1 Timoteo 6:11 - BAIBLO ALOO NGMAMI KLƆUKLƆU Ɔ

¹¹ Se moo lɛɛ Mawu nɔmlɔ ji mo; lɔ ɔ he ɔ, bɔɔ ní nɛ ɔmɛ a he mɔde: dami sane yemi, Mawu suɔmi nya ní peemi, hemi kɛ yemi, suɔmi, tsui si tomi, kɛ he si bami.

Somi He Ɔ

¹¹ Se moo lɛɛ, oo Mawu nɔmlɔ, tuu ni nɛ ɔmɛ a nya fo, nɛ o nyɛɛ dami, Mawu jami, hemi kɛ yemi, suɔmi, tsui sitomi kɛ mi mi jɔmi se.

1 Timoteo 6:11 ပူးပေါင်းရင်းမြစ်များ

2 Timoteo 2:22

Lɔ ɔ he ɔ, nihewi a we akɔnɔ yaya a, yu o he kɛ je he kulaa, nɛ o kɛ nihi nɛ yeɔ Kristo anɔkuale nɛ bɔ. Nyɛɛ ba nyɛ je mi saminya kaa Kristo we bi nɛ yeɔ dami sane, nɛ tsuɔ a hemi kɛ yemi he ní; nyɛɛ suɔ nyɛ sibi, nɛ nyɛɛ hi si saminya ngɛ he jɔmi mi.

2 Timoteo 3:17

Kɛkɛ ɔ, Mawu tsɔlɔ ɔ maa hi kɛ pi si, nɛ e he maa su kɛ tsu nɔ́ kpakpa.

1 Timoteo 4:12

Ko ha nɛ nɔ ko nɛ gbe o he guɛ kaa niheyo kɛkɛ ji mo. Se mohu bɔɔ mɔde nɛ o munyu tumi, o je mi bami, suɔmi nɛ o ngɛ, o hemi kɛ yemi, kɛ bɔ nɛ o he tsɔ ɔ nɛ pee nɔ hyɛmi nɔ́ ha ni nɛmɛ nɛ heɔ yeɔ ɔ.

Hebribi 12:14

Nyɛɛ bɔ mɔde nɛ nyɛɛ kɛ nihi tsuo nɛ hi si ngɛ tue mi jɔmi mi. Nyɛɛ bɔ mɔde nɛ nyɛɛ pee klɔuklɔu, ejakaa nɔ nɛ be klɔuklɔu ɔ, e be Nyɔmtsɛ ɔ nae.

1 Korintobi 10:14

Lɔ ɔ he ɔ, ye huɛmɛ nɛ i suɔ, nyɛɛ yu nyɛ he kɛ je amaga jami he kulaa.

1 Petro 3:11

E jɔɔ yayami peemi, nɛ e pee kpakpa. E bɔ mɔde wawɛɛ, nɛ e kɛ e nyɛmimɛ nɛ hi si ngɛ he jɔmi mi.

1 Korintobi 6:18

Nyɛɛ tu yahomi nya fo. Yayami tsuaa yayami nɛ adesa peeɔ ɔ, pee we nɔmlɔ tso ɔ nɔ́ ko tsɔ. Se nɔ nɛ fiɛɔ yo kɛ nyumu yakayaka fiɛmi ɔ, yeɔ lɛ nitsɛ e nɔmlɔ tso ɔ awi.

La 34:14

Jɔɔ yayami peemi, nɛ o pee kpakpa. Hla tue mi jɔmi, nɛ o nyɛɛ se.

1 Timoteo 5:10

É pee yo nɛ he biɛ kaa e peeɔ kpakpa, yo nɛ nyɛ tsɔse bimɛ saminya, yo nɛ nyɛ hyɛ nibwɔhi nɛ ba to lɛ, yo nɛ sɔmɔ ni klɔuklɔu ɔmɛ kɛ he si bami, yo nɛ je nihi kɛ je haomi mi, nɛ ngɔ e be tsuo kɛ tsu ní kpakpahi.

