1 Timoteo 6:1 - BAIBLO ALOO NGMAMI KLƆUKLƆU Ɔ

¹ Sɔmɔli tsuo nɛ ngɛ nyɔguɛ yemi mi ɔ, ha nɛ a bu a nyɔmtsɛmɛ ɔmɛ, nɛ a sɔmɔ mɛ saminya, konɛ nɔ ko nɔ ko kó ná he blɔ nɛ e tu munyu yaya kɛ si Mawu, loo Kristo jami ɔ.

Somi He Ɔ

¹ Sɔmɔli tsuo nɛ ngɛ nyɔguɛ yemi mi ɔ, a bu mɛ nitsɛmɛ a nyɔmtsɛmɛ ɔmɛ kaa nihi nɛ bu tsuo sa mɛ, konɛ a ko tu Mawu biɛ ɔ kɛ tsɔɔmi ɔ he musu bɔmi munyu.

1 Timoteo 6:1 ပူးပေါင်းရင်းမြစ်များ

Mose I, 16:9

Yawɛ bɔfo ɔ de lɛ ke, “Kpale o se kɛ ya e ngɔ, nɛ o ya ba o he si ha lɛ.”

Mose I, 24:12

Tsɔlɔ ɔ fa kue ha Yawɛ ke, “Yawɛ, ye nyɔmtsɛ Abraham Mawu! I kpa mo pɛɛ, ha nɛ ma ye manye mwɔnɛ ɔ, nɛ o je o suɔmi kpo ha ye nyɔmtsɛ Abraham.

Mose I, 24:2

Ligbi ko ɔ, e de e tsɔlɔ nɔkɔtɔma nɛ hyɛɛ lɛ Abraham ɔ níhi tsuo a nɔ ɔ ke, “Ngɔɔ o nine ba wo ye fiɔ enyɔ ɔmɛ a kpɛ, nɛ o ka mi kita

Mose I, 24:27

E de ke, “A je Yawɛ, ye nyɔmtsɛ Abraham Mawu ɔ yi, kaa e na ye nyɔmtsɛ ɔ mɔbɔ, nɛ e ye si nɛ e wo lɛ ɔ nɔ. Yawɛ kpaka mi tɛɛ kɛ ba ye nyɔmtsɛ ɔ weku li a ngɔ.”

Samuel II, 12:14

Se akɛnɛ o kɛ nɔ́ nɛ o pee nɛ ɔ pue Yawɛ hɛ mi si he je ɔ, bi nɛ a fɔ ha mo ɔ ma gbo.”

Matsɛmɛ II, 5:13

E tsɔli ɔmɛ ba e ngɔ nɛ a ba de lɛ ke, “Tsaatsɛ! Nɔ́ nguaa ko nɛ gbalɔ ɔ fa mo ke o pee jinɛ o ko pee we lo? Mɛni he je mɔ nɛ o be nyɛe nɛ o ya du o he kɛkɛ kaa bɔ nɛ e de ɔ, konɛ a tsa mo ɔ?”

Nehemia 9:5

Levi bi nɛ ɔmɛ ji ni nɛmɛ nɛ nyɛɛ ma a hɛ mi kɛ sɔle ha Mawu: Yeshua, Kadmiel, Bani, Hashabneya, Sherebia, Hodia, Shebania, kɛ Petahia. Bɔ nɛ a de ji nɛ ɔ nɛ, “Nyɛɛ te si nɛ nyɛ je Yawɛ, nyɛ Mawu ɔ yi. Nyɛ je e yi daa kɛ daa. Mawu lee, ha nɛ nɔ tsuaa nɔ nɛ je o biɛ ɔ yi. Nɔmlɔ adesa yi jemi pi ha mo lɛɛ, se ha nɛ wa je o yi kɛ̃.”

