mo nɛ o ba ye Kristo he odase wawɛɛ ngɛ nihi babauu a hɛ mi ɔ nɛ.

Somi He Ɔ

¹² Hwu hemi kɛ yemi ta kpakpa a, pɛtɛ neneene wami ɔ he, nɔ́ he hulɔ nɛ a tsɛ mo kɛ ba benɛ o jaje jajemi kpakpa ngɛ odasefohi fuu a hɛ mi, ɔ.

1 Timoteo 6:12 ပူးပေါင်းရင်းမြစ်များ

1 Petro 5:10

Se ke nyɛ na amanehlu be bɔɔ se ɔ, Mawu nɛ dlooɔ wɔ níhi tsuo ɔ, lɛ nitsɛ e maa pee nɔ́ tsuaa nɔ́ nɛ he hia ha nyɛ. E maa waje nyɛ; e maa wo nyɛ he wami, nɛ e ma ha nɛ nyɛ ma fi si kaa nyɛ le lɛ daa. Lɛ nɛ e tsɛ nyɛ, konɛ nyɛɛ kɛ lɛ ba hi e hɛ mi nyami nɛ ngɛ kɛ yaa neneene ɔ mi; ejakaa nyɛɛ kɛ Kristo ba pee kake.

1 Timoteo 1:18

Ye bi Timoteo, munyuhi nɛ gbali ɔmɛ tu blema ngɛ o he ɔ, lɔ ɔmɛ imi hu i ngɛ mo fae ke o pee. Ha munyu nɛ ɔmɛ nɛ a pee kaa ta hwumi níhi ngɛ o dɛ nɛ o kɛ tsu ní saminya.

2 Timoteo 4:7

Ta kpakpa a, i hwu; i tu fo ɔ tsuo gbe nya. I pɛtɛ hemi kɛ yemi ɔ he.

Kpojemi 3:3

Lɔ ɔ he ɔ, kaii nɔ́ nɛ a tsɔɔ mo, kɛ nɔ́ nɛ o nu ɔ. Bu tue, nɛ o tsake o tsui. Ke o pee we ja a, ma ba na mo tlukaa kaa julɔ be mi nɛ o hɛ be o he nɔ.

1 Timoteo 6:13

I ngɛ mo fae ngɛ Mawu, kɛ Kristo Yesu hɛ mi kaa o ye mlaa nɛ ɔmɛ a nɔ veveeve kɛ yaa si ligbi ɔ nɛ wa Nyɔmtsɛ Yesu Kristo maa ba. Mawu lɛ haa nɔ tsuaa nɔ wami, nɛ Kristo Yesu ye Mawu he odase wawɛɛ ngɛ Pontio Pilato hɛ mi. Ke be ɔ su ɔ, Mawu ma ha Kristo Yesu maa ba.

1 Yohane 2:25

Nɛ nɔ́ nɛ Kristo nitsɛ wo wɔ he si ɔ ji neneene wami.

Hebribi 6:18

E tsɔɔ kaa nɔ́ enyɔ nɛ ɔmɛ be tsakee gblegbleegble, nɛ Mawu hu be a he lakpa yee. Kɛkɛ ɔ, kɛ gu a nɔ ɔ, wɔ nihi nɛ wa ba sa we ngɛ Mawu ngɔ ɔ, e maa wo wɔ he wami, konɛ waa pɛtɛ nɔ́ nɛ wa ngɔ wa hɛ ngɔ fɔ nɔ ɔ he nɛ wa.

2 Timoteo 1:9

Mawu he wa yi wami, nɛ e tsɛ wɔ, konɛ wa ba pee e nihi. Pi nɔ́ kpakpa ko nɛ wa pee he je, se mohu lɛ nitsɛ e yi mi tomi nya nɛ e dloo wɔ. Wa ná kikɛmɛ a dloomi nɛ ɔ kɛ gu Kristo Yesu nɔ blema lokoo loko a bɔ je ɔ.