1 Korintobi 14:1

Lɔ ɔ he ɔ, nyɛɛ bɔ suɔmi he mɔde pe nɔ́ tsuaa nɔ́. Nyɛɛ di mumi mi nike níhi a se, titli ɔ, Mawu sɛ gbi ɔ fiɛmi.

Romabi 14:19

Lɔ ɔ he ɔ, nyɛ ha waa di níhi nɛ kɛ he jɔɔmi baa, nɛ waa kɛ maa wo wa sibi he wami ɔ a se daa.

Yesaya 51:1

Yawɛ ke, “Nyɛ nihi nɛ nyɛ ngɛ hlae nɛ a he nyɛ yi wami, nɛ nyɛ ba ye ngɔ, konɛ ma piɛ nyɛ he, nyɛɛ bu mi tue. Nyɛ susu ní nɛ ɔmɛ a he: tɛ sa nɛ a gba nyɛ kɛ je mi ɔ, kɛ tɛ muɔ nɛ a tsua nyɛ kɛ je mi ɔ.

La 38:20

Nihi nɛ ngɔɔ yayami kɛ toɔ kpakpa nane mi ɔ, jamɛatsɛmɛ ɔmɛ ba pee ye he nyɛli; ejakaa imi lɛɛ i hlaa kaa ma pee nɔ́ nɛ da.

Matsɛmɛ II, 5:20

nɛ Mawu nɔmlɔ Elisha tsɔlɔ Gehazi de ke, “Hyɛ kaa ye nyɔmtsɛ ngɔ Naeman, Siria no nɛ ɔ he ngɔ ke lɛ; nɔ́ nɛ e hɛɛ kɛ ba a hu, e he we ngɛ e dɛ. I na Mawu, ma tu fo kɛ fie e se nɛ ma ya he nɔ́ ko ngɛ e dɛ.”

1 Timoteo 6:20

Timoteo, níhi nɛ a tu ngɔ wo o dɛ mi ɔ, baa yi saminya. Yakayaka ní sɛɛmi nɛ tsɔɔ we Mawu gbeye yemi, kɛ nya sami tslalaa nɛ juɛmi be mi ɔ, yu o he ngɛ he. Kikɛmɛ a ní nɛ ɔmɛ lɛ ni komɛ buu ke nile.

Yeremia 35:4

I ngɔ mɛ kɛ ba Yawɛ we ɔ, nɛ i kɛ mɛ ba wo gbalɔ Hanan, Igdalia bi ɔ se nyɛɛli ɔmɛ a tsu ɔ mi. Tsu nɛ ɔ ngɛ ma nimeli ɔmɛ a tsu ɔ kasa nya, ngɛ Shalum bi Maaseya tsu ɔ yiti je. Maaseya ji agbo nya bulɔ.

Kronika II, 8:14

Blɔ nya nɛ Salomo tsɛ, David to kɛ fɔ si ɔ, Salomo hyɛ jamɛ a blɔ nya tomi ɔ nɔ kɛ dla ní tsumi kɛ ha osɔfo ɔmɛ. E ngɔ Levi bi ɔmɛ a ní tsumi hu ngɔ wo a dɛ; mɛɛ a ní tsumi ji kaa a la kɛ je Yawɛ yi, nɛ a piɛ osɔfo ɔmɛ a he kɛ tsu a daa ligbi ní tsumi ɔmɛ. Jehanɛ, Yawɛ we ɔ agbo nya buli ɔmɛ hu Salomo dla mɛ ngɔ wo kuuhi a mi kɛ ha agbo slɔɔto ɔmɛ a nya bumi kaa bɔ nɛ Mawu nɔmlɔ, David fa ke a pee ɔ.

Matsɛmɛ II, 23:17

“Mɛnɔ yɔkɔ i ngɛ hyɛe ngɛ lejɛ ɔ?” Betel ma mi bi ɔmɛ he nɔ ke, “Mawu nɔmlɔ ɔ nɛ je Yuda a e yɔkɔ ji lɔ ɔ nɛ. Lɛ ji nɔ nɛ gba ní nɛ ɔmɛ nɛ o pee bɔ sami la tɛ nɛ ɔ ngɔ to ɔ nɛ.”

