1 Timoteo 4:8 - BAIBLO ALOO NGMAMI KLƆUKLƆU Ɔ

⁸ Nɔmlɔ tso ɔ he mi kami ɔ, se nami bɔɔ kɛkɛ lɛ ngɛ he, se mumi mi nɔ́ ɔ lɛɛ kaa bɔ nɛ a wo si ɔ, e he ngɛ se nami babauu ngɛ je nɛ ɔ mi, kɛ nɔ́ nɛ maa ba a mi tete.

Somi He Ɔ

⁸ Ejakaa nɔmlɔ tso he mɔde bɔmi he se nami pi, se Mawu jami he ngɛ se nami ngɛ nihi tsuo kulaa mi, nɛ e ngɛ wami nɛ ngɛ amlɔ nɛ ɔ kɛ nɔ nɛ maa ba a he si womi.

1 Timoteo 4:8 ပူးပေါင်းရင်းမြစ်များ

Hiob 36:11

Ke a bu Mawu tue nɛ a sɔmɔ lɛ ɔ, a ma na tue mi jɔmi, kɛ kplɔkɔtɔ.

La 145:19

Nihi nɛ yee lɛ gbeye ɔ, e peeɔ a hiami ní kɛ haa mɛ. E buu a kue fami ɔmɛ hu tue, nɛ e heɔ a yi wami.

La 37:11

Nihi nɛ a he jɔ ɔ, mɛɛ a maa hi zugba a nɔ ngɛ kplɔkɔtɔ, kɛ tue mi jɔmi mi.

La 37:29

Nihi nɛ peeɔ nɔ́ nɛ da a, zugba a maa pee a nɔ́ nɛ a maa hi nɔ daa.

La 37:9

Ejakaa a ma kpata yayami peeli a hɛ mi. Se ni nɛmɛ nɛ ngɔɔ a hɛ kɛ fɔɔ Yawɛ nɔ ɔ, mɛɛ lɛɛ a nine maa su zugba a nɔ.

La 84:11

Yawɛ Mawu ji wa pu kɛ wa tsɛ̃i. E naa wɔ mɔbɔ, nɛ e woɔ wa hɛ mi nyami. Nihi nɛ peeɔ nɔ́ nɛ da a, e ha we nɛ nɔ́ ko hiaa mɛ.

Abɛ Womi 19:23

Nɔ nɛ yeɔ Yawɛ gbeye ɔ, e wami se kɛɔ; e naa bua jɔmi, nɛ haomi ko haomi ko bɛ e nɔ.

Abɛ Womi 22:4

Nɔ nɛ baa e he si, nɛ e yeɔ Yawɛ gbeye ɔ, e naa ní, e hɛ mi baa nyami, nɛ e wami se kɛɔ.

Fiɛlɔ 8:12

Yayami peelɔ peeɔ yayami si lafa, nɛ e gbo we. Se kɛ̃ ɔ, i le kaa nihi nɛ yeɔ Mawu gbeye anɔkuale mi ɔ, e hii ha mɛ.

Yesaya 3:10

Nihi nɛ peeɔ nɔ́ nɛ da a, a bua maa jɔ, nɛ a nɔ́ tsuaa nɔ́ maa ya nɔ saminya. A maa ye a dengme gbomi mi ngɔɔmi.

Yesaya 33:16

Jamɛatsɛ ɔ ma ná he jɔmi kaa nɔ ko nɛ ngɛ mɔ nɛ he wa saminya mi. E ma na ní maa ye, nɛ e ma na nyu maa nu.

Yeremia 6:20

Tsopa kɛ e he via nɛ a kɛ jeɔ Sheba kɛ ba haa mi ɔ, mɛni ma pee he? Nu he via nɛ a kɛ jeɔ ma se lokoo kɛ ba haa mi ɔ, i hla we. I be a sami bɔ ɔmɛ ngɔe; bɔ kpa amɛ hu i sume.

Mateo 12:32

Nɔ tsuaa nɔ nɛ maa tu munyu kɛ si Nɔmlɔ Bi ɔ, a kɛ maa pa lɛ. Se nɔ nɛ maa tu munyu kɛ si Mumi Klɔuklɔu ɔ, a kɛ be lɛ pae ngɛ yi nɔ nɛ ɔ, aloo yi nɔ nɛ maa ba a mi.

Mateo 19:29

Nɔ tsuaa nɔ nɛ ma si wehi, loo nyɛminyumuhi, loo nyɛmiyihi, loo e tsɛ, loo e nyɛ, loo bimɛ, loo zugba ngɛ ye he ɔ, a maa to lɛ nane mi totoe lafa, nɛ a ma ha lɛ neneene wami.

Mateo 6:33

Se nyɛ hla Mawu matsɛ yemi ɔ, kɛ níhi nɛ da ngɛ e hɛ mi ɔ kekle, nɛ a kɛ ní nɛ ɔmɛ tsuo maa piɛ he ngɔ ha nyɛ.

