1 Timoteo 5:10 - BAIBLO ALOO NGMAMI KLƆUKLƆU Ɔ

¹⁰ É pee yo nɛ he biɛ kaa e peeɔ kpakpa, yo nɛ nyɛ tsɔse bimɛ saminya, yo nɛ nyɛ hyɛ nibwɔhi nɛ ba to lɛ, yo nɛ sɔmɔ ni klɔuklɔu ɔmɛ kɛ he si bami, yo nɛ je nihi kɛ je haomi mi, nɛ ngɔ e be tsuo kɛ tsu ní kpakpahi.

Somi He Ɔ

¹⁰ nɔ nɛ a tuɔ e he munyu kpakpa kaa e tsu ni kpakpahi, lɔ ɔ ji: ke e lɛ bimɛ, ke e pee nihi nibwɔ, ke e fɔ ni klɔuklɔu ɔmɛ a nane he, ke e ye bua nihi nɛ naa amanehlu ɔ, ke e di ni tsumi kpakpa tsuaa nitsumi kpakpa se ɔ.

1 Timoteo 5:10 ပူးပေါင်းရင်းမြစ်များ

1 Timoteo 6:18

A ko pee kpɛle, se a bɔle nine ha nɔ tsuaa nɔ.

Tito 3:8

Anɔkuale munyu sisiisi ji nɛ ɔ nɛ. I suɔ kaa o di ní nɛ ɔmɛ a se wawɛɛ, konɛ nihi nɛ ba he Mawu ye ɔ nɛ a ngɔ a be kɛ tsu ní kpakpahi. Enɛ ɔmɛ ji níhi nɛ hi, nɛ a he ngɛ se nami ha nihi tsuo.

Ni Tsumi 9:36

Yo ko hu ngɛ Yopa nɛ ji Yesu se nyɛɛlɔ. A tsɛɛ lɛ Tabita, aloo ngɛ Hela gbi mi ɔ, Dorka. Biɛ nɛ ɔ sisi ji Odabɔ. Daa nɛ ɔ, kpakpa sɔuu e peeɔ, titli ɔ, e hyɛɔ dɛgutsɛmɛ a nɔ.

Tito 3:1

Mo kai o we bi ɔmɛ, nɛ a ba a he si ngɔ ha ma nɔ yeli, kɛ ni nɛmɛ nɛ hɛɛ blɔ nya. Á bu mɛ, nɛ a pee klaalo kaa a ma tsu ní tsumi kpakpa be tsuaa be.

Tito 2:7

Mo nitsɛ o ba o je mi saminya ngɛ nɔ́ tsuaa nɔ́ mi, konɛ lɔ ɔ nɛ pee nɔ hyɛmi nɔ́ kpakpa ha ni ɔmɛ. Ke o ngɛ ní tsɔɔe ɔ, ha nɛ a na kaa o juɛmi mi tsɔ, nɛ o hɛ dɔ.

2 Timoteo 3:17

Kɛkɛ ɔ, Mawu tsɔlɔ ɔ maa hi kɛ pi si, nɛ e he maa su kɛ tsu nɔ́ kpakpa.

Romabi 12:13

Ni klɔuklɔu ɔmɛ nɛ e fi mɛ ɔ, nyɛɛ ye bua mɛ; nɛ nyɛɛ bɔ nibwɔ peemi he mɔde.

Luka 7:44

Jehanɛ, e plɛ e hɛ mi kɛ kpee yo ɔ, nɛ e de Simon ke, “Tse o ngɛ yo nɛ ɔ hyɛe? Nɛ i ba sɛ o we ɔ mi ɔ, o ha we mi nyu nɛ ma kɛ fɔ ye nane he, se lɛɛ e kɛ vo nyu fɔ ye nane he, nɛ e kɛ e yi bwɔmi tsu.

Mateo 5:16

Nyɛ ha nyɛ la a nɛ tso ngɛ nimli a hɛ mi ja nɔuu, konɛ a na ní kpakpahi nɛ nyɛ ngɛ pee ɔ, nɛ a wo nyɛ Tsɛ nɛ ngɛ hiɔwe ɔ hɛ mi nyami.

1 Petro 2:12

Nyɛɛ ba nyɛ je mi saminya ngɛ ma je li ɔmɛ a kpɛti. Ke nyɛ pee jã, nɛ a po nyɛ nya kaa yayami peeli ji nyɛ po, kpakpa nɛ nyɛ ngɛ pee ɔ, a maa na. Kɛkɛ ɔ, ligbi ɔ nɛ Mawu ma ba kojo je ɔ, a maa wo e hɛ mi nyami.

Hebribi 13:21

e dla nyɛ kɛ pi si kɛ ní tsumi kpakpa sɔuu, konɛ nyɛɛ pee e sɔumi nya ní; nɛ kɛ gu Yesu Kristo nɔ ɔ, e ha nyɛ tsu níhi nɛ maa sa e hɛ mi, konɛ a wo e hɛ mi nyami kɛ je neneene kɛ ya neneene. Amen.

