1 Timoteo 5:8 - BAIBLO ALOO NGMAMI KLƆUKLƆU Ɔ

⁸ Kristo se nyɛɛlɔ nɛ hyɛ we e nyɛmimɛ a nɔ, titli ɔ, lɛ nitsɛ e we mi bimɛ ɔ, blɔɔ e ngmɛɛ e hemi kɛ yemi ɔ he. Afani nɔ nɛ he we Kristo yi ngɛ kikɛmɛ a nɔmlɔ nɛ ɔ he.

Somi He Ɔ

⁸ Ke nɔ ko hyɛ we lɛ nitsɛ e nihi, titli ɔ, lɛ nitsɛ e we mi bimɛ ɔ, e kpa ngɛ hemi kɛ yemi ɔ se, nɛ afani nɔ nɛ he we yi ɔ ngɛ e he.

1 Timoteo 5:8 ပူးပေါင်းရင်းမြစ်များ

Mose I, 30:30

Benɛ i ba a, lohwe bɔɔ pɛ o ngɛ. Se amlɔ nɛ ɔ lohwe ɔmɛ bɔ, nɛ a he hiɛ babauu; Yawɛ gu ye nɔ nɛ e kɛ gbaa mo babauu. Amlɔ nɛ ɔ, e su be nɛ ma to blɔ nya kɛ ha imi nitsɛ ye we ɔ.”

Yesaya 58:7

Nɔ nɛ hwɔ ngɛ lɛ yee ɔ, nyɛ ha lɛ ní nɛ e ye, nɛ nihi nɛ be he ko nɛ a maa hi ɔ, nyɛɛ ngɔ mɛ kɛ ba nyɛ we mi. Ke nyɛ na nɔ ko nɛ hɛɛ e he gu ɔ, nyɛ ha lɛ bo; nyɛ ko pee kpɛle ngɛ nyɛ nitsɛmɛ nyɛ weku li a he.

Mateo 18:17

Se ke e bui mɛ hu tue ɔ, yaa sɛɛ ha asafo ɔ. Ke e bɛɛe bui asafo ɔ hu tue ɔ, buu lɛ kaa wɔ jalɔ, loo tó tsulɔ.

Mateo 7:11

Nyɛ nɛ nyɛ peeɔ yayami po, tse nyɛ le bɔ nɛ nyɛ haa nyɛ bimɛ ní kpakpahi! Nyɛ Tsɛ nɛ ngɛ hiɔwe ɔ, anɛ lɛɛ e be nyɛe ma ha nihi nɛ biɔ lɛ ɔ ní kpakpahi nɛ pe enɛ ɔmɛ lo?

Yohane 15:22

Kaa i bɛ nɛ i kɛ mɛ ba tu munyu ɔ, jinɛ a ko yi fɔ kaa a pee yayami. Se jehanɛ lɛɛ a be nya jemi ko kulaa ngɛ yayami nɛ a pee ɔ he.

1 Korintobi 6:6

Se mohu, nɔ kɛ e nyɛmi yaa kojomi he, nɛ nihi nɛ li Kristo ɔ ya hyɛɛ a sane mi ha mɛ.

2 Korintobi 12:14

Amlɔ nɛ ɔ, i dla ye he nɛ ma ba slaa nyɛ si etɛne. I bɛ nɛ ma ba pee tlomi ngɛ nyɛ kuɛ nɔ; nyɛ he i ma ngɛ, se pi nyɛ sika he. Pi bimɛ nɛ sa kaa a hyɛɛ a fɔli a nɔ; e sa kaa fɔli mohu nɛ hyɛ a bimɛ a nɔ.

2 Korintobi 6:15

Kɛ Kristo kɛ Abosiami maa ye kɛɛ? Nɔ nɛ heɔ yeɔ, mɛni mi e kɛ nɔ nɛ he we yi ɔ ngɛ?

Galatabi 6:10

Lɛɛ ke e maa hi ɔ, waa pee nihi tsuo kpakpa daa, titli ɔ, nihi nɛ waa kɛ mɛ hɛɛ hemi kɛ yemi kake ɔ.

2 Timoteo 2:12

Ke wa mia wa hɛ mi ngɛ nɔ́ nami mi ɔ, waa kɛ lɛ maa ye matsɛ hulɔ. Ke wa kua lɛ ɔ, lɛ hu e ma kua wɔ.

2 Timoteo 3:5

nihi nɛ tsɛɔ a he Mawu jali, se anɔkuale mi ɔ, a bui e mi he wami ɔ kulaa. Nimli kaa kikɛ nɛ ɔ, yu o he kɛ je a he.

Tito 1:16

A deɔ ke a le Mawu, se a ní peepee tsɔɔ we jã. Yakayaka nimli, kɛ atuã tsɔli ji mɛ; a tsu we nɔ́ kpakpa ko gblee.

2 Petro 2:1

Lakpa gbali te si ngɛ ma a mi be ko nɛ be ɔ, nɛ ja nɔuu lakpa tsɔɔli maa te si ngɛ nyɛ hu nyɛ kpɛti. A kɛ lakpa tsɔɔmihi nɛ kpataa nɔ hɛ mi maa ba ngɛ laami mi. Tsɔɔlɔ ɔ nitsɛ nɛ kpɔ mɛ ɔ po a ma kua lɛ, nɛ nɔ́ nɛ ɔ ma ha nɛ a ma kpata mɛ nitsɛmɛ a hɛ mi si kake too.

Yuda 1:4

I ngɛ enɛ ɔ dee, ejakaa ni komɛ nɛ li Mawu ju si ba sɛ wa kpɛti. Sɛ gbi nɛ kɔɔ dloomi nɛ Mawu dloo wɔ ɔ he ɔ, nimli nɛ ɔmɛ plɛ hɛ mi ngɔ bu si, bɔ nɛ pee nɛ a kɛ laa a yakayaka ní peemi ɔmɛ a nɔ. Yesu Kristo, wa Tsɔɔlɔ, kɛ wa Nyɔmtsɛ kake too ɔ hu a kua lɛ. Blema lokoo lɛ ngmami ɔmɛ de to kaa a ma kpata nimli nɛ ɔmɛ a hɛ mi.

Kpojemi 2:13

I le o hi he ɔ kaa Abosiami matsɛ sɛ ɔ ngɛ lejɛ ɔ. Se o pɛtɛ ye biɛ he. Nɛ benɛ a gbe Antipa tete po ɔ, hemi kɛ yemi nɛ o ngɛ ngɛ ye mi ɔ, o ngmɛɛ we he. Niinɛ, Antipa ye ye he odase nɛ e ye mi anɔkuale. Nɛ sane kpakpa a nɛ e ngɛ fiɛe ɔ he je ɔ, a gbe lɛ ngɛ nyɛ kpɛti ngɛ he nɛ Abosiami ngɛ ɔ.

Kpojemi 3:8

I le ní nɛ o tsuɔ. I le kaa o he wɛ tsɔ; se o yeɔ ye mlaa amɛ a nɔ, nɛ o yeɔ mi anɔkuale. Hyɛ, i bli sinya ko ngɔ fɔ si ngɛ o hɛ mi, nɛ nɔ ko nɔ ko be nyɛe ma nga.