1 Timoteo 4:7 - BAIBLO ALOO NGMAMI KLƆUKLƆU Ɔ

⁷ Se yimowi a yakayaka nyaziahi nɛ se nami be he ɔ, koo di se. Bɔɔ Mawu jami he mɔde mohu.

Somi He Ɔ

⁷ Se yimowi a yakayaka nyazia amɛ ɔ guu. Bɔɔ Mawu jami mohu he mɔde.

1 Timoteo 4:7 ပူးပေါင်းရင်းမြစ်များ

1 Timoteo 1:4

De jamɛ a lakpa tsɔɔli ɔmɛ ke, sanehi nɛ be mi, kɛ weku kpa tslalaa se dimi ɔ, a jɔɔ be puɛmi ngɛ he. Ní nɛ ɔmɛ ɔ, nya sami nɛ se nami be he nɛ a kɛ baa; blɔ nya nɛ Mawu to kɛ ha wɔ ɔ lɛɛ ní nɛ ɔmɛ kɔ we he kulaa; hemi kɛ yemi kɛkɛ a kɛ leɔ.

2 Timoteo 2:16

Se yakayaka ní sɛɛmi nɛ tsɔɔ we Mawu gbeye yemi ɔ, yu o he kɛ je he; ejakaa e haa nɛ nihi hɛɔ a he kɛ jeɔ Mawu he kulaa mohu.

Tito 2:12

Dloomi nɛ ɔ bɔɔ wɔ kɔkɔ kaa wa kpa yayami peemi, nɛ wa ko di je nɛ ɔ mi akɔnɔ níhi a se. E tsɔɔ wɔ kaa waa hyɛ wa he nɔ saminya; waa pee nɔ́ nɛ da, nɛ waa ye Mawu gbeye,

Tito 3:9

Se nya sami yaka gu, weku kpa se jami, pɛ, kɛ mlaa a he nɔ́ jemi ɔ lɛɛ je o he kɛ je mi. Ní nɛ ɔmɛ a he be se nami, nɛ a he hia we hulɔ.

Hebribi 5:14

Se nihi nɛ wa a, a nɔ ji niye ní nitsɛ. Mɛɛ lɛɛ a tsɔse a juɛmi, nɛ a le slɔɔto nɛ ngɛ kpakpa kɛ yayami a kpɛti.

2 Timoteo 2:23

Kuasiahi a nɔ́ jemi nɛ a kase we nɔ́ kpakpa ko kɛ ji mi ɔ, tuu nya fo, ejakaa o le kaa nɔ́ jemi ɔ, kunɔ e kɛ baa.

2 Timoteo 4:4

A be suɔe kulaa kaa a maa nu anɔkuale ɔ; a ma hla kaa a maa bu nyazia mohu tue.

1 Timoteo 6:11

Se moo lɛɛ Mawu nɔmlɔ ji mo; lɔ ɔ he ɔ, bɔɔ ní nɛ ɔmɛ a he mɔde: dami sane yemi, Mawu suɔmi nya ní peemi, hemi kɛ yemi, suɔmi, tsui si tomi, kɛ he si bami.

Ni Tsumi 24:16

Lɔ ɔ he ɔ, i bɔɔ mɔde kaa daa nɛ ɔ ma pee nɔ́ nɛ maa sa Mawu, kɛ adesahi tsuo a hɛ mi, nɛ ye he nile be mi fɔ bue.

1 Timoteo 6:20

Timoteo, níhi nɛ a tu ngɔ wo o dɛ mi ɔ, baa yi saminya. Yakayaka ní sɛɛmi nɛ tsɔɔ we Mawu gbeye yemi, kɛ nya sami tslalaa nɛ juɛmi be mi ɔ, yu o he ngɛ he. Kikɛmɛ a ní nɛ ɔmɛ lɛ ni komɛ buu ke nile.

Tito 1:14

Kɛkɛ ɔ, a ya be Yuda bi a nyaziahi tue bue, nɛ mlaahi nɛ nihi nɛ kua anɔkuale ɔ wo mɛ ɔ hu a be nɔ yee.

2 Timoteo 3:12

Niinɛ, nɔ tsuaa nɔ nɛ hlaa kaa e pee e he Mawu jalɔ nɛ le Kristo Yesu ɔ, a maa wa lɛ yi mi.

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

1 Timoteo 2:10

Se mohu a tsu ní tsumi kpakpa nɛ sa yihi nɛ ngɔ a he kɛ ha Mawu kulaa a.

1 Timoteo 1:9

E sa kaa wa kai kaa mlaa he hia we nimli kpakpahi. Ni nɛmɛ nɛ a woɔ mlaa ha ji mlaa tɔli, awi yeli, nihi nɛ li Mawu, yayami peeli, nihi nɛ Mawu mumi be a mi, nihi nɛ gbee mɛ nitsɛmɛ a tsɛmɛ kɛ a nyɛmɛ, kɛ muɔ si pueli kpahi.

1 Timoteo 4:8

Nɔmlɔ tso ɔ he mi kami ɔ, se nami bɔɔ kɛkɛ lɛ ngɛ he, se mumi mi nɔ́ ɔ lɛɛ kaa bɔ nɛ a wo si ɔ, e he ngɛ se nami babauu ngɛ je nɛ ɔ mi, kɛ nɔ́ nɛ maa ba a mi tete.

1 Timoteo 6:3

Ni komɛ ngɛ tsɔɔmi kpa komɛ tsɔɔe nɛ pi wa Nyɔmtsɛ Yesu Kristo sane kpakpa a nitsɛ, loo Mawu jami tsɔɔmi tutuutu.

1 Timoteo 6:5

nɛ a sãã nya be tsuaa be. A juɛmi be tutuutu, nɛ a li nɔ nɛ ji anɔkuale hu. E peeɔ mɛ kaa Mawu jami ji blɔ ko nɛ a guu nɔ kɛ naa ní kpɔtɔɔ.

2 Timoteo 3:5

nihi nɛ tsɛɔ a he Mawu jali, se anɔkuale mi ɔ, a bui e mi he wami ɔ kulaa. Nimli kaa kikɛ nɛ ɔ, yu o he kɛ je a he.