Yesaya 47:6

Ye ma a wo ye mi mi la; lɔ ɔ he ɔ, i bui mɛ kaa ye ma hu. I ngɔ mɛ ngɔ wo o sisi, nɛ o nɛ́ mɛ mɔbɔ ko kulaa; nihi nɛ bwɔ po, o wa mɛ yi mi wawɛɛ nitsɛ.

Yesaya 52:5

Jehanɛ, ngɛ Babilonia hu, jamɛ a amimi ɔ nɔuu a ye nyɛ; a pee nyɛ nyɔguɛhi nɛ a wui hiɔ ko ngɛ nyɛ he. Nihi nɛ ye nyɛ nɔ ɔ fĩa, nɛ a jɛ nyɛ saminya kɛ gbe ye he guɛ.

Yesaya 58:6

“Hwɔ hami nɛ maa sa ye hɛ mi ji nɛ ɔ nɛ. Nyɛ kpa yi wu tso ní peemi, nɛ nyɛɛ ye dami sane. Nyɛ kplɔ kuɛpã tso ngɛ ni nɛmɛ nɛ nyɛ ngɛ mɛ yi mi wae ɔ a kuɛ, nɛ nyɛɛ ku mɛ dukuduku, konɛ ni ɔmɛ nɛ a ye a he.

Ezekiel 36:20

He tsuaa he nɛ a ya a, nihi tuɔ munyu kɛ puɛɔ ye biɛ klɔuklɔu ɔ. A deɔ ke, ‘Yawɛ nitsɛ ma ji nɛ ɔ nɛ, se e fie mɛ kɛ je zugba nɛ e ha mɛ ɔ nɔ.’

Ezekiel 36:23

Ye biɛ ɔ nɛ nyɛ ble ngɛ je ma amɛ a kpɛti ɔ, ma pee lɛ klɔuklɔu. Kɛkɛ ɔ, je ma amɛ maa le kaa imi ji Yawɛ. Imi, Nyɔmtsɛ Yawɛ lɛ i de. Ma gu nyɛ, ye ma a nyɛ nɔ kɛ tsɔɔ je ma amɛ kaa nɔ klɔuklɔu ji mi.

Malaki 1:6

Bɔ nɛ Yawɛ Tabohiatsɛ ɔ ngɛ osɔfo ɔmɛ dee ji nɛ ɔ nɛ: “Bi buu e tsɛ, nɛ tsɔlɔ hu buu e nyɔmtsɛ. Ke tsɛ ji mi ɔ, mɛni he je nyɛ bui mi mɔ? Nɛ ke nyɔmtsɛ ji mi ɔ, mɛni he je nyɛ yi mi gbeye? Nyɛ gbeɔ ye he guɛ, se kɛ̃ ɔ, nyɛ biɔ ke, ‘Kɛ wa plɛ kɛ gbe o he guɛ kɛɛ?’

Mateo 11:30

ejakaa ye kuɛpã tso ɔ tloomi wɛ, nɛ ye tlomi ɔ hu jiɔ we.”

Mateo 11:9

Nyɛ de mi koo! Mɛni he je nyɛ ho ɔ? Nɛ́ nyɛ ya hyɛ gbalɔ, pi ja? Ee! Se i ngɛ nyɛ dee ke nɔ nɛ nyɛ ya na a pe gbalɔ tete.

Luka 17:1

Yesu de e kaseli ɔmɛ ke, “Níhi nɛ haa nɔ nane kpataa a, ja a ba kɛ̃. Se nɔ nɛ nɔ nɛ ní nɛ ɔmɛ guu kɛ baa a, musu tloo lɛ!

Ni Tsumi 10:22

A he nɔ ke, “Asafoatsɛ Kornelio lɛ tsɔ wɔ. Nyumu nɛ ɔ yeɔ dami sane; e yee Mawu gbeye wawɛɛ, nɛ Yuda bi ɔmɛ tsuo tuɔ e he munyu kpakpa. Mawu bɔfo ko de lɛ ke e tsɔ nɛ a ba kpee mo kɛ ba e we ɔ mi, konɛ e bu o nya mi munyu tue.”