Matsɛmɛ II, 1:13

Matsɛ Ahazia tsɔ asafoatsɛ etɛne, kɛ lɛ hu e we bihi nyingmi enuɔ. Benɛ asafoatsɛ etɛne nɛ ɔ ya su yoku ɔ nɔ ɔ, e kpla si ngɛ Eliya hɛ mi nɛ e fa kue ha lɛ ke, “Mawu nɔmlɔ, i kpa mo pɛɛ, ha nɛ i kɛ o tsɔli nyingmi enuɔ nɛ ɔmɛ wa wami he nɔ́ nɛ dɔ mo.

Matsɛmɛ II, 1:9

Enɛ ɔ se ɔ, matsɛ ɔ tsɔ asafoatsɛ kake kɛ e we bihi nyingmi enuɔ ke a ya ngɔ Eliya kɛ ba. Asafoatsɛ ɔ ya na lɛ nɛ e hii si ngɛ yoku ko yi mi, nɛ e de lɛ ke, “Mawu nɔmlɔ, matsɛ ɔ ke o kple si nɛ o ba!”

Matsɛmɛ I, 20:28

Gbalɔ ko ba Matsɛ Ahab ngɔ nɛ e ba de lɛ ke, “Bɔ nɛ Yawɛ de ji nɛ ɔ nɛ: ‘Akɛnɛ Siria bi ɔmɛ de ke Yawɛ ɔ, mawu nɛ hii yokuhi a nɔ ji lɛ, se pi mawu nɛ hii nga nɔ ji lɛ he je ɔ, ma ngɔ nimli kpekpemi nɛ ɔmɛ tsuo kɛ wo o dɛ mi, nɛ o kɛ o ma a ma ná maa le kaa imi ji Yawɛ.’ ”

Matsɛmɛ I, 17:18

Kɛkɛ nɛ yo ɔ de Eliya ke, “Mawu nɔmlɔ, mɛni he je o pee mi nɔ́ nɛ ɔ? Pe o ba hiɛ ɔ nɛ o ba kai Mawu ye he yayami ɔmɛ, konɛ ye binyumu ɔ nɛ gbo lo?”

Samuel I, 2:27

Ligbi ko ɔ, gbalɔ ko ngɔ sɛ gbi kɛ je Yawɛ ngɔ ba ha Eli ke, “Benɛ o nɛ̃ Aaron, kɛ e weku li ɔmɛ ngɛ nyɔguɛ si himi mi ngɛ Egipt ɔ, i je ye he kpo ngɔ tsɔɔ Aaron.

Matsɛmɛ I, 13:26

Benɛ gbalɔ nɔmoyo ɔ nu sane nɛ ɔ, e de ke, “Gbalɔ ɔ nɛ gbo Yawɛ fami ɔ tue ɔ, lɛ! Lɛɛ enɛ ɔ he ɔ, Yawɛ je lɛ ngɔ wo jata a dɛ mi, nɛ e tsɔtslɔɔ e mi kaa bɔ nɛ Yawɛ de to ke e maa pee ɔ.”

Matsɛmɛ I, 13:1

Ligbi ko ɔ, Yawɛ tsɔ gbalɔ ko kɛ je Yuda kɛ ho Betel ya. Benɛ e ya su lejɛ ɔ, Yeroboam daa si ngɛ bɔ sami la tɛ ɔ he nɛ e yaa sã tsopa kɛ e he via.

Samuel I, 9:6

Se tsɔlɔ ɔ de lɛ ke, “O nɛ, ní nalɔ ko ngɛ ma nɛ ɔ mi nɛ a buu lɛ saminya; ejakaa nɔ́ tsuaa nɔ́ nɛ e deɔ ɔ, baa mi. Ha wa ya na lɛ; eko piɔ e maa tsɔɔ wɔ he nɛ wa maa na lohwe ɔmɛ ngɛ.”

