1 Timoteo 5:3 - BAIBLO ALOO NGMAMI KLƆUKLƆU Ɔ

³ Yalɔyihi nɛ be nɔ ko ɔ, moo bu mɛ bɔ nɛ sa.

Somi He Ɔ

³ Yalɔyi nitsɛnitsɛmɛ ɔmɛ ɔ, buu mɛ.

1 Timoteo 5:3 ပူးပေါင်းရင်းမြစ်များ

Mose V, 27:19

“ ‘Mawu maa gbiɛ nɔ tsuaa nɔ nɛ plɛɔ nibwɔhi, awusahi, kɛ yalɔyihi a sane hɛ mi buɔ si.’ “Ma a tsuo ma he nɔ ke, ‘Amen!’

Ni Tsumi 6:1

Jamɛ be ɔ mi benɛ kaseli ɔmɛ a he ba bɔni hiɛmi ɔ, a kpɛti nihi nɛ tuɔ Hela gbi ɔ ba te si kɛ wo ni nɛmɛ nɛ tuɔ Hebri gbi ɔ ke a hyɛ we mɛ nihi nɛ tuɔ Hela gbi ɔ a yalɔyi ɔmɛ bɔ nɛ sa; sika nɛ a haa yalɔyihi daa ligbi nɛ a kɛ hyɛɛ a he nɔ ɔ, mɛɛ lɛɛ a nine sui a nɔ́ nɔ.

Mose V, 14:29

Levi bi ɔmɛ a niye ní ji nɛ ɔ nɛ, ejakaa mɛɛ lɛɛ a be weto ní ko. Nibwɔhi, awusahi, kɛ yalɔyihi hu nɛ ngɛ nyɛ ma amɛ a mi ɔ, nyɛ ha nɛ a ye eko nɛ a tɔ. Ke nyɛ pee ja a, Yawɛ, nyɛ Mawu ɔ maa gbaa nyɛ ngɛ nɔ́ tsuaa nɔ́ nɛ nyɛ ngɛ tsue ɔ mi.

Mose V, 10:18

E hyɛɛ kaa a ye awusahi, kɛ yalɔyihi a sane pɛpɛɛpɛ ha mɛ. E suɔ nihi nɛ ba to wɔ nibwɔ ɔ, nɛ e haa mɛ a niye ní, kɛ a heha ní.

1 Petro 2:17

Nyɛɛ bu nɔ tsuaa nɔ; nyɛɛ suɔ nyɛmimɛ ɔmɛ nɛ ngɔ a he ngɔ ha Kristo ɔ; nyɛɛ ye Mawu gbeye, nɛ nyɛɛ bu matsɛ ɔ.

Mose V, 16:14

Nyɛɛ kɛ nyɛ bimɛ ɔmɛ, nyɛ sɔmɔli ɔmɛ, Levi bi ɔmɛ, nibwɔ ɔmɛ, awusa amɛ, kɛ yalɔyi ɔmɛ nɛ ngɛ nyɛ ma amɛ a mi ɔ tsuo nyɛɛ ye nyami be nɛ ɔ.

Mose V, 16:11

Nyɛɛ kɛ nyɛ bimɛ ɔmɛ, nyɛ mawa amɛ, Levi bi ɔmɛ, kɛ yalɔyi ɔmɛ nɛ ngɛ nyɛ ma amɛ a mi ɔ nyɛ bua nɛ jɔ, nɛ nyɛ nya ngɛ Yawɛ, nyɛ Mawu ɔ hɛ mi. Nyɛɛ pee enɛ ɔ ngɛ he kake nɛ Yawɛ, nyɛ Mawu ɔ to nɛ a ja lɛ ngɛ ɔ.

Mose II, 20:12

“Moo bu o tsɛ kɛ o nyɛ, konɛ o se nɛ kɛ ngɛ zugba nɛ Yawɛ, o Mawu ɔ ngɔ ha mo ɔ nɔ.

1 Petro 3:7

Nyɛ hunomɛ ɔmɛ hu, ke nyɛɛ kɛ nyɛ yi ɔmɛ ngɛ ɔ, nyɛɛ na nya ha mɛ saminya kaa ngɛ nɔmlɔ tso blɔ fa mi ɔ, yo he wɛ tsɔ. Nyɛɛ bu mɛ, ejakaa Mawu ma ha nyɛɛ kɛ mɛ tsuo ma na wami kaa dloomi ní nɛ je lɛ Mawu ɔ ngɔ. Nyɛɛ pee enɛ ɔ, konɛ nɔ́ ko kó tsi nyɛ sɔlemi blɔ.

