1 Timoteo 5:5 - BAIBLO ALOO NGMAMI KLƆUKLƆU Ɔ

⁵ Yalɔyo nɛ lɛ nɔ kake too e ngɛ, nɛ e be nɔ ko nɛ maa hyɛ e nɔ ɔ, ngɔɔ e hɛ ngɔ fɔɔ Mawu nɔ. E sɔlee nyɔ kɛ pia kɛ kpaa Mawu pɛɛ nɛ e ye bua lɛ.

Somi He Ɔ

⁵ Nɔ nɛ ji yalɔyo niinɛ nɛ e piɛ e nɔ kake too ɔ, ngɔɔ e hɛ ngɔ fɔɔ Mawu nɔ, nɛ e hɛɛ pɛɛ kpami kɛ sɔlemi mi nyɔ kɛ pia.

1 Timoteo 5:5 ပူးပေါင်းရင်းမြစ်များ

La 91:4

E maa bu o he, nɛ o yi ma na wami kaa lohwe pɛlitsɛ bi ngɛ e nyɛ pɛli sisi. Si nɛ e wo ke e maa ye mo anɔkuale ɔ maa pee kaa tsɛ̃i, kɛ dama nɛ ma fa o he.

Yesaya 12:2

Mawu ji ye yi wami helɔ; ma ngɔ ye hɛ ngɔ fɔ e nɔ, nɛ i be gbeye yee. Yawɛ Mawu ɔ ji nɔ nɛ haa mi he wami kɛ nyɛmi, lɛ nɔuu ji ye yi wami helɔ.

Yesaya 3:26

Ma a agbo ɔmɛ a nya maa pee mɔbɔmɔbɔ kɛ ya; nɛ ma a nitsɛ lɛɛ e maa pee kaa yo nɛ hɛɛ e he gu kɛ hii si ngɛ zugba.

Yesaya 49:21

Kɛkɛ ɔ, o ma bi o he ke, ‘Mɛnɔ lɛ fɔ bimɛ nɛ ɔmɛ ha mi? Nihi gbo ta ye he; i plɛ pee nɔ ko nɛ fɔ we, a nu mi kɛ ho ma se ya. Hyɛ, a si imi nɔ kake too, lɛɛ jije lɛ nimli nɛ ɔmɛ je mɔ? Mɛnɔ nɛ lɛ mɛ?’ ”

Yesaya 50:10

Nyɛ ti mɛnɔ yeɔ Yawɛ gbeye, nɛ e buɔ e tsɔlɔ ɔ gbi tue? E tsɔlɔ nɛ ɔ, ke e nyɛɛ ngɛ diblii kpii mi po, e ngɔɔ e hɛ ngɔ fɔɔ Yawɛ nɔ, nɛ e ngɔɔ e he kɛ kpasaa e Mawu ɔ.

Yesaya 54:1

Yerusalem, jinɛ o ngɛ kaa yosa, se jehanɛ lɛɛ o ma nyɛ ma la nɛ o ma hwɔ lele. Jehanɛ lɛɛ o ma fɔ bimɛ babauu pe yo nɛ e kɛ e huno ngɛ tsu nya daa!

Kɔmɔ Yemi 1:13

“Yawɛ ha la je hiɔwe ba sɛ ye wuhi a mi. E tsɔ mi klama, nɛ e ha i nɔ si; kɛkɛ nɛ e kua mi, nɛ i ngɛ aywilɛho yee daa.

Luka 18:1

Jehanɛ ɔ, Yesu kɛ mɛ tu munyu ngɛ abɛ gbi mi kɛ tsɔɔ kaa e sa kaa a sɔle daa nɛ a kɔni mi kó wo nyu.

Luka 18:7

Yoo, lɛɛ nihi nɛ Mawu nitsɛ hla a, ke a fa kue ha lɛ nyɔ kɛ pia a, anɛ e be mɛɛ a sane yee ha mɛ lo? Anɛ e maa to tsle hluu loko e ma ba piɛ a he lo?

Luka 2:37

nɛ e ba pee yalɔyo hluu kɛ ya si e ye jeha nyingmi kpaanyɔ kɛ eywiɛ. Yo nɛ ɔ nane pui ngɛ sɔlemi we ɔ; nyɔ kɛ pia tsuo e ngɛ Mawu jae kɛ hwɔ hami, kɛ kue fami.

Ni Tsumi 26:7

Wa wɛtso nyɔngma kɛ enyɔ ɔmɛ a hɛ ngɛ siwo nɛ ɔ nɔ. Enɛ ɔ he je nɛ a jaa Mawu saminya nyɔ kɛ pia, konɛ a nine nɛ su Mawu siwo ɔ nɔ. Nɛnɛ, kikɛmɛ a hɛ kɛ nɔ fɔmi nɛ ɔ he je nɛ Yuda bi ɔmɛ ngɛ ye nya poe nɛ ɔ nɛ!

Ni Tsumi 6:1

Jamɛ be ɔ mi benɛ kaseli ɔmɛ a he ba bɔni hiɛmi ɔ, a kpɛti nihi nɛ tuɔ Hela gbi ɔ ba te si kɛ wo ni nɛmɛ nɛ tuɔ Hebri gbi ɔ ke a hyɛ we mɛ nihi nɛ tuɔ Hela gbi ɔ a yalɔyi ɔmɛ bɔ nɛ sa; sika nɛ a haa yalɔyihi daa ligbi nɛ a kɛ hyɛɛ a he nɔ ɔ, mɛɛ lɛɛ a nine sui a nɔ́ nɔ.