Marko 10:30

e nine maa su babauu nɔ ngɛ be nɛ ɔ mi. E ma na ní nɛ ɔmɛ kɛ bɔ he totoe lafa: we, nyɛminyumuhi, nyɛmiyihi, nyɛmɛ, bimɛ, zugba, kɛ yi wami hulɔ; nɛ e nine maa su neneene wami nɔ ngɛ je nɛ maa ba a mi.

Luka 5:38

Wai he ɔ, lohwe he womi tɔ hehi a mi nɛ e sa kaa a kɛ woɔ!

Romabi 8:28

Wa le kaa nɔ́ tsuaa nɔ́ mi ɔ, Mawu piɛɔ nihi nɛ suɔ lɛ ɔ a he, konɛ e hi ha mɛ. Nimli nɛ ɔmɛ ɔ, Mawu nitsɛ nɛ to e yi mi, nɛ e tsɛ mɛ.

1 Korintobi 3:22

Paulo jio, Apolo jio, Petro jio, je nɛ ɔ jio, wami jio, gbenɔ jio, amlɔ nɛ ɔ jio, hwɔɔ se jio, ní nɛ ɔmɛ tsuo ngɛ ha nyɛ.

1 Korintobi 8:8

Ngma kɛkɛ be hae nɛ waa hɛ wɔ kɛ su Mawu he haa pe bɔ nɛ wa ngɛ ɔ. Ke wa yi ɔ, wa laa we nɔ́ ko; ke wa ye hu, wa na we he se tsɔ.

1 Timoteo 4:7

Se yimowi a yakayaka nyaziahi nɛ se nami be he ɔ, koo di se. Bɔɔ Mawu jami he mɔde mohu.

1 Timoteo 6:3

Ni komɛ ngɛ tsɔɔmi kpa komɛ tsɔɔe nɛ pi wa Nyɔmtsɛ Yesu Kristo sane kpakpa a nitsɛ, loo Mawu jami tsɔɔmi tutuutu.

1 Timoteo 6:5

nɛ a sãã nya be tsuaa be. A juɛmi be tutuutu, nɛ a li nɔ nɛ ji anɔkuale hu. E peeɔ mɛ kaa Mawu jami ji blɔ ko nɛ a guu nɔ kɛ naa ní kpɔtɔɔ.

1 Timoteo 6:6

Se niinɛ, ní nami agbo ji Mawu jami, ke nɔ ko bua jɔ e níhi a he ɔ.

2 Timoteo 3:5

nihi nɛ tsɛɔ a he Mawu jali, se anɔkuale mi ɔ, a bui e mi he wami ɔ kulaa. Nimli kaa kikɛ nɛ ɔ, yu o he kɛ je a he.

Tito 3:8

Anɔkuale munyu sisiisi ji nɛ ɔ nɛ. I suɔ kaa o di ní nɛ ɔmɛ a se wawɛɛ, konɛ nihi nɛ ba he Mawu ye ɔ nɛ a ngɔ a be kɛ tsu ní kpakpahi. Enɛ ɔmɛ ji níhi nɛ hi, nɛ a he ngɛ se nami ha nihi tsuo.

Hebribi 13:9

Nyɛ ko ha ni komɛ nɛ ngɔ tsɔɔmi slɔɔtoslɔɔtohi nɛ kɛ sane kpakpa a kɔ we nɛ je nyɛ kɛ je blɔ kpakpa a nɔ. Mawu dloomi ɔ lɛ woɔ wa mumi mi he wami; se mlaahi nɛ kɔɔ niye ní he ɔ, se nami ko kulaa be he kɛ ha nihi nɛ yeɔ nɔ ɔ.

1 Yohane 2:25

Nɛ nɔ́ nɛ Kristo nitsɛ wo wɔ he si ɔ ji neneene wami.

Kpojemi 3:12

Nɔ nɛ maa ye kunimi ɔ, ma ngɔ lɛ ngɔ pee titima ngɛ ye Mawu ɔ sɔlemi we ɔ, nɛ e be lejɛ ɔ jee gblegbleegble. Ma ngma ye Mawu ɔ biɛ, kɛ ye Mawu ɔ ma, Yerusalem he ɔ biɛ ngɛ e he. Ma he nɛ ɔ maa je ye Mawu ɔ ngɔ ngɛ hiɔwe kɛ ba. Jehanɛ, ma ngma ye biɛ he ɔ hu ngɛ e he.

Kpojemi 3:21

Ni nɛmɛ nɛ maa ye kunimi ɔ, ma ha mɛ blɔ nɛ a maa hi ye kasa nya ngɛ ye matsɛ sɛ ɔ nɔ kaa bɔ nɛ imi hu i ye kunimi, nɛ amlɔ nɛ ɔ, i hii si ngɛ Tsaatsɛ kasa nya ngɛ e matsɛ sɛ ɔ nɔ ɔ.

Samuel I, 15:22

Samuel bi ke, “Anɛ Yawɛ nyaa sami bɔ, kɛ bɔ kpahi a he pe e munyu ɔ tue bumi lo? O nɛ, tue bumi hi pe bɔ sami, nɛ munyu ngɔmi hi pe jijɔhi a zɔ.