Kolosebi 3:15

He jɔmi nɛ Kristo haa a, nyɛ ha nɛ a na kaa e ngɛ ní tsue ngɛ nyɛ tsui mi. Ejakaa nyɛ nɛ nyɛ ngɛ nɔmlɔ tso kake ɔ mi ɔ, ní tsumi nɛ Mawu kpee nyɛ ke nyɛ ba tsu ɔ ji nɛ ɔ nɛ. E sa nɛ nyɛɛ na Mawu si.

1 Timoteo 6:19

Ke a pee ja a, a maa to juetli kpakpa si ha a he kɛ ha hwɔɔ se; nɛ a nine maa su wami nɛ ngɛ kɛ yaa neneene ɔ nɔ.

Zakaria 10:5

Ma ha nɛ Yuda bi a he maa wa. Mɛ tsuo a maa pee kaa ta buli katsɛmɛ ngɛ ta nya; a maa naa a he nyɛli a nɔ, nɛ a maa pee mɛ kaa zugba zu. I kɛ ye ma a ngɛ saminya, lɔ ɔ he ɔ, ma ha a kɛ a he nyɛli ɔmɛ maa to ní, nɛ ta okpɔngɔ nɔ hili ɔmɛ po a hɛ mi ma pue si.

Hebribi 3:14

Ejakaa wa hɛ nɛ wa kɛ fɔ Kristo nɔ kɛ je sisije ɔ, ke wa hɛɛ mi kpɛii hluu kɛ ya si nyagbe ɔ, lɛɛ wa peeɔ nihi nɛ a kɛ Kristo pee kake.

1 Tesalonikabi 2:12

Wa wo nyɛ he wami; wa wo nyɛ bua, nɛ wa wo nyɛ ga kaa nyɛɛ ba nyɛ je mi bɔ nɛ sa Mawu hɛ mi. Lɛ nɛ e tsɛ nyɛ ke nyɛɛ ba lɛ nitsɛ e matsɛ yemi ɔ, kɛ e nyami ɔ mi.

Abɛ Womi 3:18

Nihi nɛ le ní ɔ, a naa bua jɔmi; nile haa mɛ wami.

1 Petro 3:9

Nyɛ ko ngɔ yayami kɛ ma yayami nane mi, aloo jɛmi kɛ ma jɛmi nane mi. Ke nihi pee nyɛ yayami, loo a jɛ nyɛ ɔ, nyɛ de Mawu nɛ e gbaa mɛ mohu. Ejakaa gbaami Mawu wo si ke e maa gbaa nyɛ benɛ e tsɛ nyɛ ɔ nɛ.

2 Tesalonikabi 2:14

Mawu tsɛ nyɛ kɛ gu sane kpakpa a nɛ wa fiɛ ha nyɛ ɔ nɔ, konɛ wa Nyɔmtsɛ Yesu hɛ mi nyami ɔ, nyɛ hu nyɛ na nyɛ blɔ fa mi nɔ́.

La 63:8

I mɛtɛ o he kpɛii, ejakaa o kɛ kɔni si wami hɛɛ mi.

Mose V, 26:3

Ngɔɔ kɛ ya osɔfo nɛ ngɛ sɔmɔe jamɛ a be ɔ ngɔ, nɛ o de lɛ ke, ‘Mwɔnɛ ɔ, i ngɛ odase yee ngɛ Yawɛ, ye Mawu ɔ hɛ mi kaa i ba su zugba a nɛ Yawɛ wo wa nɛmɛ si ke e kɛ ma ha wɔ ɔ nɔ.’

Yesaya 44:5

“Nɔ kake ma de ke ‘Imi lɛɛ Mawu nɔ́ ji mi;’ nɔ kake ma tsɛ e he ke Yakob. Nɔ kake hu ma kadi kɛ wo e kɔni nɔ ke, ‘Yawɛ nɔ́,’ nɛ e ma tsɛ e he ke Israel.”