Ni Tsumi 9:39

Petro dla nɛ e kɛ mɛ pue nɔ kɛ ho nɔuu. Benɛ e su lejɛ ɔ, a kɛ lɛ ya hiɔwe tsu ɔ mi. Yalɔyihi babauu ba pue e nɔ kɛ ya. A kɛ yi nɔ tadehi, kɛ tade kpahi nɛ Dorka kpɛ benɛ e ngɛ je mi ɔ tsɔɔ lɛ.

Ni Tsumi 9:41

Petro nu e nine si, nɛ e wo e nɔ da si. Jehanɛ e tsɛ ni klɔuklɔu ɔmɛ, kɛ a kpɛti yalɔyi ɔmɛ tsuo kɛ ba. E kɛ Dorka ba da a hɛ mi hɛ ngmengmle.

Romabi 1:12

I ngɛ tsɔɔe kaa i kɛ nyɛ tsuo waa ngɔ hemi kɛ yemi nɛ wa ngɛ ɔ kɛ wo wa sibi he wami.

Romabi 1:5

Kristo nɔ i gu nɛ i na dloomi, nɛ a wo mi bɔfo, konɛ e biɛ ɔ he ɔ, je ma amɛ kulaa nɛ a bu hemi kɛ yemi ɔ tue.

1 Korintobi 7:32

I suɔ kaa nyɛɛ hi si nɛ nɔ́ ko nɔ́ ko kó hao nyɛ. Nyumu nɛ be yo ɔ ngɔɔ e he ngɔ woɔ Nyɔmtsɛ ɔ ní tsumi ɔ mi, nɛ e bɔɔ mɔde kaa e maa pee Nyɔmtsɛ ɔ suɔmi nya ní.

1 Korintobi 7:34

Ke e ba mi jã a, e juɛmi peeɔ lɛ enyɔɔnyɔ. Yo nɛ be huno, aloo yiheyo kɛ e he haa Nyɔmtsɛ ɔ ní tsumi, ejakaa e suɔ kaa e ngɔ e nɔmlɔ tso ɔ, kɛ e mumi tsuo ha Nyɔmtsɛ ɔ. Yogbayo lɛɛ e haoɔ e he ngɛ je ɔ mi níhi a he, ejakaa e suɔ kaa e sa e huno hɛ mi.

Efesobi 6:18

Nyɛɛ sɔle kɛ kpa Mawu pɛɛ kaa bɔ nɛ mumi ɔ maa tsɔɔ nyɛ. Enɛ ɔ he ɔ, nyɛɛ bu mumi ɔ tue, konɛ nyɛ mia nyɛ hɛ mi kɛ kpa pɛɛ ha ni klɔuklɔu ɔmɛ daa.

Filipibi 4:6

Nyɛ ko hao ngɛ nɔ́ ko nɔ́ ko he; se mohu nɔ́ tsuaa nɔ́ mi ɔ, nyɛɛ kɛ sɔlemi, kɛ pɛɛ kpami, kɛ sina nɛ wo nyɛ hiami ní ɔmɛ a ta ha Mawu.

1 Timoteo 2:1

Kekleekle nɔ́ nɛ i ngɛ hlae nɛ nyɛɛ pee ji kaa daa ligbi ɔ, nyɛ kpa Mawu pɛɛ, nɛ nyɛɛ sɔle, nɛ nyɛɛ da mi ha nihi, konɛ nyɛɛ na lɛ si ha nihi tsuo.

1 Timoteo 5:16

Se ke yo Kristo se nyɛɛlɔ ko ngɛ yalɔyihi nɛ peeɔ e weku li ɔ, e hyɛ a nɔ, nɛ e ko ngɔ tlomi ngɔ fɔ asafo ɔ nɔ. Yalɔyihi nɛ be nɔ ko nɛ maa hyɛ a nɔ ɔ, asafo ɔ nɛ bɔ a he mɔde.

1 Timoteo 5:3

Yalɔyihi nɛ be nɔ ko ɔ, moo bu mɛ bɔ nɛ sa.

2 Timoteo 1:3

Mawu ɔ nɛ i ngɛ sɔmɔe kɛ ye tsui tsuo kaa bɔ nɛ ye nɛmɛ ɔmɛ pee ɔ, i naa lɛ si. Daa nyɔ kɛ pia ke i ngɛ sɔlee ɔ, i kaiɔ mo.

1 Petro 3:5

Ejakaa yi klɔuklɔu ɔmɛ nɛ ngɔ a hɛ ngɔ fɔ Mawu nɔ blema a ba a he si ha a hunomɛ. Nɛ enɛ ɔ ha nɛ a he pee fɛu.

Rut Womi 2:12

Yawɛ Israel Mawu ɔ, nɔ ngɔ nɛ o ba sa we ngɛ ɔ, lɛ nitsɛ nɛ e wo mo níhi nɛ o pee ɔ kulaa he hiɔ.”