1 Timoteo 5:21 - BAIBLO ALOO NGMAMI KLƆUKLƆU Ɔ

²¹ Ngɛ Mawu, kɛ Kristo Yesu, kɛ bɔfo klɔuklɔu ɔmɛ tsuo a hɛ mi ɔ, i ngɛ mo kita kae nɛ o ye mlaa nɛ ɔmɛ a nɔ pɛpɛɛpɛ. Ke o ngɛ nɔ́ ko pee ɔ, koo hyɛ nɔ hɛ mi. Jehanɛ hu, ko ha nɛ nɔ ko ní peepee nɛ sa o hɛ mi pe nɔ kpa nɔ́.

Somi He Ɔ

²¹ I ngɛ mo mlaa woe ngɛ Mawu kɛ Mawetsɛ Yesu Kristo kɛ e bɔfohi nɛ e hia amɛ a hɛ mi, kaa o ye ni nɛ ɔmɛ a nɔ nɛ o ko hyɛ nihi a hɛ mi kɛ kojo, nɛ jehanɛ hu, o ko hia nɔ mi.

1 Timoteo 5:21 ပူးပေါင်းရင်းမြစ်များ

La 107:43

Nɔ nɛ ji ní lelɔ ɔ, e susu ní nɛ ɔmɛ a he. Nihi tsuo nɛ a susu Yawɛ suɔmi nɛ ngɛ daa a he.

La 119:34

Ha nɛ ma nu mlaa a sisi, konɛ ma ye nɔ kɛ ye tsui tsuo.

Abɛ Womi 18:5

Nɔ nɛ sane be mi ɔ, e sɛ kaa a hyɛɔ e hɛ mi nɛ a plɛɔ nɔ nɛ nɔ́ da mohu sane hɛ mi ngɔ buɔ si ngɛ kojomi he.

Mose III, 14:42

Jehanɛ, á ngɔ tɛ kpahi kɛ tsi puɔ ɔmɛ, nɛ́ a ngɔ zu kpa kɛ kã gli ɔmɛ a he.

Mose III, 19:15

“Nyɛɛ ye dami sane ngɛ kojomi mi; nyɛ ko hyɛ nɔ ko hɛ mi, ohiatsɛ ji lɛ jio, niatsɛ ji lɛ jio.

Malaki 2:9

Enɛ ɔ he je ɔ, imi hu ma ha nɛ Israel bi ɔmɛ maa hie nyɛ, ejakaa nyɛ pee we ye suɔmi nya ní; mlaa a hu, nihi a hɛ mi lɛ nyɛ hyɛɛ kɛ tsɔɔ.”

Mateo 16:27

Ejakaa Nɔmlɔ Bi ɔ maa ba ngɛ e tsɛ hɛ mi nyami ɔ mi, kɛ e bɔfo ɔmɛ. Jamɛ a be ɔ, e maa wo nɔ tsuaa nɔ hiɔ ngɛ e ní tsumi nya.

Mateo 25:41

“Kɛkɛ ɔ, e ma de ni nɛmɛ nɛ ngɛ e muɔ nɔ ɔ ke, ‘Nyɛ nihi nɛ Mawu gbiɛ nyɛ, nyɛɛ je ye nɔ! Neneene la nɛ a dla ngɔ to Abosiami, kɛ e bɔfo ɔmɛ ɔ, nyɛ ya sɛ mi!

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

Luka 20:21

Slaali ɔmɛ ba de Yesu ke, “Tsɔɔlɔ, wa le kaa munyu nɛ jeɔ o nya, kɛ ní nɛ o tsɔɔ ɔ, anɔkuale sɔuu. Wa le kaa o hyɛ we nimli a hɛ mi, se mohu o tsɔɔ mɛ Mawu yi mi tomi kɛ ha nɔmlɔ adesa.

Luka 9:26

Nɔ tsuaa nɔ nɛ imi, kɛ ye munyu ɔ, wa he peeɔ lɛ zo ɔ, lɛ hu e he maa pee Nɔmlɔ Bi ɔ zo benɛ e maa ba ngɛ lɛ nitsɛ e hɛ mi nyami ɔ mi, kɛ e Tsɛ nɔ́ ɔ, kɛ bɔfo klɔuklɔu ɔmɛ a nɔ́ ɔ mi.

