1 Timoteo 5:19 - BAIBLO ALOO NGMAMI KLƆUKLƆU Ɔ

¹⁹ Ke nɔ ko ba po asafo nɔkɔtɔma ko nya ha mo ɔ, koo nu, ja nihi enyɔ, loo etɛ ba ye odase kɛ si lɛ.

Somi He Ɔ

¹⁹ Ke a po nɔkɔtɔma ko nya a, ko he kplɛɛ kaa ja ngɛ odasefohi enyɔ loo etɛ nya lolo.

1 Timoteo 5:19 ပူးပေါင်းရင်းမြစ်များ

Mateo 18:16

Se ke e bui mo tue ɔ, ngɔɔ nɔ kake, loo ni enyɔ ngɔ piɛ o he. Kɛkɛ ɔ, ni enyɔ, loo etɛ ɔmɛ maa pee odase yeli kɛ ma munyu ɔ nɔ mi.

Mose V, 19:15

“Nɔ kake pɛ ko ye odase kɛ si nɔ ko nɛ pee yayami ko. Loko a maa bu nɔ ko fɔ ɔ, a nu odase yeli enyɔ, loo nihi nɛ hiɛ pe ja a nya mi munyu.

2 Korintobi 13:1

Enɛ ɔ ji si etɛne nɛ i ma nyɛ slaami. Ngmami ɔ ke, “Ni enyɔ, loo etɛ nɛ a ye odase loko a buá sane tsuaa sane he.”

Tito 1:6

Asafo nya dalɔ ɔ, e pee nɔ ko nɛ piami be e he, nɔ nɛ ngɛ yo kake pɛ, nɛ e bimɛ le Kristo. Bimɛ ɔmɛ nɛ a pee nihi nɛ a yeɔ a he odase kpakpa; pi yaholi, loo nihi nɛ tsɔɔ atuã.

Mose V, 17:6

Se kɛ̃ ɔ, odase yeli enyɔ, loo nihi nɛ hiɛ pe jã a we odase nɔ a maa da kɛ bu lɛ fɔ, loko a gbe lɛ; a ko nu odase yelɔ kake pɛ nya mi munyu.

Hebribi 10:28

Ke nɔ ko tɔ Mose mlaa a, nɛ a da ni enyɔ, loo etɛ a we odase nɔ kɛ bu lɛ fɔ ɔ, a nɛ́ lɛ mɔbɔ; pe a gbeɔ lɛ.

Ni Tsumi 25:16

Se i de mɛ ke, e be Roma bi a mlaa a mi kaa a buu nɔ ko fɔ ke a gbe lɛ, ja nɔ nɛ a po e nya a, kɛ e nya poli ɔmɛ kpe hɛ mi kɛ hɛ mi nɛ nɔ ɔ ná he blɔ je e nya ngɛ sane nɛ a ngɔ fɔ e nɔ ɔ he lolo.

Yohane 8:17

A ngma ngɛ nyɛ mlaa a mi ke, ke ni enyɔ ye odase nɛ kɔɔ ɔ, e peeɔ anɔkuale.

Ni Tsumi 11:30

A pee ja niinɛ, nɛ a ngɔ sika a kɛ mane asafo nikɔtɔma amɛ kɛ gu Barnaba kɛ Saulo a nine nɔ.

Yohane 18:29

Lɔ ɔ he ɔ, Pilato je kpo kɛ ba a ngɔ, nɛ e bi mɛ ke, “Mɛni sane nyɛ kɛ ba ngɛ nyumu nɛ ɔ nya poe ɔ?”

1 Timoteo 4:14

Mumi mi níhi nɛ Mawu kɛ dloo mo kɛ gu gbali ɔmɛ a nɔ benɛ asafo nikɔtɔma amɛ ngɔ a nine kɛ pue o yi mi ɔ, yaa nɔ nɛ o tsu a he ní daa.

1 Timoteo 5:17

Asafo nikɔtɔmahi nɛ tsuɔ ní saminya, titli ni nɛmɛ nɛ fiɛɔ, nɛ a tsɔɔ ní hulɔ ɔ, a hyɛ nɛ a wo a hɛ mi nyami totoe enyɔ.