Mose V, 33:1

Gbaami munyuhi nɛ Mawu nɔmlɔ, Mose kɛ gbaa Israel bi ɔmɛ loko e gbo ji nɛ ɔmɛ nɛ.

Mose V, 16:20

Nyɛɛ pee nɔ nɛ sa, nɛ nyɛɛ ye dami sane daa. Ke nyɛ pee ja a, nyɛ maa su zugba nɛ Yawɛ, nyɛ Mawu ɔ ngɛ nyɛ hae ɔ nɔ, nɛ nyɛ maa hi lejɛ ɔ daa.

Nehemia 12:36

Ni kpahi nɛ je e weku ɔ mi nɛ nyɛɛ e se ji Shemaya, Azarel, Milalai, Gilalai, Maai, Netanel, Yuda, kɛ Hanani. Sakuhi nɛ Matsɛ David, nɛ a pɔɔ lɛ tsɛmi ke Mawu nɔmlɔ ɔ fiaa a, ni nɛ ɔmɛ tsuo hɛɛ jamɛ a saku ɔmɛ ekomɛ. Mlaa tsɔɔlɔ nɛ a tsɛɛ Ezra a, nyɛɛ kuu nɛ to ɔ a hɛ mi.

Nehemia 12:24

A dla Levi bi ɔmɛ a mi ngɔ wo kuuhi a mi. A nyatsɛmɛ ji Hashabia, Sherebia, Yeshua, Binui, kɛ Kadmiel. Kuu enyɔ ya buaa a he nya si kake kɛ laa kɛ jeɔ Mawu yi. Kuu kake jeɔ la a, nɛ enyɔne ɔ heɔ nɔ kaa bɔ nɛ Matsɛ David, Mawu nɔmlɔ ɔ to blɔ nya ha mɛ ke a pee ɔ.

Kronika I, 23:14

Mawu nɔmlɔ Mose binyumu ɔmɛ lɛɛ a bu mɛ ngɔ piɛ Levi bi ɔmɛ a he.

Matsɛmɛ I, 17:24

Yo ɔ he nɔ ke, “Kpaako loko i na kaa Mawu nɔmlɔ ji mo, nɛ Yawɛ tuɔ munyu kɛ guɔ o nɔ niinɛ!”

Abɛ Womi 15:9

Yayami peelɔ je mi bami sɛ Yawɛ hɛ mi kulaa; se nɔ nɛ peeɔ nɔ nɛ da a, Yawɛ suɔ lɛ.

1 Timoteo 1:14

Se wa Nyɔmtsɛ ɔ dloomi babauu ɔ nya a, suɔmi, kɛ hemi kɛ yemi nɛ Mawu haa nihi tsuo nɛ ngɛ Kristo Yesu mi ɔ, imi hu i ná.

2 Timoteo 2:21

Ke nɔ ko tsu e he, nɛ e kpa yayami peemi ɔ, a maa ngɔ lɛ kɛ tsu ní ngɛ be titli ko nɛ a buu mi, ejakaa e tsu e he saminya, nɛ e plɛ pee nyu yɛmi nɔ́ pɔtɛɛ ha Nyɔmtsɛ ɔ. Kɛkɛ ɔ, a ma nyɛ maa ngɔ lɛ kɛ tsu ní tsumi kpakpa tsuaa ní tsumi kpakpa be tsuaa be.

2 Timoteo 3:10

Se Timoteo, moo lɛɛ, ní nɛ i tsɔɔ, bɔ nɛ i baa ye je mi, oti nɛ i kɛ fɔ ye hɛ mi ngɛ je nɛ ɔ mi, kɛ nɔ́ nɛ i heɔ yeɔ ɔ, o le. O le bɔ nɛ i toɔ ye tsui si, bɔ nɛ i suɔ nɔ, kɛ bɔ nɛ ye hɛ mi ka si.