2 Korintobi 5:16

Kɛ je be nɛ ɔ mi kɛ yaa a, wa kojo we nɔ kaa bɔ nɛ adesa to blɔ nya a hu. E ngɛ mi kaa be ko nɛ be ɔ, jã lɛ wa kojo Kristo; se piɔ lɛɛ wa pee we jã hu.

Mose V, 1:7

nyɛɛ hia nɛ nyɛɛ ya nyɛ hɛ mi. Nyɛɛ ya Amor bi ɔmɛ a yo zugba amɛ, kɛ zugbahi nɛ bɔle mɛ ɔ tsuo a nɔ. Nyɛɛ ya Yordan kɔ̃ ɔ mi, yo nɔ zugba amɛ, zugba kpataa amɛ, kɛ leneyi je zugba a nɔ, kɛ ya su Mediterenia wo ɔ nya. Nyɛɛ ya Kanaan bi ɔmɛ a zugba a nɔ, kɛ Lebanon yo ɔmɛ a nɔ, kɛ ya su pa ngua a nɛ a tsɛɛ Yufrate ɔ nya.

Mose V, 33:9

A ngmɛɛ we o he, se mohu a kua a fɔli, kɛ a nyɛminyumu ɔmɛ, kɛ a bimɛ. A bu o gbi tue, nɛ a ye o somi ɔ nɔ.

1 Tesalonikabi 5:27

I ngɛ nyɛ fae ngɛ Nyɔmtsɛ ɔ biɛ mi kaa nyɛɛ kane womi nɛ ɔ ha nyɛmimɛ ɔmɛ tsuo.

1 Timoteo 6:13

I ngɛ mo fae ngɛ Mawu, kɛ Kristo Yesu hɛ mi kaa o ye mlaa nɛ ɔmɛ a nɔ veveeve kɛ yaa si ligbi ɔ nɛ wa Nyɔmtsɛ Yesu Kristo maa ba. Mawu lɛ haa nɔ tsuaa nɔ wami, nɛ Kristo Yesu ye Mawu he odase wawɛɛ ngɛ Pontio Pilato hɛ mi. Ke be ɔ su ɔ, Mawu ma ha Kristo Yesu maa ba.

2 Timoteo 2:14

Kaii mɛ kikɛmɛ a ní nɛ ɔmɛ. Bɔɔ mɛ kɔkɔ ngɛ Nyɔmtsɛ ɔ hɛ mi ke a ko pɛ ngɛ munyuhi a he, ejakaa nɔ́ kpakpa ko ji mi kɛ bɛ, se mohu jamɛ a munyu ɔmɛ gbeɔ e nuli ɔmɛ a hemi kɛ yemi.

2 Timoteo 4:1

I ngɛ Mawu, kɛ Kristo Yesu odase tsɛe kɛ ngɛ mo ga woe. Kristo ma ba ye matsɛ; e ma ba kojo nihi nɛ a hɛ ngɛ, kɛ ni nɛmɛ nɛ gbo ɔ tsuo.

Yakobo 3:17

Se nɔ nɛ ngɛ nile nɛ je hiɔwe ɔ, kekleekle nɔ́ nɛ a naa ngɛ e he ji kaa e he tsɔ. Lɔ ɔ se ɔ, a naa kaa e he jɔ; e hɛ ka si, nɛ e nuɔ nɔ́ he ha nɔ. E naa nɔ mɔbɔ saminya, nɛ ní kpakpahi sɔuu e tsuɔ. E hyɛ we nihi a hɛ mi, nɛ e pee we osato.

2 Petro 2:4

Bɔfohi nɛ pee yayami ɔ, Mawu ngɔɛ a he ngɔ ki mɛ, se mohu e tsitsɛɛ mɛ ngɔ wo gbeje muɔ mi. A fi mɛ ngɔ wo diblii mi, nɛ a maa hi mlɛe ngɛ lejɛ ɔ hluu kɛ yaa si kojomi ligbi ɔ.

Yuda 1:6

Nyɛ kai Mawu bɔfohi nɛ hɛɛ blɔ nya sa a, nɛ pee se ɔ, a tsɔ atuã kɛ je mɛ nitsɛmɛ a si himi he ɔ. Amlɔ nɛ ɔ, a kɛ kɔsɔkɔsɔ fi mɛ, nɛ Mawu ngɔ mɛ ngɔ to gbogboehi a je ngɛ diblii nɛ mi ti mi. Lejɛ ɔ nɛ a maa hi hluu kɛ yaa si ligbi ngua a maa su, nɛ a maa kojo mɛ.