1 Timoteo 4:5 - BAIBLO ALOO NGMAMI KLƆUKLƆU Ɔ

⁵ Ejakaa Mawu munyu ɔ, kɛ si nɛ wa naa Mawu ɔ haa niye ní ɔ he tsɔɔ.

Somi He Ɔ

⁵ ejakaa a kɛ Mawu munyu kɛ sɔlemi tsukɔɔ he.

1 Timoteo 4:5 ပူးပေါင်းရင်းမြစ်များ

1 Timoteo 4:3

Kikɛmɛ a nɔ sisili nɛ ɔmɛ deɔ ke Kristo we bi be he blɔ kaa a sɛɛ gba si himi mi; kɛ jehanɛ hu, niye ní komɛ ngɛ nɛ e sɛ kaa a yeɔ. Se wɔ nɛ wa heɔ Kristo yeɔ saminya a, wa le anɔkuale ɔ kaa Mawu bɔ niye ní tsuo ha wɔ kaa waa ye faa, nɛ waa na lɛ si ngɛ he.

1 Korintobi 7:14

Ejakaa nyumu nɛ li Kristo ɔ, e yo ɔ he ɔ, a tsukɔ e he ngɔ ha Mawu. Yo nɛ li Kristo ɔ, lɛ hu e huno ɔ he ɔ, a tsukɔ e he ngɔ ha Mawu. Ke pi jã a, jinɛ a bimɛ ɔmɛ a he tsɔ we. Se amlɔ nɛ ɔ, a ba pee bimɛ nɛ a tsukɔ a he ha Mawu.

Luka 4:4

Se Yesu de lɛ ke, “A ngma ke, ‘Pi abolo kɛkɛ nɛ haa nɔmlɔ yi naa wami.’ ”

Tito 1:15

Nihi nɛ a he tsɔ ɔ, nɔ́ tsuaa nɔ́ he tsɔ ha mɛ. Se nihi nɛ ble a he, kɛ ni nɛmɛ nɛ he we yi ɔ lɛɛ nɔ́ ko nɔ́ ko he tsɔ we ha mɛ; ejakaa a ble a juɛmi, kɛ a he nile tsuo.

Luka 11:41

Mohu ɔ, nyɛɛ ngɔ níhi nɛ ngɛ nyɛ kplu ɔmɛ, kɛ nyɛ kã amɛ a mi ngɔ ha ohiatsɛmɛ, nɛ nɔ́ tsuaa nɔ́ nɛ nyɛ ngɛ ɔ he ma tsɔ ha nyɛ.

Mose I, 1:31

Mawu na nɔ́ tsuaa nɔ́ nɛ e pee ɔ, nɛ a muɔ e hɛ saminya. Nɛ je jɔ, nɛ je na; nɛ e pee ligbi nɛ ji ekpa.

Mose I, 1:25

Mawu bɔ lohwe tsuaa lohwe: pu mi lohwehi, we mi lohwehi, kɛ ní nɛmɛ nɛ sãã si. Mawu na ní nɛ ɔmɛ tsuo, nɛ a muɔ e hɛ.

Hebribi 11:3

Hemi kɛ yemi lɛ ha wa nu sisi kaa Mawu munyu a kɛ bɔ je ɔ. Enɛ ɔ tsɔɔ kaa níhi nɛ wa nɛ́ ɔ, lɔ ɔmɛ Mawu ngɔ kɛ pee níhi nɛ wa naa a.