Ni Tsumi 10:7

Kɛkɛ nɛ Mawu bɔfo ɔ je. Jehanɛ Kornelio tsɛ e sɔmɔli enyɔ, kɛ ta bulɔ kake kɛ ba e ngɔ. Ta bulɔ nɛ ɔ, Kornelio he buli ɔmɛ a ti nɔ kake nɛ yee Mawu gbeye ji lɛ.

Ni Tsumi 15:10

Lɛɛ jehanɛ mɛni he je nyɛ ngɛ Mawu kae, nɛ tlomi nɛ wa nɛmɛ ɔmɛ, kɛ wɔ nitsɛmɛ po wa nyɛ we waa tloo ɔ, nyɛɛ kɛ ngɛ ni nɛmɛ nɛ he ye ɔ tlooe mɔ?

Romabi 2:24

Kaa bɔ nɛ ngmami ɔ deɔ ɔ, “Nyɛ Yuda bi nyɛ he ɔ, ma je li ɔmɛ tuɔ musu bɔmi munyuhi kɛ siɔ Mawu.”

1 Korintobi 10:32

Nyɛ ko pee nɔ́ ko nɛ sɛ kɛ si Yuda no ko, loo ma je no ko, loo Mawu we asafo ɔ.

Galatabi 5:1

Wa ye wa he. Ee, Kristo ha wa ye wa he. Nyɛɛ da si kpitikplii, konɛ nɔ ko kó ye nyɛ nyɔguɛ hu.

Mose V, 28:48

Lɔ ɔ he ɔ, nyɛ ma sɔmɔ nyɛ he nyɛli ɔmɛ nɛ Yawɛ ma ha nɛ a te si kɛ wo nyɛ ɔ. Hwɔ kɛ kuma maa ye nyɛ; nyɛ maa hɛɛ nyɛ he gu, nɛ nɔ́ tsuaa nɔ́ maa hia nyɛ. Nyɛ he nyɛli maa wa nyɛ yi mi wawɛɛ kɛ yaa si a ma kpata nyɛ hɛ mi pɛsɛpɛsɛ.

1 Timoteo 5:14

Lɔ ɔ he ɔ, ma suɔ mohu kaa yalɔyihi nɛ wɛ lolo ɔ, a gba nɛ a fɔ bimɛ; nɛ a hyɛ a we nɔ saminya, konɛ wa he nyɛli ko na he blɔ ko kulaa kɛ tu munyu yaya kɛ si wɔ.

Tito 2:5

A tsɔse mɛ, nɛ a nyɛ nɛ a ye a he nɔ saminya, nɛ a he nɛ tsɔ, nɛ a pee a he yigbayi kpakpahi nɛ le a we yi baami, nihi nɛ a mi mi jɔ, nɛ baa a he si ha a hunomɛ. Kɛkɛ ɔ, nɔ ko nɔ ko be Mawu munyu ɔ he munyu yaya tue.

1 Petro 2:12

Nyɛɛ ba nyɛ je mi saminya ngɛ ma je li ɔmɛ a kpɛti. Ke nyɛ pee jã, nɛ a po nyɛ nya kaa yayami peeli ji nyɛ po, kpakpa nɛ nyɛ ngɛ pee ɔ, a maa na. Kɛkɛ ɔ, ligbi ɔ nɛ Mawu ma ba kojo je ɔ, a maa wo e hɛ mi nyami.

1 Petro 3:16

Se nyɛɛ pee enɛ ɔ kɛ bu, nɛ nyɛ ko nyɛ a nɔ. Nyɛɛ hi si saminya, nɛ nyɛ he nile ko bu nyɛ fɔ. Ke nyɛ pee jã a, nyɛ je mi bami kpakpa kaa Kristo se nyɛɛli ɔ ma ha zo maa gbe nihi nɛ tuɔ munyu yaya kɛ siɔ nyɛ ɔ.