Yakobo 1:27

Bɔ nɛ nɔ ko ma ja Mawu nɛ maa sa Tsɛ Mawu ɔ nitsɛ hɛ mi ji nɛ ɔ nɛ: awusahi kɛ yalɔyihi nɛ e fi mɛ ɔ, e hyɛ a nɔ. Jehanɛ e hyɛ lɛ nitsɛ e he nɔ saminya, konɛ je mi akɔnɔ yaya ko tɔtɔ e nane.

1 Tesalonikabi 2:6

Wa bɛ, konɛ nimli ba wo wa hɛ mi nyami, nyɛ jio, ni kpahi jio.

Ni Tsumi 9:39

Petro dla nɛ e kɛ mɛ pue nɔ kɛ ho nɔuu. Benɛ e su lejɛ ɔ, a kɛ lɛ ya hiɔwe tsu ɔ mi. Yalɔyihi babauu ba pue e nɔ kɛ ya. A kɛ yi nɔ tadehi, kɛ tade kpahi nɛ Dorka kpɛ benɛ e ngɛ je mi ɔ tsɔɔ lɛ.

Luka 7:12

Benɛ e su ma a agbo ɔ nya ta a, nimli babauu ji nɛ nɛ je ma a mi kɛ ma. Nyumu ko gbo, nɛ a nyɛɛ gbogboe ɔ se. Nyumu nɛ ɔ, e nyɛ bi kake pɛ ji lɛ; yalɔyo ji e nyɛ ɔ, nɛ nihi babauu ba e ngɔ.

Luka 2:37

nɛ e ba pee yalɔyo hluu kɛ ya si e ye jeha nyingmi kpaanyɔ kɛ eywiɛ. Yo nɛ ɔ nane pui ngɛ sɔlemi we ɔ; nyɔ kɛ pia tsuo e ngɛ Mawu jae kɛ hwɔ hami, kɛ kue fami.

Mateo 23:13

“Nyɛ mlaa tsɔɔli, kɛ Farisi bi, musu tloo nyɛ! Osatotsɛmɛ! Nyɛ ngaa hiɔwe matsɛ yemi ɔ nya ngɔ woɔ nihi, se nyɛ nitsɛmɛ lɛɛ nyɛ sɛ́ mi. Ni nɛmɛ nɛ a hlaa kaa a maa sɛ mi ɔ hu nyɛ ngmɛ́ mɛ blɔ! [

Mateo 15:6

Kikɛ nɛ ɔ nyɛ peeɔ, nɛ nyɛ siɔ Mawu mlaa a, nɛ nyɛ ya nyɛɛɔ nyɛ nitsɛmɛ nyɛ kusumihi a se.

Yeremia 49:11

Nyɛ si nyɛ awusa amɛ ha mi nɛ ma hyɛ a nɔ. Nyɛ yalɔyi ɔmɛ hu, nyɛ ha nɛ a ngɔ a hɛ ngɔ fɔ ye nɔ.

La 146:9

Yawɛ baa nibwɔhi a yi; e yeɔ yalɔyihi, kɛ awusahi a sane kɛ haa mɛ; se yiwutsotsɛmɛ lɛɛ e haa a yi mi tomi peeɔ yaka.

La 94:6

A ngɛ yalɔyihi, kɛ awusahi gbee; nibwɔhi nɛ ngɛ wa zugba a nɔ hu, a ngɛ a muɔ si puee ja nɔuu.

La 68:5

Awusahi a tsɛ, kɛ yalɔyihi a he bulɔ ɔ, lɛ ji Mawu nɛ ngɛ e he klɔuklɔu ɔ nɛ.

Hiob 31:16

Ke nɔ́ ko hia ohiatsɛ ɔ, i haa lɛ; yalɔyihi hu, i ha we nɛ a hɛngmɛ nɔ daa nyu.

Hiob 29:13

I je nihi kɛ je haomi mi, nɛ a gbaa mi; nɛ i ha nɛ yalɔyihi na bua jɔmi.

1 Timoteo 5:2

Yi nikɔtɔma amɛ ɔ, o kɛ mɛ nɛ hi si kaa mo nitsɛ o nyɛmɛ, nɛ o kɛ yihewi ɔmɛ nɛ hi si kaa o nyɛmiyihi; se hyɛ nɛ yakayaka fiɛmi kó ba je mi.

Yohane 1:47

Benɛ Yesu na Natanael nɛ ma e ngɔ ɔ, e de ke, “Israel no ngmingmiingmi ji nɛ ɔ nɛ; sé ko be e he.”

Ni Tsumi 9:41

Petro nu e nine si, nɛ e wo e nɔ da si. Jehanɛ e tsɛ ni klɔuklɔu ɔmɛ, kɛ a kpɛti yalɔyi ɔmɛ tsuo kɛ ba. E kɛ Dorka ba da a hɛ mi hɛ ngmengmle.