1 Timoteo 4:4 - BAIBLO ALOO NGMAMI KLƆUKLƆU Ɔ

⁴ Nɔ́ tsuaa nɔ́ nɛ Mawu bɔ ɔ hi. Wa ko kua ekoeko; mohu ɔ, wa sɔ́le nɔ́ tsuaa nɔ́, nɛ waa na Mawu si ngɛ he.

Somi He Ɔ

⁴ Ejakaa nɔ́ tsuaa nɔ́ nɛ Mawu bɔ ɔ e hi, nɛ a nyɛ́ nɔ́ ko nɔ́ ko nɛ a kɛ sina yeɔ ɔ,

1 Timoteo 4:4 ပူးပေါင်းရင်းမြစ်များ

Mose I, 1:31

Mawu na nɔ́ tsuaa nɔ́ nɛ e pee ɔ, nɛ a muɔ e hɛ saminya. Nɛ je jɔ, nɛ je na; nɛ e pee ligbi nɛ ji ekpa.

Ni Tsumi 10:15

Gbi ɔ de lɛ ekohu ke, “Nɔ́ nɛ Mawu tsu he ɔ, koo bu lɛ kaa e sɛ nɛ a yeɔ!”

Ni Tsumi 15:29

Nyɛɛ nyɛ wɔ nya lo; nyɛ ko ye lo nɛ muɔ ngɛ mi kɛ mwɔɔ, loo lohwe nɛ a kika e kuɛ; nɛ nyɛɛ hyɛ nyɛ he nɔ saminya, nɛ nyɛ ko fiɛ nyumu kɛ yo kayakaya fiɛmi. Nyɛɛ bɔ mɔde nɛ nyɛɛ yu nyɛ he kɛ je ní nɛ ɔmɛ a he. Nyɛɛ hi si saminya.”

Ni Tsumi 21:25

Ma je li nɛ ba he ye ɔ, mɛɛ lɛɛ wa ngma mɛ womi ke wa ma nya si kaa a ko ye wɔ nya ní, a ko ye lo nɛ muɔ ngɛ mi kɛ mwɔɔ, nɛ a ko ye lohwe nɛ a kika e kuɛ hulɔ. Jehanɛ hu, a hyɛ a he nɔ saminya, nɛ a ko fiɛ nyumu kɛ yo yakayaka fiɛmi.”

Romabi 14:14

Nɛ i ngɛ Kristo mi ɔ, i kpá si, nɛ i le kaa niye ní ko niye ní ko be nɛ he tsɔ we. Se ke nɔ ko buu niye ní ko kaa e he tsɔ we ɔ, lɛ nɛ niye ní ɔ he tsɔ we ha.

Romabi 14:20

Ko ya di niye ní se, nɛ o kpata nɔ́ ko nɛ Mawu pee hɛ mi. Nɔ́ tsuaa nɔ́ nɛ a yeɔ ɔ, e he tsɔ. Se nɔ́ ko nɛ o maa ye, nɛ ma ha o nyɛmi maa pee yayami ɔ, e sɛ kaa o ye.

Romabi 14:6

Nɔ nɛ susuɔ kaa ligbi komɛ a he hia pe ekomɛ ɔ, Nyɔmtsɛ ɔ hɛ mi nyami e ngɛ woe; nɛ nɔ nɛ yeɔ nɔ saisaa a, lɛ hu e ngɛ Nyɔmtsɛ ɔ hɛ mi nyami woe, ejakaa e naa Mawu si ngɛ he. Nɔ nɛ yi nɔ́ saisaa a, lɛ hu e kɛ woɔ Nyɔmtsɛ ɔ hɛ mi nyami, nɛ lɛ hu e naa Mawu si.

1 Korintobi 10:23

Nyɛ deɔ ke, “Wa ngɛ he blɔ kaa wa peeɔ nɔ́ tsuaa nɔ́.” Saminya! Se pi nɔ́ tsuaa nɔ́ nɛ he ngɛ se nami. “Wa ngɛ he blɔ kaa wa peeɔ nɔ́ tsuaa nɔ́.” Niinɛ! Se pi nɔ́ tsuaa nɔ́ peemi nɛ ma ha Kristo asafo ɔ maa ya nɔ.

1 Korintobi 10:25

Lo tsuaa lo nɛ a ngɛ juae ɔ, nyɛ ma nyɛ ye faa; enɛ ɔ peemi kó hao nyɛ he nile.

1 Korintobi 10:26

Ejakaa ngmami ɔ ke, “Je ɔ, kɛ e mi níhi tsuo ɔ, Nyɔmtsɛ ɔ nɔ́.”

1 Korintobi 10:30

Ke i nyɛ gbaa niye ní nɔ nɛ i ye ɔ, mɛni he je nɔ ko tuɔ ye he munyu yaya ngɛ niye ní nɛ i na Mawu si ngɛ he ɔ he?”

Mose V, 32:4

“Yawɛ ji nyɛ yi baalɔ nɛ se be; e hi kɛ pi si, nɛ e da ngɛ blɔ tsuaa blɔ nɔ. Nyɛ Mawu ɔ yeɔ e siwo nɔ; yayami ko be e he; nɔ́ nɛ da, kɛ nɔ́ nɛ sa pɛ e peeɔ.

1 Timoteo 4:3

Kikɛmɛ a nɔ sisili nɛ ɔmɛ deɔ ke Kristo we bi be he blɔ kaa a sɛɛ gba si himi mi; kɛ jehanɛ hu, niye ní komɛ ngɛ nɛ e sɛ kaa a yeɔ. Se wɔ nɛ wa heɔ Kristo yeɔ saminya a, wa le anɔkuale ɔ kaa Mawu bɔ niye ní tsuo ha wɔ kaa waa ye faa, nɛ waa na lɛ si ngɛ he.