2 Korintobi 9:13

Kikɛmɛ a ní tsumi nɛ nyɛ ngɛ tsue nɛ ɔ maa tsɔɔ kaa Kristo sɔmɔli ji nyɛ niinɛ. Nɛ nyɛ nyɛmimɛ ɔmɛ nɛ heɔ yeɔ ɔ ma je Mawu yi ngɛ Kristo sane kpakpa a fiɛmi, kɛ tue bumi he. A ma je Mawu yi hulɔ ngɛ nike níhi nɛ nyɛ je nyɛ tsui mi faa ha a kɛ ni kpahi tsuo ɔ he.

Hebribi 13:23

I ngɛ hae nɛ nyɛɛ le kaa wa nyɛmi Timoteo nɛ a wo lɛ tsu ɔ, jehanɛ lɛɛ a ngmɛɛ e he. Ke e ba su ye ngɔ mla a, i kɛ lɛ tsuo maa ba nyɛ ngɔ.

2 Korintobi 6:7

anɔkuale munyu tumi, kɛ Mawu he wami nɛ ngɛ ní tsue ngɛ wa mi ɔ tsɔɔ kaa Mawu tsɔli ji wɔ. Wa peeɔ nɔ́ nɛ da, nɛ lɔ ɔ ji wa ta hwumi ní nɛ waa hɛɛ hiɔ kɛ muɔ nɛ wa kɛ faa wa he.

Lahi 3:4

Benɛ i be a he bɔɔ pɛ kɛkɛ nɛ i na lɛ, nɛ i fua lɛ atuu; nɛ i ngmɛɛ we e he kɛ ya si i kɛ lɛ ya su ye we ɔ mi, kɛ ya sɛ tsu mi he nɛ a fɔ mi ngɛ ɔ.

Filipibi 1:30

Lɔ ɔ he ɔ, nyɛ maa piɛ ye he kɛ hwu ta a. Ta nɛ ɔ nɔuu lɛ sa a nyɛ na kaa i ngɛ hwue; nɛ amlɔ nɛ ɔ hu, kaa bɔ nɛ nyɛ nu ɔ, i ngɛ nɔ kɛ mwɔɔ.

1 Timoteo 1:19

O hemi kɛ yemi mi nɛ wa, nɛ o he nile nɛ hi hɛ ngmengmle. Ni komɛ ya bui a he nile tue, nɛ a hemi kɛ yemi ɔ ta.

1 Timoteo 4:14

Mumi mi níhi nɛ Mawu kɛ dloo mo kɛ gu gbali ɔmɛ a nɔ benɛ asafo nikɔtɔma amɛ ngɔ a nine kɛ pue o yi mi ɔ, yaa nɔ nɛ o tsu a he ní daa.

2 Timoteo 2:2

Níhi nɛ o nu nɛ i ngɛ fiɛe ngɛ nihi babauu a hɛ mi ɔ, tsɔɔ nihi nɛ yeɔ anɔkuale ɔ lɔ ɔmɛ nɔuu, konɛ mɛ hu a tsɔɔ ni kpahi.

Yuda 1:3

Ye nyɛmimɛ nɛ i suɔ! Jinɛ i ngɛ mɔde bɔe nɛ ma ngma nyɛ womi, nɛ wɔ tsuo wa yi wami hemi sane ɔ, ma tsɔɔ nyɛ nya saminya. Se i na kaa e hia kaa ma ngma nyɛ nɔuu ngɛ nɔ́ kpa he mohu. Lɔ ɔ he ɔ, i kɛ womi nɛ ɔ ngɛ nyɛ mumi mi he wami woe, konɛ hemi kɛ yemi ɔ nɛ Mawu ngɔ ha e nihi nɛ e hla mɛ si kake nyɔngloo ɔ, nyɛɛ hɛɛ mi wawɛɛ.

Manyadali 3:2

Yawɛ pee nɔ́ nɛ ɔ, bɔ nɛ pee nɛ Israel yi nɔ bimɛ nɛ maa ba ngɛ se ɔ, a tsɔɔ mɛ ta hwumi; titli ɔ, a ti ni nɛmɛ nɛ yɛ ta hyɛ ɔ.