Hebribi 13:2

Nyɛ ko jɔɔ nibwɔ peemi hulɔ, ejakaa nibwɔ peemi nɔ nɛ ni komɛ gu kɛ he hiɔwe bɔfohi atuu nɛ a li tete.

Hebribi 10:24

Nyɛ ha waa kɛ hɛdɔ nɛ susu he bɔ nɛ sa, nɛ waa suɔ wa sibi, nɛ waa pee wa sibi kpakpa.

Tito 3:14

Ha nɛ wa we bi ɔmɛ nɛ a kase bɔ nɛ a maa ngɔ a be kɛ tsu ní kpakpa ha. Kɛkɛ ɔ, ke fimi be ba a, nɔ́ ko be mɛ hiae; a ko pee a he nihi nɛ a he be se nami ko.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Luka 7:38

E ba da si ngɛ Yesu nane he, ngɛ e se je, nɛ e bɔni ya fomi; nɛ vo nyu ɔ pue Yesu nane ɔmɛ a nɔ. Kɛkɛ nɛ e kɛ e yi bwɔmi tsu Yesu nane ɔmɛ a he; e fiɔ he, nɛ e plɛ nu kɛ e he via a kɛ pue nɔ.

3 Yohane 1:12

Demetrio lɛɛ nɔ tsuaa nɔ tuɔ e he munyu kpakpa; nɛ jã nɔuu nɛ anɔkuale ɔ nitsɛ hu tsɔɔ. Wɔ hu wa ngɛ e he odase yee ja nɔuu, nɛ nyɛ le kaa anɔkuale wa ngɛ tue.

1 Petro 4:9

Nyɛ he nyɛ sibi atuu ngɛ nyɛ wehi a mi, nɛ nyɛ ko de ke nɔ́ nɛ ɔ peemi wa tsɔ.

2 Timoteo 3:15

O kai kaa kɛ je o jokuɛ mi tɔɔ o le ngmami klɔuklɔu ɔ. Ngmami klɔuklɔu ɔ ma ha nɛ o maa le ní, nɛ Kristo Yesu nɛ o heɔ yeɔ ɔ ma he o yi wami.

2 Timoteo 2:21

Ke nɔ ko tsu e he, nɛ e kpa yayami peemi ɔ, a maa ngɔ lɛ kɛ tsu ní ngɛ be titli ko nɛ a buu mi, ejakaa e tsu e he saminya, nɛ e plɛ pee nyu yɛmi nɔ́ pɔtɛɛ ha Nyɔmtsɛ ɔ. Kɛkɛ ɔ, a ma nyɛ maa ngɔ lɛ kɛ tsu ní tsumi kpakpa tsuaa ní tsumi kpakpa be tsuaa be.

2 Timoteo 1:5

I kaiɔ o hemi kɛ yemi nɛ o hɛɛ mi anɔkuale mi kaa bɔ nɛ o nã Loise, kɛ o nyɛ Eunike hu hɛɛ mi ɔ. I heɔ yeɔ kaa o hɛɛ hemi kɛ yemi nɛ ɔ mi kɛ mwɔɔ.

1 Timoteo 5:25

Jã kɛ̃ nɔ́ kpakpa hu jeɔ kpo paa nɛ a naa; nɛ níhi nɛ ji kpo paa hu, a nyɛ we nɛ a laa nɔ.

1 Timoteo 2:10

Se mohu a tsu ní tsumi kpakpa nɛ sa yihi nɛ ngɔ a he kɛ ha Mawu kulaa a.

Kolosebi 1:10

Kɛkɛ ɔ, nyɛ maa ba nyɛ je mi bɔ nɛ maa sa Nyɔmtsɛ ɔ hɛ mi. Nyɛ ma tsu ní kpakpa sɔuu, nɛ nyɛ maa le Mawu saminya pe bɔ nɛ nyɛ le lɛ daa.

Efesobi 2:10

Mawu nitsɛ lɛ pee wɔ bɔ nɛ wa ngɛ nɛ ɔ. E ha waa kɛ Kristo Yesu ba nu huɛ, bɔ nɛ pee nɛ waa ngɔ wa wami be ɔ tsuo kɛ pee nihi kpakpa. E to blɔ nya nɛ ɔ blema lokoo konɛ waa nyɛɛ ngɛ nya.

Ni Tsumi 22:12

“Nyumu ko ngɛ jamɛ a ma a mi nɛ a tsɛɛ lɛ Anania. E jaa Mawu anɔkuale mi; nɛ e yeɔ Mose mlaa a nɔ pɛpɛɛpɛ. Yuda bi tsuo nɛ ngɛ Damasko ɔ tuɔ e he munyu kpakpa.

