1 Timoteo 5:14 - BAIBLO ALOO NGMAMI KLƆUKLƆU Ɔ

¹⁴ Lɔ ɔ he ɔ, ma suɔ mohu kaa yalɔyihi nɛ wɛ lolo ɔ, a gba nɛ a fɔ bimɛ; nɛ a hyɛ a we nɔ saminya, konɛ wa he nyɛli ko na he blɔ ko kulaa kɛ tu munyu yaya kɛ si wɔ.

Somi He Ɔ

¹⁴ Lɔ ɔ he ɔ, i suɔ kaa yalɔyihi nɛ wɛ́ lolo ɔ a gba, nɛ a fɔ bimɛ, nɛ a ye a we nɔ, nɛ a ko ha he nyɛlɔ ɔ nɛ na sane ko nɛ e kɛ jɛ wɔ;

1 Timoteo 5:14 ပူးပေါင်းရင်းမြစ်များ

Tito 2:5

A tsɔse mɛ, nɛ a nyɛ nɛ a ye a he nɔ saminya, nɛ a he nɛ tsɔ, nɛ a pee a he yigbayi kpakpahi nɛ le a we yi baami, nihi nɛ a mi mi jɔ, nɛ baa a he si ha a hunomɛ. Kɛkɛ ɔ, nɔ ko nɔ ko be Mawu munyu ɔ he munyu yaya tue.

1 Timoteo 6:1

Sɔmɔli tsuo nɛ ngɛ nyɔguɛ yemi mi ɔ, ha nɛ a bu a nyɔmtsɛmɛ ɔmɛ, nɛ a sɔmɔ mɛ saminya, konɛ nɔ ko nɔ ko kó ná he blɔ nɛ e tu munyu yaya kɛ si Mawu, loo Kristo jami ɔ.

Tito 2:8

Munyu nɛ maa je o nya a, e pee munyu kpakpa nɛ a be he nɔ́ yaya ko nae nɛ a de. Kɛkɛ ɔ, ke nihi nɛ teɔ si woɔ wɔ ɔ nɛ́ nɔ́ yayami ko nɛ a de ngɛ wa he ɔ, zo maa gbe mɛ.

1 Timoteo 4:3

Kikɛmɛ a nɔ sisili nɛ ɔmɛ deɔ ke Kristo we bi be he blɔ kaa a sɛɛ gba si himi mi; kɛ jehanɛ hu, niye ní komɛ ngɛ nɛ e sɛ kaa a yeɔ. Se wɔ nɛ wa heɔ Kristo yeɔ saminya a, wa le anɔkuale ɔ kaa Mawu bɔ niye ní tsuo ha wɔ kaa waa ye faa, nɛ waa na lɛ si ngɛ he.

Daniel 6:4

Enɛ ɔ he je ɔ, amlaalo ɔmɛ, kɛ nikɔtɔma enyɔ ɔmɛ bɔ mɔde hla kaa a maa na tɔmi ko ngɛ Daniel ma nɔ yemi ní tsumi ɔ he lo. Se a nɛ nɔ́ ko nɛ a maa da nɔ kɛ po e nya. A nɛ tɔmi ko ngɛ e he; ejakaa e yeɔ anɔkuale, nɛ e pee we nɔ́ nɛ dɛ.

Abɛ Womi 14:1

Yo ní lelɔ haa nɛ we bɔɔ, se yo kuasia ní peemi níhi ywiaa we.

Hebribi 13:4

Nyɛ ha gba si himi he nɛ tsɔ, nɛ nyumu kɛ yo nɛ a ye a sibi anɔkuale. Ejakaa Mawu maa kojo yaholi, kɛ gba puɛli.

1 Timoteo 5:11

Se yalɔyi nɛ wɛ ɔ, koo ngma a biɛ, ejakaa ke gba ngɛ mɛ jloe ɔ, a maa ngmɛɛ Kristo he ma ya gba.

1 Timoteo 2:8

He tsuaa he nɛ asafo ɔ ma bua a he nya ngɛ kɛ ja Mawu ɔ, nyumuhi nɛ a sɔle. E hia kaa a pee Kristo se nyɛɛli nɛ ngɔ a he kɛ ha Mawu kulaa. Ke a ngɛ sɔlee ɔ, a wo a nine nɔ, nɛ mi mi la kó hi mi; nɛ a ko hla kaa a maa sã nya ngɛ nɔ́ ko he.

2 Korintobi 11:12

Ma ya nɔ ma pee kaa bɔ nɛ i peeɔ daa a. I be yemi kɛ buami ko bie ngɛ nyɛ dɛ. Ke i bi ɔ, jamɛ a ni ɔmɛ ma na he blɔ ɔ nɛ a ngɛ hlae ɔ nɛ a maa fĩa ke a ngɛ Mawu ní tsue kaa bɔ nɛ wɔ hu wa ngɛ tsue ɔ nɔuu.

Romabi 14:13

Lɔ ɔ he ɔ, nyɛ ha wa kpa wa sibi kojomi; se mohu nyɛ pee saminya nɛ nɔ ko ko pee nɔ́ ko nɛ ma ha o nyɛmi nane ma kpata, aloo nɛ ma ha e pee yayami.

Samuel II, 12:14

Se akɛnɛ o kɛ nɔ́ nɛ o pee nɛ ɔ pue Yawɛ hɛ mi si he je ɔ, bi nɛ a fɔ ha mo ɔ ma gbo.”

Mose I, 18:9

Lɔ ɔ se ɔ, nyumu ɔmɛ bi Abraham ke, “Jije o yo Sara ngɛ?” E he nɔ ke, “E ngɛ bo tsu ɔ mi.”

Mose I, 18:6

Abraham he sɔ, nɛ e kpale kɛ ho bo tsu ɔ mi ya. E ya de Sara ke, “Ngɔɔ o mamu kpakpa a; pɔtɔ lɛ nɛ o kɛ sã abolo ha ni etɛ esɔ!”

Yeremia 29:6

Nyɛɛ ngɔ yihi nɛ nyɛ fɔ binyumuhi kɛ biyihi. Nyɛɛ ngɔ yihi ha nyɛ binyumu ɔmɛ, nɛ nyɛ ha nyɛ biyi ɔmɛ gba, konɛ mɛ hu a fɔ bimɛ. Nyɛɛ bɔ ngɛ lejɛ ɔ; nyɛ nɔ nɛ ko gbɔ.