Ni Tsumi 10:22

A he nɔ ke, “Asafoatsɛ Kornelio lɛ tsɔ wɔ. Nyumu nɛ ɔ yeɔ dami sane; e yee Mawu gbeye wawɛɛ, nɛ Yuda bi ɔmɛ tsuo tuɔ e he munyu kpakpa. Mawu bɔfo ko de lɛ ke e tsɔ nɛ a ba kpee mo kɛ ba e we ɔ mi, konɛ e bu o nya mi munyu tue.”

Ni Tsumi 9:39

Petro dla nɛ e kɛ mɛ pue nɔ kɛ ho nɔuu. Benɛ e su lejɛ ɔ, a kɛ lɛ ya hiɔwe tsu ɔ mi. Yalɔyihi babauu ba pue e nɔ kɛ ya. A kɛ yi nɔ tadehi, kɛ tade kpahi nɛ Dorka kpɛ benɛ e ngɛ je mi ɔ tsɔɔ lɛ.

Ni Tsumi 6:3

Lɔ ɔ he ɔ, wa nyɛmimɛ, nyɛɛ hla nyɛ kpɛti ni kpaago, nihi nɛ ngɛ biɛ kpakpa; nihi nɛ Mumi Klɔuklɔu ɔ hyi mɛ tɔ, nɛ a le ní hulɔ, konɛ waa ngɔ mɛ ngɔ to ní tsumi nɛ ɔ nya.

Yesaya 1:17

nɛ nyɛɛ kase kpakpa peemi. Nyɛɛ ye dami sane; nihi nɛ a ngɛ mɛ yi mi wae ɔ, nyɛɛ ye a sane ha mɛ; nyɛ ha awusahi a blɔ nya níhi, nɛ nyɛɛ ye yalɔyihi a sane ha mɛ.”

La 119:4

Yawɛ, o wo o mlaa amɛ, konɛ a ye nɔ sisiisi.

Mose III, 25:35

Ke e fi o nyɛmi Israel fɔfɔɛ, nɛ e dɛ mi ta, nɛ e nyɛ we nɛ e hyɛ e he nɔ hu ɔ, moo hyɛ e nɔ. O kɛ lɛ nɛ hi si kaa nubwɔ nɛ ba to mo, konɛ e nyɛ nɛ e hi o ngɔ.

Mose I, 24:32

Laban kɛ nyumu ɔ ba we ɔ mi; e je tlomi ɔmɛ ngɛ afukpɔngɔ ɔmɛ a se mi, nɛ e ha mɛ nga kɛ niye ni kpa komɛ. E ya yɛ nyu kɛ ba ha Abraham tsɔlɔ ɔ, kɛ e we bi ɔmɛ nɛ a fɔ a nanehi a he.

Mose I, 19:2

nɛ e de ke, “Ye nyɔmtsɛmɛ, i kpa nyɛ pɛɛ, nyɛ gba ye we ɔ mi nɛ nyɛ ba to mi. Nyɛ ba fɔ nyɛ nanehi a he nɛ nyɛɛ hwɔ hiɛ ɔ, konɛ nyɛɛ te si makɛ nɛ nyɛ tsa nyɛ nyɛɛmi ɔ nɔ.” Se a he nɔ ke, “Dɛbi, wa maa hwɔ ma nɔ hiɛmɛ nɛ ɔ kɛkɛ.”

1 Timoteo 5:16

Se ke yo Kristo se nyɛɛlɔ ko ngɛ yalɔyihi nɛ peeɔ e weku li ɔ, e hyɛ a nɔ, nɛ e ko ngɔ tlomi ngɔ fɔ asafo ɔ nɔ. Yalɔyihi nɛ be nɔ ko nɛ maa hyɛ a nɔ ɔ, asafo ɔ nɛ bɔ a he mɔde.

1 Timoteo 3:7

Asafo nɔ hyɛlɔ ɔ, é ba e je mi saminya, konɛ ni nɛmɛ nɛ ja we Mawu tete po nɛ a hɛɛ e biɛ kpakpa mi. Ke pi ja a, e ma pue e hɛ mi si, kɛkɛ e sɛ Abosiami klama mi.

Mose I, 43:24

Tsɔlɔ ɔ kɛ nyɛmimɛ ɔmɛ ba Yosef we ɔ mi. E ha mɛ nyu nɛ a kɛ fɔ a nanehi a he, nɛ e ha a teji ɔmɛ ní.

1 Timoteo 3:2

Asafo nya dalɔ ɔ, sé kó hi e he. É hi yo kake; é le e he nɔ hyɛmi; e hɛ mi nɛ ka si, nɛ bu nɛ hi e he. É le nubwɔ peemi, nɛ e nyɛ nɛ e tsɔɔ ní hulɔ.

Mateo 25:17

Nɔ nɛ na sika tsu yi akpe enyɔ ɔ hu ya na enyɔ kɛ bɔ he ja nɔuu.